ମୁମ୍ବାଇ: ଅଭିନେତ୍ରୀ ତାପସୀ ପନ୍ନୁ ଅଭିନୀତ ଫିଲ୍ମ 'ଦୋବାରା'ର ଟ୍ରେଲର ଲଞ୍ଚ ହୋଇଛି । ଅନୁରାଗ-ତାପସୀଙ୍କ ଯୋଡିକୁ ଦେଖିବାକୁ ପାଇବେ ଦର୍ଶକ । ସ୍କ୍ରିନରେ ଧମାଲ ମଚାଇବାକୁ ପ୍ରସ୍ତୁତ ହେଉଛି ଟିମ୍ । ଏହାପୂର୍ବରୁ ଉଭୟ ଫିଲ୍ମ 'ମନମର୍ଜିଆ'ରେ ଏକାଠି କାମ କରିଥିଲେ । ଅଗଷ୍ଟ 19 ରେ ଅନୁରାଗ କଶ୍ୟପଙ୍କ ନ୍ୟୁ ଏଜ୍ ଥ୍ରୀଲର ଫିଲ୍ମ 'ଦୋବାରା' ପ୍ରେକ୍ଷାଳୟକୁ ଆସିବ।
- " class="align-text-top noRightClick twitterSection" data="">
ସସପେନ୍ସ ଏବଂ ଥ୍ରୀଲରରେ ପରିପୂର୍ଣ୍ଣ
ତାପସୀଙ୍କ ଫିଲ୍ମ ସସପେନ୍ସ ଏବଂ ଥ୍ରୀଲରରେ ପରିପୂର୍ଣ୍ଣ । ଫିଲ୍ମର ଟ୍ରେଲରରେ ତାପସୀ ଏକ ନିଆରା ଅନ୍ଦାଜରେ ନଜର ଆସିଛନ୍ତି । ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ଅନୁରାଗ କଶ୍ୟପ । ଏକତା କପୁର 'ଦୋବାରା' ପ୍ରଡ୍ୟୁସ୍ କରୁଛନ୍ତି । 'ଦୋବାରା'ରେ ପ୍ରଶଂସକମାନେ ଏକ ନୂଆ ଯୁଗର ଥ୍ରୀଲର ଅନୁଭବ କରିବେ । ଏହି ଚଳଚ୍ଚିତ୍ରଟି ସ୍ପେନର ଏକ ଚଳଚ୍ଚିତ୍ର ମିରାଜଙ୍କର ଏକ ହିନ୍ଦୀ ରିମେକ୍ ଅଟେ । ସୁନିଲ ଖେତରପାଲ ଏବଂ ପାଭେଲ ଗୁଲାଟି 'ଦୋବାରା'ରେ ତାପସୀଙ୍କ ସହ ଅଛନ୍ତି । ତାପସୀ 'ବଦଲା'ରେ ସୁନୀର ଖେତରିପାଲ ଏବଂ 'ଥପ୍ପଡ'ରେ ପାଭେଲ ଗୁଲାଟିଙ୍କ ସହ କାମ କରିଛନ୍ତି।
'ଡଙ୍କି'ରେ ଶାହାରୁଖଙ୍କ ସହ ତାପସୀ
ନିକଟରେ ତାପସୀ ପନ୍ନୁଙ୍କ 'ଶାବାଶ ମିଠୁ' ମୁକ୍ତିଲାଭ କରିଥିଲା । ଏହି ଚଳଚ୍ଚିତ୍ରରେ ତାପସୀ ଭାରତୀୟ ମହିଳା କ୍ରିକେଟର ମିତାଲି ରାଜ ଭୂମିକାରେ ଅଭିନୟ କରିଥିଲେ । କ୍ରିକେଟର ଭାବରେ ତାପସୀ ତାଙ୍କ ପ୍ରଶଂସକଙ୍କ ଉପରେ ଚଲାଇଥିଲେ ଅଭିନୟର ଯାଦୁ । ତେବେ ଫିଲ୍ମଟି ବକ୍ସ ଅଫିସରେ କିଛି ଖାସ୍ ପ୍ରଦର୍ଶନ କରିପାରିନଥିଲା । ବର୍ତ୍ତମାନ ତାପସୀ ଶାହରୁଖ ଖାନଙ୍କ ବିପକ୍ଷରେ 'ଡଙ୍କି'ରେ ନଜର ଆସିବେ । ରାଜକୁମାର ହିରାନୀ ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
