ହାଇଦ୍ରାବାଦ: ବଲିଉଡ ମେଗାଷ୍ଟାର ଅମିତାଭ ବଚ୍ଚନ ଆସନ୍ତାକାଲି ଅର୍ଥାତ୍ ଅକ୍ଟୋବର ୧୧ରେ ତାଙ୍କର 81 ତମ ଜନ୍ମଦିନ ପାଳନ କରୁଛନ୍ତି। ଏହି ଅବସରରେ ନିର୍ମାତାମାନେ ବିଗ୍ ବି କୁଇଜ୍ ଶୋ' କେବିସି 15'ର ସେଟରେ ତାଙ୍କ ଜନ୍ମଦିନ ପାଳନ କରିବେ । ଏହାରି ମଧ୍ୟରେ ବର୍ତ୍ତମାନ କେବିସିର ଏକ ନୂଆ ପ୍ରୋମୋ ଭିଡିଓ ସାମ୍ନାକୁ ଆସିଛି । ଯେଉଁଥିରେ ଅମିତାଭ ତାଙ୍କ ସେଟରେ ଜନ୍ମଦିନ ପାଳନ ନେଇ ଭାବବିହ୍ଭଳ ହୋଇଥିବା ଦେଖିବାକୁ ମିଳିଛି ।
ଶୋ’ର ନିର୍ମାତାମାନେ ସେୟାର କରିଥିବା ପ୍ରୋମୋ ଭିଡିଓରେ ବିଗ୍ ବି' ତାଙ୍କ ପ୍ରଶଂସକଙ୍କୁ ଧନ୍ୟବାଦ ଦେବାବେଳେ ଭାବପ୍ରବଣ ହେଉଥିବା ଦେଖିବାକୁ ମିଳିଛି । ଏବଂ ସେ କହୁଛନ୍ତି- 'ଏହି ପ୍ଲାଟଫର୍ମରେ ମୁଁ ଲୋକମାନଙ୍କୁ ଲୁହ ପୋଛିଦେବା ପାଇଁ ଟିସୁ ଦେଇଥାଏ, କିନ୍ତୁ ଆଜି ମୁଁ ଏହାର ଆବଶ୍ୟକତା ଅନୁଭବ କଲି ।' ଅମିତାଭ ଏହା ମଧ୍ୟ କହିଛନ୍ତି, 'ମୋର ଶ୍ରେଷ୍ଠ ଜନ୍ମଦିନ ଉତ୍ସବ ଏହି ମଞ୍ଚରେ ହୋଇଥାଏ ।' ଏଥିସହ ଶୋ’ର ନିର୍ମାତାମାନେ ବିଗ୍ ବି’ର ଏହି ଜନ୍ମଦିନ ଉତ୍ସବରେ ଭାଗ ନେବାକୁ ସମଗ୍ର ଭାରତକୁ ଆମନ୍ତ୍ରଣ କରିଛନ୍ତି ।
ପ୍ରୋମୋ ସେୟାର କରି ନିର୍ମାତାମାନେ ଲେଖିଛନ୍ତି, 'ପ୍ରତିବର୍ଷ ଉତ୍ସବ ଅଧିକ ସ୍ବତନ୍ତ୍ର ହୋଇଥାଏ, ତେବେ ଏଥର ମଧ୍ୟ ବିଗ୍ ବିଙ୍କ ଜନ୍ମଦିନ ପାଇଁ ଆମେ ସମଗ୍ର ଭାରତକୁ ଆମନ୍ତ୍ରିତ କରୁଛୁ । 11 ଅକ୍ଟୋବର ବୁଧବାର ଦିନ କୋନ ବାନେଗା କୋରଡପତି କେବଳ ସୋନି ଏଣ୍ଟରଟେନମେଣ୍ଟ ଟେଲିଭିଜନରେ ।' ତେବେ ଏହି ଅବସରରେ ପ୍ରସିଦ୍ଧ ସରୋଦ ଖେଳାଳି ଉସ୍ତାଦ୍ ଅମଜାଦ ଅଲି ଖାନ କେବିସି 15'ର ସେଟରେ ନଜର ଆସିବେ । ସେ ବିଗ୍ ବି'ଙ୍କୁ ପଣ୍ଡିତ ଆଖ୍ୟା ଦେଇ ସମ୍ମାନିତ କରିଥିଲେ, ଯାହା ଅଭିନେତାଙ୍କ ପାଇଁ ସ୍ୱତନ୍ତ୍ର ରହିଛି ।
ଆଉ ଏକ ଭିଡିଓରେ ଏଥିସହ ଭାରତୀୟ ସେନାର ସାମାଜିକ ସେବା ଟିମ୍ ଅଭିନେତାଙ୍କ ପାଇଁ ଏକ ସ୍ୱତନ୍ତ୍ର ବାର୍ତ୍ତା ଦେଇଥିବା ଦେଖିବାକୁ ମିଳିଛି । ଯାହା ଅଭିନେତାଙ୍କ ଆଖିରେ ଲୁହ ଆଣି ଦେଇଛି । ଦେଶର ବିକାଶରେ ଅବଦାନ ପାଇଁ ସେ ଅମିତାଭଙ୍କୁ ଧନ୍ୟବାଦ ଜଣାଇଛନ୍ତି । ସେଲିବ୍ରେଟଙ୍କ ବ୍ୟତୀତ ଶୋ’ର ହୋଷ୍ଟ ମହାନାୟକ ଅମିତାଭଙ୍କ ଦିନକୁ ସ୍ୱତନ୍ତ୍ର କରିବା ପାଇଁ ଦର୍ଶକମାନେ ମଧ୍ୟ ନିଜର ପ୍ରତିଭା ପ୍ରଦର୍ଶନ କରିଛନ୍ତି । ଏହି ସମସ୍ତ କଥା ଅମିତାଭକୁ ଭାବପ୍ରବଣ କରିଛି ।
ଏହା ମଧ୍ୟ ପଢନ୍ତୁ: କେବିସି ସେଟରେ ସାଉଥ ଇଣ୍ଡିଆନ ଲୁକରେ ବିଗ ବି, ପ୍ରଶଂସା କଲେ ଫ୍ୟାନ୍ସ
ବିଗ୍ ବି'ଙ୍କ ୱାର୍କ୍ଫ୍ରଣ୍ଟ କଥା କହିବାକୁ ଗଲେ, ଅମିତାଭ ବଚ୍ଚନଙ୍କୁ ଖୁବଶୀଘ୍ର ଗଣପଥରେ ଦେଖିବାକୁ ମିଳିବ । ଏହି ଫିଲ୍ମ 20 ଅକ୍ଟୋବରରେ ରିଲିଜ ହେବ । ଏଥିରେ ଅମିତାଭଙ୍କ ବ୍ୟତୀତ କ୍ରିତି ସାନନ୍ ଏବଂ ଟାଇଗର ଶ୍ରଫ ନଜର ଆସିବେ । ଏଥିସହ ଅଭିନେତା ନାଗ ଅଶ୍ୱିନଙ୍କ ଆଗାମୀ ଫିଲ୍ମ କଲ୍କି 2898 ଖ୍ରୀଷ୍ଟାବ୍ଦରେ ନଜର ଆସିବେ । ଯେଉଁଥିରେ ପାବସ୍, କମଲ ହାସନ ଏବଂ ଦୀପିକା ପାଦୁକୋନ୍, ଦିଶା ପାଟାନୀଙ୍କୁ ମୁଖ୍ୟ ଭୂମିକାରେ ଦେଖିବାକୁ ମିଳିବ ।
