ଚର୍ଚ୍ଚା ହେଲାକି ସତ, ପ୍ରେମିକା ଚାନ୍ଦିନୀଙ୍କ ସହ ଏକାଠି ନଜର ଆସିଲେ ଇଶାନ ଖଟ୍ଟର

ଅଭିନେତା ଇଶାନ ଖଟ୍ଟର ତାଙ୍କ ତଥାକଥିତ ଗର୍ଲଫ୍ରେଣ୍ଡ ଚାନ୍ଦନୀ ବେଞ୍ଜଙ୍କ ସହ ରିଲେସନସିପ୍‌କୁ ନେଇ ଏବେ ଚର୍ଚ୍ଚାରେ ଅଛନ୍ତି । ବର୍ତ୍ତମାନ ଉଭୟ ପ୍ରଥମ ଥର ପାଇଁ ସର୍ବସାଧାରଣରେ ଏକାଠି ନଜର ଆସିଛନ୍ତି । ଅଧିକ ପଢନ୍ତୁ

ମୁମ୍ବାଇ: ସାହିଦ କପୁରଙ୍କ ଭାଇ ତଥା ଅଭିନେତା ଇଶାନ ଖଟ୍ଟର ତାଙ୍କ ତଥାକଥିତ ଗର୍ଲଫ୍ରେଣ୍ଡ ଚାନ୍ଦନୀ ବେଞ୍ଜଙ୍କ ସହ ନଜର ଆସିଛନ୍ତି। ଶୁକ୍ରବାର ରାତିରେ ମୁମ୍ବାଇରେ ଏକ କାର୍ଯ୍ୟକ୍ରମରେ ଅଭିନେତା ଇଶାନ ଖଟ୍ଟର ଚାନ୍ଦନୀ ବେଞ୍ଜଙ୍କ ସହ ନଜର ଆସିଥିଲେ । ଦୁହେଁ ଏହି କାର୍ଯ୍ୟକ୍ରମରୁ ହାତ ଧରାଧରି ହୋଇ ବାହାରୁଥିବାବେଳେ କ୍ୟାମେରାରେ କଏଦ ହୋଇଥିଲେ । ଇଶାନଙ୍କୁ ତାଙ୍କ ପିଢିର ଅନ୍ୟତମ ପ୍ରତିଭାବାନ ଅଭିନେତା ଭାବରେ ବିବେଚନା କରାଯାଏ । ସେ ତାଙ୍କ ବ୍ୟାକ୍ ଟୁ ବ୍ୟାକ୍ ଫିଲ୍ମ ମାଧ୍ୟମରେ ଇଣ୍ଡଷ୍ଟ୍ରିରେ ଏକ ସ୍ବତନ୍ତ୍ର ସ୍ଥାନ ସୃଷ୍ଟି କରିଛନ୍ତି । ତେବେ ୱାର୍କ ଫ୍ରଣ୍ଟ ସହିତ ଇଶାନ ଖଟ୍ଟର ତାଙ୍କ ପ୍ରେମ ଜୀବନ ପାଇଁ ମଧ୍ୟ ଅନେକ ଚର୍ଚ୍ଚାରେ ଅଛନ୍ତି ।

ନିକଟରେ ଚର୍ଚ୍ଚା ଜୋର ଧରିଥିଲା ଯେ, ଇଶାନ ଖଟ୍ଟର ପୁଣିଥରେ ପ୍ରେମ ପଡିଛନ୍ତି ଏବଂ ସେ ଚାନ୍ଦନୀ ବେଞ୍ଜଙ୍କୁ ଡେଟ କରୁଛନ୍ତି । ଯଦିଓ ଦୁହେଁ ନିଜ ସମ୍ପର୍କକୁ ଗୁପ୍ତ ରଖିଛନ୍ତି, କିନ୍ତୁ ବର୍ତ୍ତମାନ ଏହି କପଲ ପ୍ରଥମ ଥର ପାଇଁ ଏକ କାର୍ଯ୍ୟକ୍ରମରେ ଏକାଠି ନଜର ଆସିଛନ୍ତି । କୌତୁହଳର ବିଷୟ, ଧଡକ ଅଭିନେତା ଚାନ୍ଦନୀ ବେଞ୍ଜଙ୍କ ହାତ ଧରିଥିବାବେଳେ କ୍ୟାମେରା ଆଗରେ ସ୍ପଟ୍‌ ହୋଇଥିଲେ । ସେମାନେ ନିଜ ବନ୍ଧୁ ଓଜସ ଦେଶାଇଙ୍କ ପାର୍ଟିରେ ଯୋଗଦେବା ପାଇଁ ଏକାଠି ବାହାରିଥିଲେ ଏବଂ ଯିବାବେଳେ ସେମାନେ ହାତ ଧରାଧରି ଚାଲୁଥିବାର ଦେଖାଯାଇଥିଲା । ସବୁଠୁ ଖାସ୍‌ କଥା ହେଉଛି, ଇଶାନ ଖଟ୍ଟରଙ୍କ ବଡ ଭାଇ ସହିଦ କପୁରଙ୍କୁ ମଧ୍ୟ ଏହି ଇଭେଣ୍ଟରେ ଦେଖିବାକୁ ମିଳିଥିଲା।

