ମୁମ୍ବାଇ: ବଲିଉଡ ଭାଇଜାନ ସଲମାନ ଖାନଙ୍କ ଅଭିନୀତ ଫିଲ୍ମ 'କିସି କା ଭାଇ କିସି କି ଜାନ'ର ଟ୍ରେଲରକୁ ଖୁବ ପସନ୍ଦ କରୁଛନ୍ତି ଦର୍ଶକ । ବିଭିନ୍ନ ପ୍ଲାଟଫର୍ମରେ ଟ୍ରେଲରକୁ ଭଲ ଭିୟୁ ମିଳୁଛି । ନିକଟରେ ପ୍ରଥମେ ଫିଲ୍ମର ଟିଜର, ଗୀତ ରିଲିଜ ହୋଇଥିଲା । ଯାହାକୁ ଖୁବ ପସନ୍ଦ କରିଥିଲେ ଫ୍ୟାନ୍ସ । ଏବେ ଫିଲ୍ମର ଟ୍ରେଲର ବେଶ ଲୋକପ୍ରିୟତା ହାସଲ କରିଥିବା ଦେଖିବାକୁ ମିଳିଛି । 24 ଘଣ୍ଟା ମଧ୍ୟରେ ଫିଲ୍ମର ଟ୍ରେଲରକୁ 50 ମିଲିୟନରୁ ଅଧିକ ଭିୟୁ ମିଳିଛି।
- " class="align-text-top noRightClick twitterSection" data="
">
ଫିଲ୍ମ 'କିସି କା ଭାଇ ଭାଇ କିସି କି ଜାନ' ଟ୍ରେଲରକୁ 50 ମିଲିୟନରୁ ଅଧିକ ଭିୟୁ ମିଳିବା ପରେ ଖୁସି ବ୍ୟକ୍ତ କରିଛନ୍ତି ଫିଲ୍ମର ନିର୍ଦ୍ଦେଶକ ଫରହାଦ ସାମଜୀ। ସୋସିଆଲ ମିଡିଆରେ ଏନେଇ ଏକ ପୋଷ୍ଟ ସେୟାର କରି ଖୁସି ଜାହିର କରିଛନ୍ତି । ଇନ୍ଷ୍ଟାଗ୍ରାମରେ ନିର୍ଦ୍ଦେଶକ ଫରହାଦ ସାମଜୀ ଫିଲ୍ମର ଟ୍ରେଲରର ସଫଳତା ନେଇ ସୂଚନା ଦେଇଛନ୍ତି । ଫରହାଦ୍ ଏକ ପୋଷ୍ଟ ସେୟାର କରି ଲେଖିଛନ୍ତି, "ସମସ୍ତ ପ୍ଲାଟଫର୍ମର ଟ୍ରେଲରରେ ଆମେ 50 ମିଲିୟନରୁ ଅଧିକ ଭିୟୁ ପାଇଛୁ ।" ଏହି ପୋଷ୍ଟ ସେୟାର ହେବା ପରେ ଫ୍ୟାନ୍ସ ଲାଇକ କରିବା ସହ ଶୁଭେଚ୍ଛା ଜଣାଇଛନ୍ତି ।
ସୂଚନା ଥାଉ କି, ଆକ୍ସନ ଏବଂ ରୋମାଣ୍ଟିକ ଡ୍ରାମା ଉପରେ ଆଧାରିତ ସଲ୍ମାନଙ୍କ ଫିଲ୍ମର ଏହି ଟ୍ରେଲରକୁ ତାଙ୍କ ପ୍ରଶଂସକ ବେଶ ପସନ୍ଦ କରିଥିବା ଦେଖିବାକୁ ମିଳିଛି । ଏହି ଫିଲ୍ମ ଏପ୍ରିଲ 21ରେ ରିଲିଜ କରିବାକୁ ଯାଉଛି । ଫିଲ୍ମର ଟ୍ରେଲରକୁ ୟୁଟ୍ୟୁବରେ 30 ମିଲିୟନରୁ ଅଧିକ ଭିୟୁ ମିଳିଛି । ଅନ୍ୟ ସମସ୍ତ ଭିଡିଓ ପ୍ଲାଟଫର୍ମକୁ ମିଶାଇ ଫିଲ୍ମର ଟ୍ରେଲର ମୋଟ 50 ମିଲିୟନରୁ ଅଧିକ ଭିୟୁ ପାଇଛି ।
- " class="align-text-top noRightClick twitterSection" data="">
ସେପଟେ ଟ୍ରେଲର ପୂର୍ବରୁ ରିଲିଜ କରିଥିବା ଫିଲ୍ମର ସଲମାନ ଖାନ ଏବଂ ପୂଜା ହେଗଡେଙ୍କ ରୋମାଣ୍ଟିକ ଗୀତ ଏବଂ 'ୟେଣ୍ଟମା' ଗୀତ ମଧ୍ୟ ହିଟ୍ ହୋଇଛି। 'ୟେଣ୍ଟମା' ଗୀତରେ ପ୍ରଶଂସକମାନେ ତାଙ୍କ ପ୍ରିୟ ଅଭିନେତା ସଲମାନ ଖାନଙ୍କ ସହ RRR ତାରକା ରାମ ଚରଣ, ଭେଟେରାନ ଅଭିନେତା ଭେଙ୍କଟେସଙ୍କୁ ଦେଖି ଖୁସି ବ୍ୟକ୍ତ କରିଛନ୍ତି । ଏହି ଫିଲ୍ମରେ ସଲମାନ ଏବଂ ଅଭିନେତ୍ରୀ ପୂଜା ହେଗଡେଙ୍କ ବ୍ୟତୀତ ସାଉଥ ଅଭିନେତା ଭେଙ୍କଟେଶ ଡଗୁବତୀ, ଜଗପତି ବାବୁ, ଭୂମିକା ଚାୱଲା, ବିଜୟନ୍ଦର ସିଂ, ଅଭିମନ୍ୟୁ ସିଂ, ରାଘବ ଜୁୟାଲ, ସିଦ୍ଧାର୍ଥ ନିଗମ, ଜେସି ଗିଲ, ଶେହନାଜ ଗିଲ, ପଲକ ତିୱାରୀ ଏବଂ ଭୀନାଲି ଭଟ୍ନାଗର ମଧ୍ୟ ଅଭିନୟ କରିଛନ୍ତି । ଇଦ୍ରେ ରିଲିଜ ହେବାକୁ ଯାଉଛି ଏହି ଫିଲ୍ମ । ଫିଲ୍ମଟି ବକ୍ସ ଅଫିସରେ ବଡ ଧମାଲ କରିବ ବୋଲି ଆଶା କରୁଛନ୍ତି ଫିଲ୍ମ ନିର୍ମାତା ।
