ମୁମ୍ବାଇ: ସବୁ ଅପେକ୍ଷାର ଅନ୍ତ ହେବାକୁ ଯାଉଛି । ସଲମାନ ଖାନଙ୍କ ବିବାଦୀୟ ଟିଭି ରିଆଲିଟି ସୋ ବିଗ୍ବସ୍ର 16ତମ ସିଜନର ଆଜି ଫାଇନାଲ । ଟିଭିର ପପୁଲାର ଏବଂ ହିଟ ସୋ' ବିଗ୍ବସ୍ର ଆଜି ଗ୍ରାଣ୍ଡ ଫାଇନାଲ ହେବାକୁ ଯାଉଛି । ଧମାକାଦାର ଫାଇନାଲ ପାଇଁ ପ୍ରସ୍ତୁତି ଶେଷ ହୋଇଛି । ଧୁଆଁଧାର ଅନ୍ଦାଜରେ ସୋ'ର ବିଜେତାଙ୍କ ନାମ ଘୋଷଣା ହେବ । ସମସ୍ତେ ଏହା ଜାଣିବାକୁ ଅନେଇ ବସିଛନ୍ତି ଚଳିତ ସିଜିନର କିଏ ହେବ ବିଜେତା । ଫାଇନାଲର ମୁଖ୍ୟ ଅତିଥି ହେବେ ଫିଲ୍ମ ନିର୍ଦ୍ଦେଶକ ରୋହିତ ସେଟ୍ଟୀ ।
ଟପ୍ 5 ପ୍ରତିଯୋଗୀ: ଚଳିତ ସିଜନରେ ଟପ୍ 5 ପ୍ରତିଯୋଗୀ ଫାଇନାଲରେ ପହଞ୍ଚିଛନ୍ତି । ଭାଗ ନେଇଥିବା ସମସ୍ତ ପ୍ରତିଯୋଗୀ ଫାଇନାଲରେ ପହଞ୍ଚିବାକୁ କଠିନ ପରିଶ୍ରମ କରିଥିଲେ । ସମସ୍ତଙ୍କୁ ପଛରେ ପକାଇ ଫାଇନାଲରେ ପହଞ୍ଚିଛନ୍ତି 5 ପ୍ରତିଯୋଗୀ । ଶିବ ଠାକରେ, ପ୍ରିୟଙ୍କା ଚୌଧୁରୀ, ଶାଲୀନ ଭନୋଟ, ଏମସି ଷ୍ଟାନ ଏବଂ ଅର୍ଚ୍ଚନା ଗୌତମ ଫାଇନାଲରେ ସ୍ଥାନ ପକ୍କା କରିଛନ୍ତି । ଏହି 5 ଜଣଙ୍କ ମଧ୍ୟରେ ଜଣେ ବିଗ ବସ ମୁକୁଟ ପିନ୍ଧିବ । ତେବେ କିଏ ହେବ ବିଗ୍ବସ୍16 ବିଜେତା ଜାଣିବା ପାଇଁ ଆଉ କିଛି ଘଣ୍ଟା ଅପେକ୍ଷା କରିବାକୁ ପଡିବ ।
ଏହା ବି ପଢନ୍ତୁ...ତହସିଲଦାରଙ୍କ ନୋଟିସ ପରେ ଟ୍ୟାକ୍ସ ଭରିଲେ ଐଶ୍ବର୍ଯ୍ୟା
କିଏ ମାରିବ ବାଜି: ଚର୍ଚ୍ଚାରେ ରହିଛି ବିଗ ବସର ଚଳିତ ସିଜନ । ସୋସିଆଲ ମିଡିଆରେ ଫ୍ୟାନ୍ସ ସେମାନଙ୍କ ପ୍ରିୟ ପ୍ରତିଯୋଗୀଙ୍କୁ ସମର୍ଥନ କରିବାକୁ ଲାଗିଛନ୍ତି । ଶିବ ଠାକରେ କିମ୍ବା ପ୍ରିୟଙ୍କା ଚୌହାନ ବାଜି ମାରି ନେବା ନେଇ ଚର୍ଚ୍ଚା ହେଉଛି । ପ୍ରିୟଙ୍କା ଓ ଶିବ ଚଳିତ ସିଜନର ଜଣେ ଦମଦାର ପ୍ରତିଯୋଗୀ । ଦୁଇ ଦଳ ଉଭୟ ବୁଦ୍ଧି ଓ ବିବେକ ନେଇ ଗେମ ଖେଳିଥିଲେ । ଦୁଇଜଣଙ୍କୁ ଦର୍ଶକ ଖୁବ ପ୍ରଶଂସା କରିଥିଲେ । ଟ୍ରଫି ଟକ୍କରରେ ପ୍ରିୟଙ୍କା ଓ ଶିବଙ୍କ ମଧ୍ୟରେ ଜୋରଦାର ଟକ୍କର ହେବ । ଏହି ଦୁଇ ଜଣଙ୍କ ମଧ୍ୟରୁ ଜଣେ ବିଗ ବିସ ମୁକୁଟ ପିନ୍ଧିବ ବୋଲି ଆକଳନ କରାଯାଉଛି ।
