ସାନ ଫ୍ରାନ୍ସିସ୍କୋ: କୋରୋନା ପ୍ରକୋପରେ ଚଳିକବର୍ଷ ବଡ ବଡ ଟେକ ଇଭେଣ୍ଟ ବାତିଲ ହୋଇଥିବା ବେଳେ ଏହି ତାଲିକାରେ ସାମିଲ ହେବାକୁ ଯାଉଛି ଆପଲର ଆଉ ଏକ ଇଭେଣ୍ଟ । ପ୍ରତିବର୍ଷ ସେପ୍ଟେମ୍ବର ମାସ ମଧ୍ୟଭାଗରେ ଆପଲ ନିଜର ଲଞ୍ଚିଂ ଇଭେଣ୍ଟ ରଖୁଥିବା ବେଳେ ଚଳିତବର୍ଷ ଏହା ନଭେମ୍ବର ମାସକୁ ଘୁଞ୍ଚିବା ନେଇ କମ୍ପାନୀ ଇଙ୍ଗିତ କରିଛି । ଏହି ଲଞ୍ଚିଂ ଇଭେଣ୍ଟରେ ଆଇଫୋନ 12 ଲଞ୍ଚ ହେବା ନେଇ ସୂଚନା ରହିଛି ।
ଇନଭେଷ୍ଟମେଣ୍ଟ ବ୍ୟାଙ୍କ କୋୱେନର ରିପୋର୍ଟ ମୁତାବକ ଆପଲର ଦ୍ବିତୀୟାର୍ଦ୍ଧ ଉତ୍ପାଦନ ପ୍ରାୟ 35 ମିଲିୟନ ୟୁନିଟ ରହିବ ବୋଲି ଆକଳନ କରାଯାଇଛି । ଯାହା ପ୍ରଥମାର୍ଦ୍ଧର ଉତ୍ପାଦନଠାରୁ 5 ପ୍ରତିଶତ କମ ହେବ ବୋଲି ଜଣା ପଡିଛି । ଏଥିସହ ଏହା ଗତବର୍ଷର ଉତ୍ପାଦନଠାରୁ 13 ପ୍ରତିଶତ କମ ରହିବ ବୋଲି ଅନୁମାନ କରାଯାଉଛି ।
ଏନେଇ କେତେକ ଆନାଲିଷ୍ଟ କହିଛନ୍ତି କି କୋରୋନା ପ୍ରଭାବ ସତ୍ତ୍ବେ କମ୍ପାନୀର ଉତ୍ପାଦନ ନିଜ ସ୍ପିଡ ଧରିବା ଆରମ୍ଭ କରିଛି । ତଥାପି ଏହା ପୂର୍ବ ଉତ୍ପାଦନର ସମକକ୍ଷ ହେବାକୁ କିଛି ସମୟ ନେବ । ଏହା କେବେ ହେବ ତାହାର କୌଣସି ଠିକଣା ନାହିଁ । ସେପଟେ ଦ୍ବିତୀୟାର୍ଦ୍ଧରେ ଆଇଫୋନ 12ର ସିପମେଣ୍ଟ ପ୍ରାୟ 30 ମିଲିୟନ ଛୁଇଁବା ନେଇ ଆଶା ରହିଛି ।
@IANS
