ମୁମ୍ବାଇ: ସାରା ଦେଶରେ ଦୀପାବଳି ପର୍ବ ଧୁମ୍ଧାମ୍ ପାଳନ କରାଯାଉଛି । ସାଧାରଣ ଜନତାଙ୍କ ଠାରୁ ଆରମ୍ଭ କରି ବଲିଉଡର ସେଲିବ୍ରିଟିମାନେ ସମସ୍ତେ ଦୀପାବଳି ଉତ୍ସବ ପାଳନରେ ବୁଡି ରହିଛନ୍ତି । ଦୀପାବଳି ଅବସରରେ ଗୁଲଶାନ କୁମାରଙ୍କ ଭାଇ କୃଷ୍ଣ କୁମାର ଏକ ବଡ ଦିୱାଲୀ ପାର୍ଟିର ଆୟୋଜନ କରିଥିଲେ। ଏହି ପାର୍ଟିରେ ହ୍ରିତିକ୍ ରୋଶନଙ୍କ ପୂର୍ବତନ ପତ୍ନୀ ସୁଜୈନ ଖାନ ତାଙ୍କ ପ୍ରେମିକ ଅର୍ସଲାନ ଗୋନିଙ୍କ ସହ ପହଞ୍ଚଥିଲେ । କିନ୍ତୁ ତା’ପରେ ଏମିତି କ’ଣ ହେଲା ଯେ ଲୋକମାନେ ସୁଜୈନଙ୍କୁ ଟ୍ରୋଲ କରିବା ଆରମ୍ଭ କଲେ ।
- " class="align-text-top noRightClick twitterSection" data="
">
ପାର୍ଟିରେ ରୋମାଣ୍ଟିକ୍ ହେଲେ ସୁଜୈନ
ଅନେକ ବଲିଉଡ ସେଲିବ୍ରିଟି କୃଷ୍ଣ କୁମାରଙ୍କ ଦିୱାଲୀ ପାର୍ଟିରେ ପହଞ୍ଚିଥିଲେ । କିନ୍ତୁ ପାର୍ଟିର ପୁରା ଲାଇମଲାଇଟ୍ ବଲିଉଡର ପ୍ରେମ ପକ୍ଷୀ ସୁଜୈନ ଖାନ୍ ଏବଂ ଅର୍ସଲାନ୍ ଗୋନି ଲୁଟି ନେଇଥିଲେ । ଦିୱାଲୀ ପାର୍ଟିରେ ପାପାରାଜିଙ୍କ ସାମ୍ନାରେ ସୁଜୈନ ଏବଂ ଅର୍ସଲାନ ପରସ୍ପର ସହିତ ରୋମାଣ୍ଟିକ ଅନ୍ଦାଜରେ ନଜର ଆସିଥିଲେ ।
ସୁଜୈନ ଖାନ ଏବଂ ଅର୍ସଲାନ ଗୋନିଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଭାଇରାଲ ଭିଡିଓରେ, ଆପଣ ଦେଖିପାରିବେ ଯେ ଦିୱାଲୀ ପାର୍ଟିରୁ ବାହାରକୁ ଆସିବାବେଳେ ଅର୍ସଲାନ ଏବଂ ସୁଜୈନ ଖାନ ପରସ୍ପରକୁ ସ୍ନେହରେ ବିଦାୟ ଦିଅନ୍ତି ଏବଂ ପରେ ପାପାରାଜି ସାମ୍ନାରେ ପରସ୍ପରକୁ ଚୁମ୍ବନ ଦିଅନ୍ତି । ଉଭୟଙ୍କ ଲଭିଂ ଏବଂ ରୋମାଣ୍ଟିକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି।
ଟ୍ରୋଲ ହେଲେ ସୁଜୈନ-ଅର୍ସଲାନ
ଏହି ଭିଡିଓ ସାମ୍ନାକୁ ଆସିବା ପରେ ସୋସିଆଲ ମିଡିଆ ୟୁଜର୍ସ ଅର୍ସଲାନ ଗୋନି ଏବଂ ସୁଜୈନ ଖାନଙ୍କୁ ଧୁମ୍ ଟ୍ରୋଲ କରୁଛନ୍ତି । ଜଣେ ୟୁଜର ଲେଖିଛନ୍ତି -କ୍ୟାମେରା ଆଗରେ ଏହି ଚୁମ୍ବନ ଗୁଡ଼ିକ ଆବଶ୍ୟକ ଥିଲା କି ? କଣ ହୋଇଗଲା । କିଛି ଲୋକଙ୍କ କହିବାନୁସାରେ, ଅର୍ସଲାନ୍ ଏବଂ ସୁଜୈନ୍ କ୍ୟାମେରା ଆଗରେ ଚୁମ୍ବନ ଦେଇଥିଲେ ଯାହା ଦ୍ବାରା ସେମାନେ ଲାଇମଲାଇଟ୍ ରହିପାରିବେ । ଏହା ସହିତ ଅନେକ ଲୋକ ତାଙ୍କ ଲେହେଙ୍ଗା ଏବଂ ଲୁକ୍ ପାଇଁ ସୁଜୈନ ଖାନଙ୍କୁ ଟ୍ରୋଲ କରୁଛନ୍ତି ।
ସୁଜୈନ ଖାନ ଏବଂ ଅର୍ସଲାନ ଗୋନିଙ୍କ ବିଷୟରେ କଥାବାର୍ତ୍ତା ତ, ଯେବେଠୁ ଉଭୟ ନିଜ ସମ୍ପର୍କକୁ ଅଫିସିଆଲ କରିଛନ୍ତି, ସେବେଠାରୁ ଉଭୟ ସର୍ବସାଧାରଣରେ ପରସ୍ପର ପ୍ରତି ପ୍ରେମ ବର୍ଷା କରୁଥିବା ଦେଖାଯାଏ । ପ୍ରତ୍ୟେକ ପାର୍ଟିରେ ସୁଜୈନ ଏବଂ ଅର୍ସଲାନ୍ ଏକାଠି ହାତ ଧରାଧରି ହୋଇଥିବାର ନଜର ଆସିଛନ୍ତି । ସୋସିଆଲ ମିଡିଆରେ ଉଭୟଙ୍କ ଫଟୋ ମଧ୍ୟ ଭାଇରାଲ ହୋଇଛି ।
