ୱାସିଂଟନ: ସାରା ବିଶ୍ବରେ କୋରୋନା ମୁକାବିଲା ପାଇଁ ମାସ୍କ ଓ ସାନିଟାଇଜରର ବ୍ୟବହାର ବଢିଚାଲିଥିବା ବେଳେ ଏନେଇ ଏକ ଆଶ୍ଚର୍ଯ୍ୟକର ବୟାନ ଦେଇଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ହ୍ବାଇଟ ହାଉସରେ ଦୈନିକ ଦେଉଥିବା ବିବରଣୀରେ ଶୁକ୍ରବାର ଟ୍ରମ୍ପ ଏହି ବୟାନ ଦେଇଛନ୍ତି । ସେ କହିଛନ୍ତି କି ଆମେରିକାବାସୀଙ୍କ ପାଇଁ ମାସ୍କ ପିନ୍ଧିବା ବାଧ୍ୟକାମୂଳକ ନୁହେଁ ।
ଆମେରିକାର ସିଡିସି ବା ସେଣ୍ଟର ଫର ଡିଜିଜ କଣ୍ଟ୍ରୋଲ ଆଣ୍ଡ ପ୍ରିଭେଣ୍ଟସ କୋରୋନା ପାଇଁ ଲୋକଙ୍କୁ ମାସ୍କ ବ୍ୟବହାର ବାଧ୍ୟତାମୂଳକ କହିଛି । ହେଲେ ଏହି ବୟାନର ସମ୍ପୂର୍ଣ୍ଣ ଓଲଟା ବୟାନ ଦେଇଛନ୍ତି ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ସେ କହିଛନ୍ତି କି ସମସ୍ତ ନାଗରକିଙ୍କୁ ମାସ୍କ ବ୍ୟବହାର ବାଧ୍ୟତାମୂଳକ ନୁହେଁ । ବର୍ତ୍ତମାନ ପରିସ୍ଥିତିରେ ମାସ୍କ ଡାକ୍ତରମାନଙ୍କ ପାଇଁ ଅଧିକ ଜରୁରୀ ।
ତେଣୁ ନାଗରିକମାନେ ନିଜ ଇଚ୍ଛା ହେଲେ ମାସ୍କ ବ୍ୟବହାର କରିପାରିବେ । ସେ ବୟାନ ଦେଇ କହିଛନ୍ତି କି ‘ତୁମେ ଏହା କରିପାର, ତୁମେ ଏହା ନ ବି କରିପାର । କିନ୍ତୁ ମୁଁ କହିବି କି ତୁମେ ଏହା କରନାହିଁ ।’ ମାସ୍କ ବ୍ୟବହାର ବ୍ୟତୀତ ଲୋକଙ୍କୁ ସାମାଜିକ ଦୂରତ୍ବ ବଜାୟ ରଖିବା ପାଇଁ ସେ ଅପିଲ କରିଛନ୍ତି ଟ୍ରମ୍ପ ।
