ଆଫଗାନିସ୍ତାନରେ ବିସ୍ଫୋରଣ, ପରିବାରର 6 ମୃତ

ଆଫଗାନିସ୍ଥାନର ରାସ୍ତାକଡରେ ବିସ୍ଫୋରଣ । ଗୋଟିଏ ପରିବାରର 6 ଜଣଙ୍କ ମୃତ ।

କାବୁଲ: ଆଫଗାନିସ୍ତାନର ରାସ୍ତାକଡରେ ବିସ୍ଫୋରଣ । ଏଥିରେ 6 ଜଣଙ୍କ ମୃତ୍ୟୁ ହୋଇଛି । ତେବେ ଏହି ବିସ୍ଫୋରଣଟି ମଙ୍ଗଳବାର ଆଫଗାନିସ୍ଥାନର କାନ୍ଦାହାର ଅଞ୍ଚଳରେ ହୋଇଥିବା ସୂଚନା ମିଳିଛି । ସକାଳ ପ୍ରାୟ 9ଟା ସମୟରେ ସାଧାରଣ ନାଗରିକଙ୍କ ଗାଡିକୁ ଲକ୍ଷ୍ୟ କରି ଦାଣ୍ଡ ଜିଲ୍ଲାର ରାସ୍ତାକଡରେ ଏହି ବିସ୍ଫୋରଣ କରାଯାଇଥିଲା । ତେବେ ମୃତକଙ୍କ ମଧ୍ୟରେ 2 ପୁରୁଷ, 2 ମହିଳା ଓ 2 ଜଣ ପିଲା ପ୍ରାଣ ହରାଇ ଥିବାବେଳେ ସମସ୍ତେ ଗୋଟିଏ ପରିବାରର ଅଟନ୍ତି ।

ବର୍ତ୍ତମାନ ସୁଦ୍ଧା ଏହି ବିସ୍ଫୋରଣ ପାଇଁ କୌଣସି ଆତଙ୍କୀ ସଙ୍ଗଠନ ନିଜକୁ ଦାୟୀ କରିନାହିଁ ।