ବେଜିଂ: କୋରୋନା କାଳରେ ସମସ୍ତେ ଭ୍ୟାକ୍ସିନ ଅପେକ୍ଷାରେ। ତେବେ ଚୀନ ଉହାନରୁ ମୁଣ୍ଡ ଟେକିଥିବା ଏହି ମହାମାରୀ ପାଇଁ ଏକ ଭ୍ୟାକ୍ସିନକୁ ଅନୁମୋଦନ ଦେଇଛି ଚାଇନା। ଏକ ମାସର କ୍ଲିନିକାଲ୍ ପରୀକ୍ଷା ପରେ ଚାଇନା ଜୁଲାଇ 22ରେ କୋରୋନାଭାଇରସ୍ ଟୀକା ବ୍ୟବହାରକୁ ଆନୁଷ୍ଠାନିକ ଭାବେ ଅନୁମୋଦନ କରିଛି ବୋଲି ଗ୍ଲୋବାଲ୍ ଟାଇମ୍ସ ରିପୋର୍ଟ କରିଛି। ଜାତୀୟ ସ୍ୱାସ୍ଥ୍ୟ ଆୟୋଗର ମେଡିକାଲ ସାଇନ୍ସ ଆଣ୍ଡ ଟେକ୍ନୋଲୋଜିର ବିକାଶ କେନ୍ଦ୍ରର ନିର୍ଦ୍ଦେଶକ ଜେଙ୍ଗ ଜୋଙ୍ଗୱେ ଶନିବାର ଏହାର ଶୁଭାରମ୍ଭ କରି ଟିକା ଘୋଷଣା କରିଛନ୍ତି।
ଶରତ ଏବଂ ଶୀତରେ ଏହି ରୋଗକୁ ରୋକିବା ପାଇଁ ଖାଦ୍ୟ ବଜାର, ଟ୍ରାଫିକ ସିଷ୍ଟମ ଏବଂ ସେବା କ୍ଷେତ୍ରରେ କାର୍ଯ୍ୟ କରୁଥିବା ଲୋକଙ୍କୁ ଏହି ଟିକା ଦିଆଯିବ ବୋଲି ଚୀନ୍ର ଟିକା ବିକାଶର ନେତୃତ୍ୱ ନେଉଥିବା ଜେଙ୍ଗ କହିଛନ୍ତି।
ଜେଙ୍ଗ ଆହୁରି ମଧ୍ୟ କହିଛନ୍ତି ଯେ ଏହି ଟିକା ସେମାନଙ୍କ ଦ୍ବାରା ନିର୍ଦ୍ଧାରିତ ମୂଲ୍ୟରେ ଉପଲବ୍ଧ ହେବ, ଯାହା ରାଷ୍ଟ୍ରାୟତ୍ତ ଚାଇନା ନ୍ୟାସନାଲ ଫାର୍ମାସ୍ୟୁଟିକାଲ୍ ଗ୍ରୁପ୍ କୋ, ଲିମିଟେଡ୍ ଠାରୁ କମ୍ ଅଟେ। ସିନୋ ଫାର୍ମର ଚେୟାରମ୍ୟାନ୍ ୟାଙ୍ଗ ଜିଆଓମିଙ୍ଗ କହିଛନ୍ତି ଯେ "ୟୁଏଇର 20,000 ରୁ ଅଧିକ ଲୋକ ତୃତୀୟ ପର୍ଯ୍ୟାୟ ପରୀକ୍ଷଣରେ ନିଷ୍କ୍ରିୟ କୋରୋନାଭାଇରସ୍ ଟିକା ନେଇଛନ୍ତି।
ଖବର ଅନୁଯାୟୀ, ସିନୋ ଫାର୍ମ ଜୁଲାଇରେ ଘୋଷଣା କରିଥିଲା ଯେ ସରକାର ଏହାର ପରୀକ୍ଷାକୁ ଅନୁମୋଦନ କରିବା ପୂର୍ବରୁ ଏହାର କର୍ମଚାରୀମାନଙ୍କୁ ଏକ ଟିକାକରଣର ପରୀକ୍ଷାମୂଳକ ସଟ ଦେଇଛନ୍ତି।
ଇଣ୍ଡୋନେସିଆରେ, ଅନ୍ୟ ଏକ ଚାଇନିଜ୍ କମ୍ପାନୀ ସିନୋଭାକ୍ ବାୟୋଟେକ୍ ଲିମିଟେଡ୍, ରାଷ୍ଟ୍ରାୟତ୍ତ ବାୟୋ ଫାର୍ମା ସହଭାଗିତାରେ 1,620 ସ୍ବେଚ୍ଛାସେବୀଙ୍କ ଉପରେ ଏହି ମାସରେ ଏକ ଟିକା ପରୀକ୍ଷା ଆରମ୍ଭ କରିଥିଲେ।
