ଇସଲାମାବାଦ: ପାକିସ୍ତାନ ପଞ୍ଜାବ ପ୍ରାନ୍ତ ବହାବଲନଗରରେ ବଡ ଦୁର୍ଘଟଣା । ଶିୟା ମୁସଲମାନଙ୍କ ଜୁଲୁସ ସମୟରେ ହୋଇଛି ବୋମା ବିସ୍ଫୋରଣ । ଘଟଣାରେ ୩ ଜଣଙ୍କର ମୃତ୍ୟୁ ହୋଇଛି । ଅନ୍ୟପକ୍ଷେ ୫୦ ଜଣ ଆହତ ଥିବା ମିଳିଛି ସୂଚନା ।
ସମ୍ବାଦ ସରବରାହ ସଂସ୍ଥା ଅନୁଯାୟୀ, ମଧ୍ୟ ପାକିସ୍ତାନର ଶିୟା ମୁସଲମାନଙ୍କ ଜୁଲୁସରେ ବିସ୍ଫୋରଣ ହୋଇଥିଲା । ବିସ୍ଫୋରଣରେ ୩ ଜଣଙ୍କର ମୃତ୍ୟୁ ହୋଇଥିବା ସ୍ଥାନୀୟ ପୋଲିସ ସ୍ପଷ୍ଟ କରିଛି ।
ପ୍ରତ୍ୟକ୍ଷଦର୍ଶୀଙ୍କ କହିବାନୁଯାୟୀ, ସହରରେ ଉତ୍ତେଜନା ବଢିଯାଇଛି । ଶିୟା ସମୁଦାୟ ଆକ୍ରମଣ ପରେ ପ୍ରତିଶୋଧର ଦାବି କରୁଛନ୍ତି । ସେହିପରି ଶିୟା ନେତା ଖାବର କହିଛନ୍ତି, ଏହି ଆକ୍ରମଣ ଜନବହୁଳ ଅଞ୍ଚଳରେ ଜୁଲୁସ ଯାଉଥିବା ସମୟରେ ହୋଇଛି । ଏହି ଆକ୍ରମଣର କଡା ନିନ୍ଦା କରିଛନ୍ତି ଶିୟା ମୁସଲିମ ।
ମୁସଲିମଧର୍ମର ପ୍ରଚାରକ ତଥା ପେଗମ୍ବର ମହମ୍ମଦଙ୍କ ନାତି ହୁସୈନଙ୍କ ସପ୍ତମ ଶତାବ୍ଦୀରେ ଦେହାନ୍ତ ହୋଇଥିଲା । ପ୍ରତ୍ୟେକ ବର୍ଷ ଶିୟା ସମୁଦାୟ ହୁସୈନଙ୍କ ମୃତ୍ୟୁରେ ଶୋକ ପାଳନ କରିଥାନ୍ତି ।
