ନୂଆଦିଲ୍ଲୀ: ନିର୍ବାଚନ ଘଡିରେ ଅଧିକାଂଶବି-ଟାଉନ ଷ୍ଟାର୍ସ ରାଜନୀତିରେ ସାମିଲ ହେବା ଖବର ଜୋର ଧରିଛି । ଜୟା ପ୍ରଦାଙ୍କ ପରେ ଆଜି ରଙ୍ଗୀଲା ଗର୍ଲ ଉର୍ମିଲା ମାତୋଣ୍ଡକର କଂଗ୍ରେସରେ ଏଣ୍ଟ୍ରି କରିଛନ୍ତି ।
କିଛି ଦିନ ହେବସେ କଂଗ୍ରେସରେ ଯୋଗ ଦେବା ଖବର ଚର୍ଚ୍ଚାର ବିଷୟ ପାଲଟିଥିଲା । ପରିଶେଷରେ ସେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କ ଉପସ୍ଥିତିରେ ଦଳରେ ସାମିଲ ହୋଇଛନ୍ତି ।
ମୁମ୍ବାଇ କଂଗ୍ରେସ ଅଧ୍ୟକ୍ଷ ମିଲିନ୍ଦ ଦେୱଡା, ଉର୍ମିଲା ପାର୍ଟିରେ ସାମିଲ ହେବା ଖବର ଜଣାଇଛନ୍ତି । ଉର୍ମିଲାଙ୍କୁ କଂଗ୍ରେସ ଆଜି ଦିଲ୍ଲୀ ଡକାଇଛି, ଯେଉଁଠାରେଅନ୍ୟ ପ୍ରକ୍ରିୟା କରାଯିବ ।
କଂଗ୍ରେସର ସଦସ୍ୟତା ଗ୍ରହଣ ପରେ ଉର୍ମିଲାଙ୍କୁ ପାର୍ଟି ଉତ୍ତର ମୁମ୍ବାଇରୁ ନିଜର ପ୍ରାର୍ଥୀ ଘୋଷଣା କରିପାରନ୍ତି । ପ୍ରକାଶ ଥାଉକି ଏବର୍ଷ ଲୋକସଭା ନିର୍ବାଚନ ପାଇଁ ନର୍ଥ ମୁମ୍ବାଇରୁ ମରାଠୀ ଅଭିନେତ୍ରୀ ଆସାୱରୀ ଯୋଶୀ ଓ ଶିଳ୍ପା ସିନ୍ଦେ ମଧ୍ୟ କଂଗ୍ରେସକୁ ଟିକେଟ ମାଗିଥିଲେ ।
ଯଦି ଅନ୍ୟପଟେ କଂଗ୍ରେସ ଉର୍ମିଲାଙ୍କୁ ଏହି ସିଟରୁ ନିଜର ପ୍ରାର୍ଥୀ କରାଇଛନ୍ତି, ତେବେ ତାଙ୍କ ସାମ୍ନା ବିଜେପି ସାଂସଦ ଗୋପାଲ ସେଟ୍ଟୀଙ୍କ ସହ ହେବ । ଏହି ସ୍ଥାନଟି ବିଜେପି ଗଡ଼ ରୂପେ ଜଣାଯାଇଥାଏ । ତେଣୁ ଗୋପାଲଙ୍କୁ ହରାଇବା ଉର୍ମିଲାଙ୍କ ପାଇଁସମସ୍ୟା ହୋଇପାରେ ବୋଲି ଅନୁମାନ କରାଯାଉଛି।
