ୱାଶିଂଟନ: ୱାଶିଂଟନ ଡିସି ସ୍ଥିତ ଭାରତୀୟ ଦୂତାବାସ ବାହାରେ ଥିବା ଜାତିର ପିତା ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତିକୁ କେହି ଦୁର୍ବୃତ୍ତ ଭାଙ୍ଗି ଦେଇଥିବା ଦେଖିବାକୁ ମିଳିଛି । ଜର୍ଜ ଫ୍ଲୋଏଡଙ୍କ ମୃତ୍ୟୁ ପରେ ବର୍ଣ୍ଣବୈଷମ୍ୟ ତଥା ନିଗ୍ରୋ ମାନଙ୍କ ସପକ୍ଷରେ ସ୍ବର ଉଠାଉଥିବା ଆନ୍ଦୋଳନକାରୀମାନେ ଏପରି କରିଥିବା ଜଣାପଡିଛି । ତେବେ ଏ ସଂପର୍କରେ ଅଧିକ ତଦନ୍ତ କରାଯାଉଛି । ଘଟଣାପରେ ଭାରତରେ ଅବସ୍ଥାପିତ ଆମେରିକାର ରାଷ୍ଟ୍ରଦୂତ କେନ ଜଷ୍ଟର କ୍ଷମା ପ୍ରାର୍ଥନା କରିଛନ୍ତି ।
ଭାରତରେ ଅବସ୍ଥାପିତ ଆମେରିକାର ରାଷ୍ଟ୍ରଦୂତ କେନ ଜଷ୍ଟର କହିଛନ୍ତି, ‘ୱାଶିଂଟନ ଡିସିରେ ଥିବା ଗାନ୍ଧୀଙ୍କ ପ୍ରତିମୂର୍ତ୍ତିର ଅପମାନ ପାଇଁ ଆମେ ଅତ୍ୟନ୍ତ ଦୁଃଖିତ । ଦୟାକରି ଆମକୁ କ୍ଷମା କରନ୍ତୁ । ଜର୍ଜ ଫ୍ଲୋଏଡଙ୍କ ମୃତ୍ୟୁ, ଭୟଙ୍କର ହିଂସା ଓ ଭଙ୍ଗାରୁଜା ଯୋଗୁଁ ଆମେ ବିସ୍ମିତ । କୌଣସି ପ୍ରକାରର ଭେଦଭାବକୁ ଆମେ ବିରୋଧ କରୁଛୁ।’
