କରାଚୀ: ଡାକ୍ତରଙ୍କ ବେପରୁଆ ମନୋଭାବ । ରୋଗୀଙ୍କୁ ଲଗାଇଲେ ସଂକ୍ରମିତ ସିରିଞ୍ଜରେ ଇଞ୍ଜେକସନ । ଫଳରେ 95ରୁ ଊର୍ଦ୍ଧ୍ବ ରୋଗୀଙ୍କ ରକ୍ତରେ ଏଚଆଇଭି ପଜେଟିଭ ଭୂତାଣୁ ଚିହ୍ନଟ କରାଯାଇଛି । ଏଭଳି ଘଟଣା ଘଟିଛି ପାକିସ୍ତାନରେ ।
ସୂଚନାନୂଯାୟୀ, ପାକିସ୍ତାନରେ ଜଣେ ଡାକ୍ତର ସଂକ୍ରମିତ ସିରିଞ୍ଜରେ ଇଞ୍ଜେକସନ ଦେବା ଫଳରେ 65 ଜଣ ଶିଶୁଙ୍କ ସମେତ 90 ଜଣ ଏଚଆଇଭିରେ ଆକ୍ରାନ୍ତ ହୋଇଛନ୍ତି । ଏ ନେଇ ଶୁକ୍ରବାର ସୂଚନା ଦେଇଛନ୍ତି ଜଣେ ସରକାରୀ ଅଧିକାରୀ ।
ଲରକାନା ସହର ପୋଲିସ ଚିଫ କାମନାର ନବାଜଙ୍କ କହିବା ଅନୁସାରେ, ସ୍ବାସ୍ଥ୍ୟ ବିଭାଗର ଅଭିଯୋଗ କ୍ରମେ ଅଭିଯୁକ୍ତ ଡାକ୍ତରକୁ ଗିରଫ କରିଛୁ । ଏହାସହ ଅଭିଯୁକ୍ତ ଡାକ୍ତର ମଧ୍ୟ ଏଚଆଇଭି ପୀଡିତ ବୋଲି ବୋଲି ସୂଚନା ମିଳିଛି । ତେବେ ପ୍ରଥମେ 18 ଜଣ ପିଲାଙ୍କ ରକ୍ତରେ ଏଚଆଇଭି ପଜେଟିଭ ଭୂତାଣୁ ଚିହ୍ନଟ ହେବା ପରେ ଅଞ୍ଚଳରେ ଚହଳ ପଡିଯାଇଥିଲା । ଏହାପରେ ସ୍ବାସ୍ଥ୍ୟ ବିଭାଗର ଯାଞ୍ଚ ପରେ ସମସ୍ତ ଘଟଣା ସାମ୍ନାକୁ ଆସିଥିଲା ।
ଘଟଣାରେ ସ୍ବାସ୍ଥ୍ୟ ମନ୍ତ୍ରୀ ପ୍ରତିକ୍ରିୟାରେ କହିଛନ୍ତି, ଯେତବେଳେ ପିଲାଙ୍କ ରକ୍ତରେ ଏଚଆଇଭି ଭୂତାଣୁ ଥିବା ଜଣାପଡିଥିଲା ସଙ୍ଗେ ସଙ୍ଗେ ତାଙ୍କ ପିତାମାତାଙ୍କର ମଧ୍ୟ ରକ୍ତ ପରୀକ୍ଷା କରାଯାଇଥିଲା । କିନ୍ତୁ ସେମାନଙ୍କ ରକ୍ତ ନମୂନାରେ ଏଚଆଇଭି ଭୂତାଣୁ ମିଳିନଥିଲା । ଏହି ଘଟଣାପରେ ବ୍ୟାପକ ଭାବେ ଯାଞ୍ଚ ପ୍ରକ୍ରିୟା ଆରମ୍ଭ ହୋଇଯାଇଛି ।
