ଇସଲାମାବାଦ: କୋରୋନା ସଂକ୍ରମଣକୁ ରୋକିବା ପାଇଁ ବିଭିନ୍ନ ପଦକ୍ଷେପମାନ ଗ୍ରହଣ କରୁଛି ପାକିସ୍ତାନ । ମୁଖ୍ୟତଃ ସାମାଜିକ ଦୂରତାକୁ ବଜାୟ ରଖିବା ପାଇଁ ଦେଶବାସୀଙ୍କୁ ଅପିଲ କରାଯାଉଥିଲେ ବି ଏହାକୁ ଖୋଲାଖୋଲି ଉଲ୍ଲଂଘନ କରାଯାଉଥିବା ଦେଖିବାକୁ ମିଳିଛି । ଦେଶରେ ଥିବା ଅନେକ ମସଜିଦରେ ଏବେ ବି ଜମୁଛି ଲୋକଙ୍କ ଭିଡ । ଆଉ ଏନେଇ ଲୋକେ କହୁଛନ୍ତି କି ଆମେ ସମସ୍ତଙ୍କ ଶୀଘ୍ର ସୁସ୍ଥତା କାମନା କରିବା ପାଇଁ ଏକାଠି ହେଉଛୁ ।
ଶୁଣିବାକୁ ଆଶ୍ଚର୍ଯ୍ୟ ଲାଗିଲେ ବି ସତ । ପାକିସ୍ତାନରେ ହଜାର ବାରଣ ସତ୍ତ୍ବେ ଏକାଠି ହେଉଛନ୍ତି ଶହ ଶହ ନାଗରିକ ଓ କରୁଛନ୍ତି ନମାଜ ପାଠ । ଏନେଇ ପଚରାଯିବାରୁ ସେମାନେ କହିଛନ୍ତି କି ଆମେ ଏକା ନୁହେଁ ଯିଏ ମସଜିଦ ଆସି ନମାଜ ପଢୁଛୁ । ଏପରି ଅନେକ ନାଗରିକ ଅଛନ୍ତି ଯେଉଁମାନେ ଘରୁ ବାହାରି ସାମାଜିକ ଦୂରତା ନିୟମ ଭାଙ୍ଗୁଛନ୍ତି । କିନ୍ତୁ ଏହା ପଛରେ ରହିଛି ଏକ ମହତ ଉଦ୍ଦେଶ୍ୟ । ଦେଶରେ କୋରୋନା ପରିସ୍ଥିତିର ମୁକାବିଲା ସହ ଲୋକଙ୍କ ଶୀଘ୍ର ସୁସ୍ଥତା କାମନା କରୁଛୁ । ଯାହାକୁ ନେଇ ଚିନ୍ତାରେ ସରକାର ।
ସୂଚନା ଅନୁଯାୟୀ ପାକିସ୍ତାନରେ ବର୍ତ୍ତମାନ ସୁଦ୍ଧା ଆକ୍ରାନ୍ତ ସଂଖ୍ୟା 5300ରେ ପହଞ୍ଚିଥିବା ବେଳେ ମୃତ୍ୟୁ ସଂଖ୍ୟା 93 ରହିଛି । ସେପଟେ ଲୋକଙ୍କ ମସଜିଦରେ ନମାଜ ପାଠ ପ୍ରସଙ୍ଗରେ ସରକାର ନିୟମ କୋହଳ କରିବା ପାଇଁ ଅପିଲ କରିଛନ୍ତି ସାଧାରଣ ନାଗରିକ ।