ଇଶାନ 2017 ରେ 'ବିୟଣ୍ଡ୍ ଦ କ୍ଲାଉଡ୍ସ' ଚଳଚ୍ଚିତ୍ରରୁ ନିଜ କ୍ୟାରିଅର୍ ଆରମ୍ଭ କରିଥିଲେ । 2018 ରେ ମୁକ୍ତିଲାଭ କରିଥିବା ରୋମାଣ୍ଟିକ ଡ୍ରାମା 'ଧଡକ' ସହିତ ଇଶାନ ବେଶ୍ ପ୍ରସିଦ୍ଧ ହୋଇଥିଲେ । ଏହି ଚଳଚ୍ଚିତ୍ରଟି ମରାଠୀ ବ୍ଲକବଷ୍ଟର ସୈରାଟର ରିମେକ୍ ଅଟେ । ଏହା ପରେ ସେ 'ଏ ସୁଟେବଲ ବୟ', 'ଖାଲି ପିଲି' ଏବଂ 'ଫୋନ୍ ଭୁଟ୍'ରେ ମଧ୍ୟ ଭଲ କାମ କରିଛନ୍ତି । ଏବେ ସେ ତାଙ୍କର ଆଗାମୀ ଚଳଚ୍ଚିତ୍ର 'ପିପ୍ପା'ରେ ଦେଖିବାକୁ ଯାଉଛନ୍ତି । ଏହା ସହିତ ସେ ଆଗାମୀ ନେଟଫ୍ଲିକ୍ସ ସିରିଜ୍ 'ଦି ପରଫେକ୍ଟ କପଲ'ରେ ମଧ୍ୟ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବେ ।

ଚାନ୍ଦିନୀ ବେଞ୍ଜ କିଏ ?

ଇଶାନ ଖଟ୍ଟର ମାଲେସିଆନ ମଡେଲ ଚାନ୍ଦିନୀ ବେଞ୍ଜଙ୍କୁ ଡେଟ୍‌ କରୁଛନ୍ତି । ଚଳିତ ବର୍ଷ ଆରମ୍ଭରୁ ଉଭୟ ଡେଟିଂ କରୁଥିବା ଜଣାପଡିଛି । ଏବଂ ନିକଟରେ ଅଭିନେତା ଚାନ୍ଦିନୀଙ୍କୁ ନିଜ ସାଙ୍ଗମାନଙ୍କ ସହ ସାକ୍ଷାତ କରାଇଥିଲେ । ଏପରିକି ଜୁଲାଇ ମାସରେ ଇଶାନ ଚାନ୍ଦିନୀଙ୍କ ସହ ବାଇକ ଚଳାଉଥିବାର ନଜର ଆସିଥିଲେ । ଚାନ୍ଦିନୀ ବେଞ୍ଜଙ୍କ ବୟସ 21 ବର୍ଷ । ସେ କୁଆଲାଲ୍‌ପୁର (ମାଲେସିଆ)ରେ ଜନ୍ମଗ୍ରହଣ କରିଥିଲେ । ଆଜିକାଲି ସେ ଭାରତରେ ମଡେଲ୍‌ ଭାବରେ କାମ କରୁଛନ୍ତି । ଚାନ୍ଦିନୀ ସିଙ୍ଗାପୁର ଟିଭି ଡ୍ରାମା 'ମାଇ ମଦର ଷ୍ଟୋରୀ' ଏବଂ ମାଲେସିଆର ଟିଭି ଧାରାବାହିକ 'ଗାଏବ'ରେ ମଧ୍ୟ ଅଭିନୟ କରିଛନ୍ତି । ସେ କୋରୋନା ସମୟରେ ଭାରତ ଆସିଥିଲେ ଏବଂ ସେବେଠାରୁ ଏଠାରେ ଅଛନ୍ତି । କୁହାଯାଉଛି ଯେ ଚାନ୍ଦିନୀ ବଲିଉଡ୍‌ ଅଭିନେତ୍ରୀ ହେବାକୁ ଚାହୁଁଛନ୍ତି ।