ବ୍ୟାଙ୍କକ୍: ବସକୁ ଧକ୍କା ଦେଲା ଟ୍ରେନ । ରବିବାର ସକାଳେ ସେଣ୍ଟ୍ରାଲ ଥାଇଲାଣ୍ଡରେ ଏକ ବସକୁ ଟ୍ରେନ୍ ଧକ୍କା ହେବା ଫଳରେ17 ଜଣଙ୍କର ମୃତ୍ୟୁ ଘଟିଥିବା ଅଧିକାରୀ କହିଛନ୍ତି।
ମିଳିଥିବା ସୂଚନା ଅନୁଯାୟୀ, ବସଟି 65 ଜଣ ଯାତ୍ରୀଙ୍କୁ ନେଇ ଯାତାୟତ କରୁଥିଲା । ସେହି ସମୟରେ ଚାଚେଙ୍ଗସାଓରେ ବର୍ଷା ସମୟରେ ବସଟି ରେଳ ଟ୍ରାକ୍ ଅତିକ୍ରମ କରୁଥିଲା । ବର୍ଷା ଯୋଗୁଁ ଟ୍ରାକରେ ଟ୍ରେନ ଆସୁଥିବା ନେଇ ବସ ଡ୍ରାଇଭର ଜାଣିପାରିନଥିଲେ । ଏଣୁ ଟ୍ରାକ ଅତିକ୍ରମ ବେଳେ ବସଟିକୁ ଟ୍ରେନ ଧକ୍କା ଦେଇଥିଲା ।
ଫଳରେ ଏହି ଦୁର୍ଘଟଣାରେ 17 ଜଣ ଯାତ୍ରୀଙ୍କର ମୃତ୍ୟୁ ଘଟିଥିବା ବେଳେ 30ରୁ ଅଧିକ ଯାତ୍ରୀ ଗୁରୁତର ଆହତ ହୋଇଛନ୍ତି । ଖବର ପାଇ ଘଟଣା ସ୍ଥଳରେ ପୋଲିସ ପହଞ୍ଚି ଆହତମାନଙ୍କୁ ନିକଟସ୍ଥ ମେଡିକାଲ ପଠାଇଥିବା ବେଳେ ଘଟଣାର ଅଧିକ ତଦନ୍ତ ଜାରି ରଖିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
