ନୂଆଦିଲ୍ଲୀ: ଆଫଗାନିସ୍ତାନରେ ଆତଙ୍କର କଳାବଦାଲ ଆହୁରି ଘନୀଭୂତ ହେବାରେ ଲାଗିଛି । ଆଜି (ସୋମବାର) ସକାଳୁ ସକାଳୁ କାବୁଲରେ ରକେଟ ହମଲା ହୋଇଛି । ସକାଳ ୬.୪୦ରେ ବିମାନ ବନ୍ଦର ନିକଟରେ ଏହି ରକେଟ ମାଡ ହୋଇଛି । ଗୋଟିଏ ଗାଡିକୁ ବ୍ୟବହାର କରି ଏହି ରକେଟ ମାଡ କରାଯାଇଥିବା ସ୍ଥାନୀୟ ଗଣମାଧ୍ୟମରେ ରିପୋର୍ଟ ପ୍ରକାଶ କରିଛି ।
ରକେଟ ମାଡ ଫଳରେ ସମଗ୍ର ଅଞ୍ଚଳ ପୁରା ଧୂଆଁମୟ ହୋଇପଡିଛି । ଅନେକ ସ୍ଥାନରେ ନିଆଁ ଲାଗି ଥିବାବେଳେ କିଛି ଗାଡି ପୁରା ନଷ୍ଟ ହୋଇଛି । କିନ୍ତୁ ଏହି ରକେଟ ମାଡ କିଏ ଓ କାହାକୁ ଟାର୍ଗେଟ କରି କରାଯାଇଛି ତାହା ସ୍ପଷ୍ଟ ହୋଇନାହିଁ ।
ଆଫଗାନ ମିଡିଆ ରିପୋର୍ଟ ଅନୁସାରେ ବିମାନ ବନ୍ଦର ନିକଟ ଏକ ୟୁନିଭର୍ସିଟି ପାଖରେ ଏକ ଗାଡିରୁ ଏହି ରକେଟ ମାଡ ହୋଇଛି । ତେବେ କିଛି ରକେଟକୁ କାବୁଲ ଏୟାରଫିଲ୍ଡ ଡିଫେନ୍ସ ସିଷ୍ଟମ ନଷ୍ଟ କରିବାରେ ସକ୍ଷମ ହୋଇଛି । ତେବେ ଆସନ୍ତାକାଲି (ମଙ୍ଗଳବାର) ଆଫଗାନରେ ଆମେରିକାର ସ୍ଥାନାନ୍ତରଣ ପ୍ରକ୍ରିୟାର ଶେଷ ଦିନ ଥିବାରୁ ଆହୁରି ବିସ୍ଫୋରଣ ଆଶଙ୍କା କରାଯାଉଛି ।
@ANI
