ଲଣ୍ଡନ: ମନ ଖୁସିରେ ପତ୍ନୀଙ୍କ ଜନ୍ମଦିନ ପାଳିବାକୁ ଲକ୍ସରୀ ଟ୍ରିପରେ ଆସିଥିଲେ ବ୍ରିଟିଶ ଦମ୍ପତି । ରିଚାର୍ଡ ମାର୍ଟିନ ଟର୍ଣ୍ଣର ଇଡେନବର୍ଗରୁ ପତ୍ନୀଙ୍କ 40 ତମ ଜନ୍ମଦିନ ପାଳିବା ପାଇଁ ରିୟୁନିଅନ ଦ୍ବିପକୁ ଆସିଥିଲେ । ହେଲେ ତାଙ୍କର ଖୁସିରେ ଲାଗିଗଲା କାହା ନଜର। ଭାରତ ମହାସାଗରରେ ଥିବା ଦ୍ବୀପରେ ପହଁରୁଥିବା ବେଳେ ରିଚାର୍ଡ ଟାଇଗର ସାର୍କର ଶିକାର ହୋଇଥିଲେ ।
13 ଫୁଟ ଲମ୍ବର ଏହି ସାର୍କ ରିଚାର୍ଡଙ୍କ ଶରୀରକୁ ଖାଇବା ପରେ ବଳିଯାଇଥିଲା ତାଙ୍କର ହାତ । ନିକଟରେ ସାର୍କଟି ଧରାଯିବା ପରେ ତାର ପେଟରୁ ମିଳିଥିଲା ଏହି ହାତ । ରିଚାର୍ଡଙ୍କ ପତ୍ନୀ ସେହି ହାତରେ ଥିବା ୱେଡିଂ ରିଙ୍ଗରୁ ହିଁ ସ୍ବାମୀଙ୍କ ମୃତ୍ୟୁ ହୋଇଥିବା ଜାଣିଥିଲେ ।
ସ୍ଥାନୀୟ ଲୋକଙ୍କ କହିବା ଅନୁସାରେ ଏହି ଦ୍ବିପଟି ପର୍ଯ୍ୟଟକଙ୍କ ପାଇଁ ସୁରକ୍ଷିତ । ହେଲେ ଏଭଳି ଘଟଣା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ଏପଟେ ଘଟଣାରେ ୟୁକେ ବିଦେଶ ମନ୍ତ୍ରଣାଳୟ ପକ୍ଷରୁ କୌଣସି ମତାମତ ମିଳିପାରିନାହିଁ ।
