ଇସଲାମାବାଦ: ପାକିସ୍ତାନରୁ ପ୍ରାୟ ଏଭଳି ଘଟଣା ସାମ୍ନାକୁ ଆସେ ଯାହାକି ବିଶ୍ବବାସୀଙ୍କୁ ଆଶ୍ଚର୍ଯ୍ୟ କରିଥାଏ । ଜୁଆଖେଳ ଅଭିଯୋଗରେ ପାକିସ୍ତାନ ପୋଲିସ ଏକ ଗୋଧକୁ ଅଟକ ରଖିଛି । ଏହି ଘଟଣା ଟ୍ବିଟରରେ ସେୟାର ହେବା ପରେ ପାକିସ୍ତାନ ପୋଲିସକୁ ଟ୍ରୋଲ କରିଛନ୍ତି ୟୁଜର୍ସ ।
ସୂଚନା ଅନୁସାରେ ସାମ୍ବାଦିକ ନୟଲା ଇନାୟତ ନିଜ ଟ୍ବିଟର ଆକାଉଣ୍ଟରେ ଅଭିଯୁକ୍ତଙ୍କ ସହ ଏକ ଗଧର ଭିଡିଓ ସେୟାର କରିଥିଲେ । ଏବଂ ଏହା ସହ ଜଡିତ ଏକ ଖବର ପାଇଁ ପାକିସ୍ତାନର ନ୍ୟୁଜ୍ ଏଜେନ୍ସି ସହିତ ଏକ ଲିଙ୍କ୍ ମଧ୍ୟ ସେୟାର କରିଥିଲେ ।
ଖବର ଅନୁଯାୟୀ, ପାକିସ୍ତାନର ପଞ୍ଜାବ ରାଜ୍ୟର ରହୀମ ୟାର ଖାନରେ ପୋଲିସ ଗୋଟିଏ ଗଧ ସମେତ ଆଠ ଜଣଙ୍କୁ ଗିରଫ କରି ଜୁଆ ଖେଳ ଅଭିଯୋଗରେ 1 ଲକ୍ଷ ଟଙ୍କା ଜବତ କରିଛି । ପୋଲିସର ସୂଚନାନୁସାରେ, ଅଭିଯୁକ୍ତଙ୍କ ବିରୋଧରେ ମାମଲା ରୁଜୁ ହୋଇଛି ଏବଂ ଏହି ମାମଲାରେ ଗଧର ନାମ ମଧ୍ୟ ସାମିଲ ରହିଛି। ଏପରି ପରିସ୍ଥିତିରେ ଗଧକୁ ଅଟକ ରଖାଯାଇଛି ।
ସୋସିଆଲ ମିଡିଆରେ ଏହି ଖବର ଏବଂ ଗଧ ଭିଡିଓ ରଖିବା ପରେ ଲୋକମାନେ ଏହାକୁ ନେଇ ବହୁତ ମଜା କରୁଛନ୍ତି ଏବଂ ଭିଡିଓ ସେୟାର କରି ସେଠାରେ ପାକିସ୍ତାନ ଏବଂ ପୋଲିସକୁ ଟ୍ରୋଲ କରୁଛନ୍ତି ।
