ମୁମ୍ବାଇ: ବଲିଉଡ ଅଭିନେତ୍ରୀ ଉର୍ବଶୀ ରାଉତେଲା ଫିଲ୍ମ ସହିତ ନିଜ ବ୍ୟକ୍ତିଗତ ଜୀବନ ପାଇଁ ସବୁବେଳେ ଶିରୋନାମାରେ ରହିଥାଆନ୍ତି । ଯଦିଓ ତାଙ୍କୁ ଅଭିନୟ ପାଇଁ କମ୍ ଚଳଚ୍ଚିତ୍ର ମିଳିଛି ହେଲେ ସୋସିଆଲ ମିଡିଆରେ ଅଭିନେତ୍ରୀ ଉର୍ବଶୀ ବେଶ ଜଣାଶୁଣା ଅଛନ୍ତି । ଉର୍ବଶୀ ରାଉତେଲା ସୋସିଆଲ ମିଡିଆ ମାଧ୍ୟମରେ ତାଙ୍କ ପ୍ରଶଂସକଙ୍କ ସହ ଯୋଡ଼ି ହୋଇ ରହିଛନ୍ତି । ଉର୍ବଶୀ ପ୍ରତିଦିନ ସୋସିଆଲ ମିଡିଆରେ କିଛି ନା କିଛି ନିଜର ଫଟୋ ଓ ଭିଡିଓ ସେୟାର କରିଥାନ୍ତି ।
ସୂଚନା ଥାଉକି, ବର୍ତ୍ତମାନ ଉର୍ବଶୀ ରାଉତେଲା ତାଙ୍କ ମାଆ ମୀରା ରାଉତେଲାଙ୍କ ସହ ଦୁବାଇ ଯାଇଛନ୍ତି । ସେଠାରୁ ଉବର୍ଶୀ ନିଜ ଇନଷ୍ଟାଗ୍ରାମରେ ଗୋଲାପୀ ମୋନୋକିନିରେ ନିଜର ଏକ ହଟ ଫଟୋ ପୋଷ୍ଟ କରିଛନ୍ତି। ସେହିପରି ଉର୍ବଶୀଙ୍କ ମାଆ ମୀରା ରାଉତେଲା ଦୁବାଇର ବୁର୍ଜ ଅଲ ଆରବ ସମ୍ମୁଖରେ ତାଙ୍କ ଝିଅର ନୃତ୍ୟର ଏକ ଭିଡିଓ ପ୍ରସ୍ତୁତ କରି ଏହାକୁ ନିଜ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି । ଏହି ଭିଡିଓଗୁଡ଼ିକରେ ଉର୍ବଶୀ ରାଉତେଲା ଏକ ସୁନେଲି ରଙ୍ଗର ପୋଷାକ ପିନ୍ଧି ପାହାଡି ଗୀତରେ ନାଚୁଥିବାର ଭିଡିଓରେ ଦେଖିବାକୁ ମିଳିଛି ।
ଏହା ମଧ୍ୟ ପଢନ୍ତୁ - ଚର୍ଚ୍ଚାରେ ବିଜୟ-ତମନ୍ନା, ଡିନର ନାଇଟରେ ଏକାଠି ସ୍ପଟ୍ ହେଲେ ଲଭ୍ବାର୍ଡ
ଏହା ମଧ୍ୟ ପଢନ୍ତୁ - KWK8: ପରସ୍ପର ସହ କଥା ହେଉନଥିଲେ କାଜୋଲ-ରାନୀ ମୁଖାର୍ଜୀ, ଏହି ଘଟଣା ପରେ ହୋଇଥିଲେ ବନ୍ଧୁ
ସେହିପରି ଆଉ ଏକ ଭିଡିଓରେ ଉର୍ବଶୀଙ୍କ ମାଆ ଗୀତ ଗାଉଛନ୍ତି । ଯେଉଁଥିରେ ଉର୍ବଶୀ ନାଚୁଥିବାର ଦେଖିବାକୁ ମିଳିଛି । ସେହିପରି ସେହି ଭିଡିଓରେ ଉର୍ବଶୀଙ୍କ ମାଆ ପାହାଡ଼ି ଗୀତରେ ନାଚିବାକୁ କହୁଥିବାର ଶୁଣିବାକୁ ମିଳିଛି । ତେବେ ମୀରା ରାଉତେଲାଙ୍କୁ ଝିଅ ଉର୍ବଶୀଙ୍କ ସହ ବ୍ଲାକ ଆଉଟ୍ଫିଟ୍ରେ ଦେଖିବାକୁ ମିଳିଛି । ତେବେ ସୋସିଆଲ ମିଡିଆରେ ଭାଇରାଲ ହେଉଥିବା ଏହି ଭିଡିଓରେ ଫ୍ୟାନ୍ସଙ୍କ ରିଆକ୍ସନ୍ ଦେଖିବାକୁ ମିଳିଛି । ଜଣେ ୟୁଜର ଲେଖିଛନ୍ତି ଯେ, ମାଇଣ୍ଡବ୍ଲୋଇଂ, ସେହିପରି ଆଉ ଜଣେ ଲେଖିଛନ୍ତି ଯେ, ଆପଣଙ୍କ ଡ୍ୟାନ୍ସ ଜବରଦସ୍ତ ଅଟେ । ସେହିପରି ଅନେକ ଫ୍ୟାନ୍ସ ମାଆ ଝିଅଙ୍କ ଯୋଡ଼ିକୁ ନେଇ ରେଡ୍ ହାର୍ଟ ଇମୋଜି ସେୟାର କରି ଭଉଣୀ-ଭଉଣୀ କହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
