ନୂଆଦିଲ୍ଲୀ: ଗତ ୨୪ ଘଣ୍ଟା ଧରି ପଞ୍ଜଶୀର ଉପତ୍ୟାକାରେ ଗୁଳିବିନମୟ ବନ୍ଦ ରହିବା ସହ ସଶସ୍ତ୍ର ପ୍ରତିରୋଧର ପତାକା ଉତ୍ତୋଳନକାରୀ ଏବଂ ଆଫଗାନିସ୍ତାନର ନୂତନ ଶାସକ ତାଲିବାନ ମଧ୍ୟରେ ଆଲୋଚନା ହୋଇଛି । ପଞ୍ଜଶୀରରୁ ଆସିଥିବା ଖବର ଅନୁଯାୟୀ ବୁଧବାର ଏବଂ ଗୁରୁବାର ଉଭୟ ଗୋଷ୍ଠୀ ସେମାନଙ୍କ ମଧ୍ୟରେ ପ୍ରଥମ କରି ପ୍ରତ୍ୟେକ୍ଷ ଭାବେ ଆଲୋଚନା କରିଛନ୍ତି ।
ପଡୋଶୀ ପଞ୍ଜଶୀର ପରୱାନା ରାଜଧାନୀ ଚାରିକରରେ ଉଭୟ ଗୋଷ୍ଠୀ ମଧ୍ୟରେ ଆଲୋଚନା ହୋଇଛି । ତିନି ଘଣ୍ଟା ଆଲୋଚନା ପରେ ନିଷ୍ପତ୍ତି ନିଆଯାଇଛି ଯେ, ଉଭୟ ପ୍ରତିନିଧି ଦଳ ସେମାନଙ୍କ ନେତୃତ୍ୱ ସହ ସବୁ ପ୍ରକାର ଆଲୋଚନା କରିବେ ଏବଂ ଦେଶରେ ଶାନ୍ତି ଫେରାଇ ଆଣିବା ପାଇଁ ଚେଷ୍ଟା କରିବେ । ଏତିସହ ଦ୍ବିତୀୟ ପର୍ଯ୍ୟାୟ ବୈଠକ ପର୍ଯ୍ୟନ୍ତ କୌଣସି ଦଳ ଆକ୍ରମଣ କରିବେ ନାହିଁ ବୋଲି ନିଷ୍ପତ୍ତି ନିଆଯାଇଛି । ପ୍ରତିରୋଧ ସାମୁଖ୍ୟର ପ୍ରତିନିଧି ମହମ୍ମଦ ଆଲାମ ଇଜିଦେୟାର ଏନେଇ ସୂଚନା ଦେଇଛନ୍ତି । ପ୍ରତିରୋଧ ଆନ୍ଦୋଳନର ନେତା ଅହମ୍ମଦ ମାସୁଦ ପ୍ରଥମ ପର୍ଯ୍ୟାୟ ଆଲୋଚନାରେ ଭାଗ ନେଇ ନଥିବା ଜଣାପଡିଛି ।
ତେବେ ବୈଠକରେ କିଛି ପୂର୍ବତନ ମନ୍ତ୍ରୀ, କିଛି ପୂର୍ବତନ ସାଂସଦ ଉପସ୍ଥିତ ଥିଲେ | ତାଲିବାନ ପଞ୍ଜଶୀର ଭବିଷ୍ୟତ ବିଷୟରେ ଆଲୋଚନା କରିବାକୁ ଚାହୁଁ ଥିବାବେଳେ ମାସୁଦଙ୍କ ପ୍ରତିନିଧିମାନେ ଭବିଷ୍ୟତ ସରକାରଙ୍କ ଗଠନ ବିଷୟରେ ଆଲୋଚନା କରିବାକୁ ଚାହୁଁଥିଲେ । ପଞ୍ଜଶୀର ପ୍ରତିରୋଧ ଏହା ସ୍ପଷ୍ଟ କରିଛି ଯେ ଦେଶର ଭବିଷ୍ୟତ ସରକାର ଏକ ଅନ୍ତର୍ଭୂକ୍ତ ହେବା ଆବଶ୍ୟକ ଯେଉଁଠାରେ ମହିଳା ଏବଂ ସଂଖ୍ୟାଲଘୁଙ୍କ ପାଇଁ ସମାନ ଅଧିକାର ରହିଥିବ ।
@IANS
