ହାଇଦ୍ରାବାଦ: ବଲିଉଡର ପ୍ରସିଦ୍ଧ ନିର୍ମାତା ତଥା ନିର୍ଦ୍ଦେଶକ ୟଶ ଚୋପ୍ରାଙ୍କ ନାଁ ଭାରତୀୟ ଚଳଚ୍ଚିତ୍ର ଇଣ୍ଡଷ୍ଟ୍ରିରେ ସମ୍ମାନର ସହ ନିଆଯାଏ । ଅନେକ ଦଶନ୍ଧି ଧରି ତାଙ୍କ କ୍ୟାରିଅରରେ ସେ ଏକାଧିକ ସ୍ମରଣୀୟ ଚଳଚ୍ଚିତ୍ର ଦେଇଛନ୍ତି । ୟଶ ଚୋପ୍ରା ସେହି ନିର୍ଦ୍ଦେଶକମାନଙ୍କ ମଧ୍ୟରୁ ଜଣେ, ଯାହାର ଅନେକ କଳାକାରଙ୍କୁ ଷ୍ଟାର ବନାଇବାରେ ଉଲ୍ଲେଖନୀୟ ଯୋଗଦାନ ରହିଛି । ଆଜି ଆମେ ଆପଣଙ୍କୁ ତାଙ୍କ ସହ ଜଡିତ କିଛି ଖାସ୍ କଥା କହିବାକୁ ଯାଉଛୁ।
ପରିବାର ଭାବିଥିଲେ ୟଶ ହେବେ ଇଞ୍ଜିନିୟର ହୋଇଗଲେ ରୋମାନ୍ସ କିଙ୍ଗ
ୟଶ ଚୋପ୍ରା ବଡ ହୋଇ ଇଞ୍ଜିନିୟର ହୁଅନ୍ତୁ, ଏହା ତାଙ୍କର ପରିବାରର ଇଚ୍ଛା ଥିଲା । କିନ୍ତୁ ୟଶ ଫିଲ୍ମ ଜଗତକୁ ଭଲ ପାଇ ବସିଥିଲେ । ହିନ୍ଦୀ ଚଳଚ୍ଚିତ୍ର ଇଣ୍ଡଷ୍ଟ୍ରିରେ କ୍ୟାରିୟର କରିବାକୁ ସେ ତାଙ୍କ ବଡ଼ ଭାଇ ବି.ଆର ଚୋପ୍ରାଙ୍କ ସହ ମୁମ୍ବାଇ ପଳାଇ ଆସିଥିଲେ । ତାଙ୍କ ବଡ଼ ଭାଇଙ୍କଠାରୁ ଚଳଚ୍ଚିତ୍ର ନିର୍ମାଣ ସମ୍ପର୍କରେ ଜାଣିବା ପରେ ସେ 1959 ମସିହାରେ ତାଙ୍କର ପ୍ରଥମ ଚଳଚ୍ଚିତ୍ର Dhool Ka Phool କରିଥିଲେ । ଏହା ପରେ ତାଙ୍କର ନିର୍ଦ୍ଦେଶନା କ୍ୟାରିୟର ଆଗକୁ ବଢିବାକୁ ଲାଗିଲା । ୟଶ ଚୋପ୍ରା waqt ଏବଂ Ittefaq ଭଳି ଚଳଚ୍ଚିତ୍ରର ନିର୍ଦ୍ଦେଶନା ଦେଇଥିଲେ । 1973 ରେ ମୁକ୍ତିଲାଭ କରିଥିବା ଚଳଚ୍ଚିତ୍ର 'ଦାଗ୍' ପାଇଁ ସେ ପ୍ରଥମ ଥର ପାଇଁ ଶ୍ରେଷ୍ଠ ନିର୍ଦ୍ଦେଶକ ଆଖ୍ୟା ଅର୍ଜନ କରିଥିଲେ । ଦୁଇ ବର୍ଷ ପରେ ସେ ଦିବାର ନିର୍ମାଣ କରି ଇତିହାସରେ ନିଜର ନାମ ସ୍ଥାପନ କଲେ । ଏହି ଫିଲ୍ମ ଏକ ସୁପର ହିଟ୍ ବୋଲି ପ୍ରମାଣିତ ହୋଇଥିଲା ଏବଂ ସେ ଶ୍ରେଷ୍ଠ ନିର୍ଦ୍ଦେଶକ ପୁରସ୍କାର ମଧ୍ୟ ପାଇଥିଲେ ।
ବିଗ୍ ବିଙ୍କ କ୍ୟାରିୟର ବନେଇବାରେ ବଡ ଭୂମିକା ନିଭାଇଥିଲେ ୟଶ
ଅମିତାଭ ବଚ୍ଚନ ଏବଂ ଶାହାରୁଖ ଖାନଙ୍କ ଭଳି ତାରକା ତିଆରି କରିବାରେ ୟଶ ଚୋପ୍ରା ଏକ ପ୍ରମୁଖ ଭୂମିକା ଗ୍ରହଣ କରିଛନ୍ତି । କଭି କଭି, ତ୍ରିଶୂଲ, କାଲା ପଥର୍, ସିଲସିଲା ଭଳି ଚଳଚ୍ଚିତ୍ରରେ ସେ ଅମିତାଭ ବଚ୍ଚନଙ୍କୁ କାମ କରିବାର ସୁଯୋଗ ଦେଇଥିଲେ । ଏଥି ସହିତ, ଯେତେବେଳେ ଅମିତାଭଙ୍କ କ୍ୟାରିଅର୍ ତଳକୁ ଖସିଯାଇଥିଲା ଏବଂ ତାଙ୍କ ଚଳଚ୍ଚିତ୍ର ଭଲ କାମ କରୁନଥିଲା, ଯଶ ରାଜ ତାଙ୍କୁ ତାଙ୍କ ବ୍ୟାନରରେ ମୋହବତେ ଏକ ସୁଯୋଗ ଦେଇଥିଲେ । ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଥିଲେ ତାଙ୍କ ପୁଅ ଆଦିତ୍ୟ ଚୋପ୍ରା । ଅମିତାଭ ବଚ୍ଚନଙ୍କ ପାଇଁ ଏହି ଚଳଚ୍ଚିତ୍ର ଏକ ସଞ୍ଜୀବନୀ ବୋଲି ପ୍ରମାଣିତ ହୋଇଛି । ବିଗ୍ ବିଙ୍କ ପରି ଶାହରୁଖ ଖାନଙ୍କ କ୍ୟାରିଅରରେ ମଧ୍ୟ ୟଶ ଚୋପ୍ରାଙ୍କର ଏକ ବଡ଼ ହାତ ରହିଛି । 1993 ମସିହାରେ ଓ୍ବାର୍ ଫିଲ୍ମରେ ଉଭୟ ପ୍ରଥମ ଥର ପାଇଁ କାମ କରିଥିଲେ । ଏହି ଚଳଚ୍ଚିତ୍ରରେ ନେଗେଟିଭ୍ ଭୂମିକା ଗ୍ରହଣ କରିବା ପରେ ମଧ୍ୟ ଶାହାରୁଖ ଏକ ରାତାରାତି ତାରକା ହୋଇଥିଲେ ।
DDLJ ୟଶଙ୍କ କ୍ୟାରିୟରର ସବୁଠୁ ବଡ୍ ହିଟ୍ ଫିଲ୍ମ
1995 ମସିହାରେ ୟଶ ରାଜ ଫିଲ୍ମସ୍ ବ୍ୟାନରରେ ନିର୍ମିତ ଦିଲୱାଲେ ଦୁଲହାନିଆ ଲେ ଜାୟେଙ୍ଗେ ଫିଲ୍ମ କିଙ୍ଗ ଖାନଙ୍କ କ୍ୟାରିୟରର ସବୁଠାରୁ ବଡ ହିଟ୍ ଫିଲ୍ମ ଅଟେ । ଏହି ଚଳଚ୍ଚିତ୍ରରେ ନିର୍ମିତ ଶାହାରୁଖ ଖାନଙ୍କ ରୋମାଣ୍ଟିକ ହିରୋର ଛବି ଆଜି ପର୍ଯ୍ୟନ୍ତ ଦର୍ଶକଙ୍କ ହୃଦୟରେ ଘର କରି ରହିଛି । ୟଶ ଚୋପ୍ରାଙ୍କ ନିର୍ଦ୍ଦେଶିତ ଦିଲ୍ ତୋ ପାଗଲ୍ ହୈ ଏବଂ ବୀର ଜାରା ଭଳି ଅନେକ ରୋମାଣ୍ଟିକ୍ ଫିଲ୍ମ ବକ୍ସ ଅଫିସରେ ସୁପର ହିଟ୍ ବୋଲି ପ୍ରମାଣିତ ହୋଇଥିଲା। ୟଶ ଚୋପ୍ରାଙ୍କ ଶେଷ ଚଳଚ୍ଚିତ୍ର ମଧ୍ୟ ଶାହାରୁଖ ଖାନଙ୍କ ସହ ଥିଲା । ଜବ୍ ତକ୍ ହୈ ଜାନ ତାଙ୍କର ଶେଷ ଚଳଚ୍ଚିତ୍ର ଥିଲା । ଏହି ଚଳଚ୍ଚିତ୍ର ରିଲିଜ ହେବା ପୂର୍ବରୁ ସେ ଦୁନିଆକୁ ଅଲବିଦା କହିଥିଲେ । ତେବେ ୟଶ ଚୋପ୍ରା ପୂର୍ବରୁ ହିଁ ଘୋଷଣା କରିସାରିଥିଲେ କି ଜବ ତକ୍ ହୈ ଜାନ ତାଙ୍କର ଶେଷ ଚଳଚ୍ଚିତ୍ର ହେବ। ତାଙ୍କ ପାଟିରୁ ବାହାରିଥିବା ଏହି କଥାଟି ସତ ବୋଲି ପ୍ରମାଣିତ ହୋଇଥିଲା ଏବଂ ଫିଲ୍ମ ରିଲିଜ ହେବା ପୂର୍ବରୁ ତାଙ୍କର ମୃତ୍ୟୁ ହୋଇଥିଲା।
ରୋମାନ୍ସର ରାଜା ଭାବେ ପରିଚିତ
ବଲିଉଡରେ ୟଶ ଚୋପ୍ରା ଅନେକ ରୋମାଣ୍ଟିକ ଚଳଚ୍ଚିତ୍ର ନିର୍ମାଣ କରିଥିଲେ । ଦୀବାର, ସିଲସିଲା, ଲମହେ, ଦାଗ ଇତ୍ୟାଦି ତାଙ୍କର ଚଳଚ୍ଚିତ୍ର ଲୋକଙ୍କ ହୃଦୟରେ ଏକ ଘର କରି ଦେଇଥିଲା । ସେହିପରି କଭି କଭି, ତ୍ରିଶୂଲ, କାଲା ପଥର୍, ଡର୍, ଦିଲ୍ ତୋ ପାଗଲ୍ ହୈ, ବୀର ଜାରା, ଜବ୍ ତକ୍ ହୈ ଜାନ ଭଳି ଚଳଚ୍ଚିତ୍ର ସହିତ ସେ ରୋମାନ୍ସର କିଙ୍ଗ୍ ହୋଇଥିଲେ ।
