ମୁମ୍ବାଇ: ବଲିଉଡ ଅଭିନେତା ତଥା ସିଙ୍ଗର ଦିଲଜିତ ଦୋସଞ୍ଜ କୋଚେଲା ସଙ୍ଗୀତ ମହୋତ୍ସବରେ ଅଭିନୟ କରିଥିବା ପ୍ରଥମ ପଞ୍ଜାବୀ ଗାୟକ । ଯାହା ପରେ ସେ ଏକ ବିଶ୍ୱସ୍ତରୀୟ ସେଲିବ୍ରିଟି ଭାବେ ପରିଚୟ ହାସଲ କରିଛନ୍ତି। କିନ୍ତୁ ବର୍ତ୍ତମାନ ଦିଲଜିତଙ୍କ କ୍ୟାରିଅରକୁ ନେଇ କମ୍ ଚର୍ଚ୍ଚା ହେଉଥିବା ବେଳେ ତାଙ୍କ ବ୍ୟକ୍ତିଗତ ଜୀବନ ବିଷୟରେ ଅଧିକ ଆଲୋଚନା ହେଉଛି । ବର୍ତ୍ତମାନ ଦିଲଜିତ ଆମେରିକୀୟ ଗାୟିକା ଟେଲର ସ୍ବିଫ୍ଟଙ୍କୁ ଡେଟିଂ କରୁଥିବା ନେଇ ଚର୍ଚ୍ଚା ହେଉଛି । ଉଭୟ ଏକ ରେଷ୍ଟୁରାଣ୍ଟରେ ଏକାଠି ନଜର ଆସିଥିଲେ । ସେବେଠାରୁ ଉଭୟଙ୍କ ସମ୍ପର୍କ ଶିରୋନାମାରେ ରହିଛନ୍ତି । ଏହାରି ମଧ୍ୟରେ ଏନେଇ ଏବେ ଦିଲଜିତ ମୁହଁ ଖୋଲିଛନ୍ତି । ସୋସିଆଲ ମିଡିଆରେ ପୋଷ୍ଟ କରି ଏନେଇ ପ୍ରତିକ୍ରିୟା ଦେଇଛନ୍ତି ।
ଟେଲର ସ୍ବିଫ୍ଟଙ୍କ ଦିଲଜିତଙ୍କୁ ଏକଠି ଦେଖିବା ପରେ ଉଭୟଙ୍କ ସମ୍ପର୍କ ନେଇ ରୁମର ହେଉଛି । ପ୍ରଶଂସକମାନେ ଦିଲଜିତ ଏବଂ ଟେଲରଙ୍କ ବିଷୟରେ କମେଣ୍ଟ୍ ଦେବା ମଧ୍ୟ ଆରମ୍ଭ କରିଥିଲେ । ଏହାରି ମଧ୍ୟରେ ବର୍ତ୍ତମାନ ଦିଲଜିତ୍ ଏହି ଖବର ଉପରେ ନିଜର ପ୍ରତିକ୍ରିୟା ଦେଇଛନ୍ତି । ସେ ଟ୍ବିଟ୍ କରି କହିଛନ୍ତି ଯେ, 'ୟାର୍ ପ୍ରାଇଭେସୀ ନାମ୍ ଦି ଭି କୋଇ ଚିଜ୍ ହୋନ୍ଦି ହେ (ବ୍ୟକ୍ତିଗତ ଜୀବନ ବୋଲି କିଛି ଅଛି) । ଏହାର ଅର୍ଥ ଦିଲଜିତ ପ୍ରାଇଭେସି ଚାହୁଁଛନ୍ତି । ଦିଲଜିତଙ୍କ ଏହି ପ୍ରତିକ୍ରିୟା ପରେ ଚର୍ଚ୍ଚା ଆହୁରି ବଢିଯାଇଛି ।
ଅନ୍ୟପକ୍ଷରେ, ଯଦି ଦିଲଜିତଙ୍କ କାର୍ଯ୍ୟକ୍ଷେତ୍ର ବିଷୟରେ କଥା କହିଲେ, ତେବେ ଦିଲଜିତଙ୍କୁ ଇମତିଆଜ ଅଲିଙ୍କ ଫିଲ୍ମ 'ଚମକିଲା'ରେ ଦେଖିବାକୁ ମିଳିବ । ଏହା ଏକ ବଲିଉଡ ଡ୍ରାମା ଫିଲ୍ମ ଯେଉଁଥିରେ ଦିଲଜିତ୍ ପଞ୍ଜାବୀ ଗାୟକ ଅମର ସିଂ ଚମକିଲା ଭୂମିକାରେ ନଜର ଆସିବେ । ଏହି ଚଳଚ୍ଚିତ୍ରରେ ତାଙ୍କ ସହ ପରିଣୀତି ଚୋପ୍ରା ମୁଖ୍ୟ ଭୂମିକାରେ ନଜର ଆସିବେ । ଏହି ଚଳଚ୍ଚିତ୍ରଟି 2024ରେ OTT ପ୍ଲାଟଫର୍ମ ନେଟଫ୍ଲିକ୍ସରେ ରିଲିଜ କରିବ ।
ସୂଚନା ଥାଉ କି, ଏହି ଚଳଚ୍ଚିତ୍ର ପଞ୍ଜାବର ରକ୍ଷ୍ଟାର ଅମର ସିଂ ଚମକିଲାଙ୍କ ସତ୍ୟ କାହାଣୀ ଉପରେ ଆଧାରିତ । ଅମର ସିଂ 80 ଦଶକରେ ଦାରିଦ୍ର୍ୟର ଛାୟାରୁ ବାହାରି ନିଜ ସଙ୍ଗୀତରେ ଲୋକପ୍ରିୟତା ସହ ସଫଳତା ହାସଲ କରିଥିଲେ । ତେବେ ଏହି ସମୟରେ ତାଙ୍କୁ ମଧ୍ୟ ଲୋକଙ୍କ ଅସନ୍ତୋଷର ସାମ୍ନା କରିବାକୁ ପଡିଥିଲା । ଯେଉଁ କାରଣରୁ ତାଙ୍କୁ 27 ବର୍ଷ ବୟସରେ ହତ୍ୟା କରାଯାଇଥିଲା । ତାଙ୍କ ସମୟର ସର୍ବାଧିକ ରେକର୍ଡ ବିକ୍ରୟ କଳାକାର ଚମକିଲା ପଞ୍ଜାବର ସର୍ବୋତ୍ତମ ଲାଇଭ୍ ଷ୍ଟେଜ୍ ଅଭିନେତା ଭାବରେ ପରିଗଣିତ ହୁଅନ୍ତି । ଫିଲ୍ମରେ ତାଙ୍କ କାହାଣୀକୁ ସୁନ୍ଦର ଭାବେ ଦର୍ଶାଯାଇଛି ।
