ମୁମ୍ବାଇ: ବଲିଉଡ ଅଭିନେତା ସନ୍ନି ଦେଓଲ ବର୍ତ୍ତମାନ ପର୍ଯ୍ୟନ୍ତ ତାଙ୍କ କ୍ୟାରିଅରରେ ଅନେକ ହିଟ୍ ଫିଲ୍ମ ଦେଇଛନ୍ତି । ଗତ କିଛି ବର୍ଷ ମଧ୍ୟରେ ଅଭିନେତାଙ୍କ ପ୍ରଶଂସକମାନେ ତାଙ୍କର ଆକ୍ସନ୍ ସିନ୍ ଏବଂ ସଂଳାପରୁ ମିସ୍ କରୁଛନ୍ତି । ବର୍ତ୍ତମାନ ସନ୍ନି ଦେଓଲଙ୍କ ପାଖରେ ଅନେକ ମଜାଦାର ପ୍ରୋଜେକ୍ଟ ଅଛି, ଯେଉଁଥିରେ ସେ ପୁରା ମନପ୍ରାଣ ଦେଇ କାମ କରୁଛନ୍ତି । ଏହି ପ୍ରୋଜେକ୍ଟ ଗୁଡ଼ିକ ମଧ୍ୟରୁ ଗୋଟିଏ ହେଉଛି ସନ୍ନି ଦେଓଲଙ୍କ ଆଗାମୀ ଚଳଚ୍ଚିତ୍ର 'ସୂର୍ଯ୍ୟା' ।
- " class="align-text-top noRightClick twitterSection" data="
">
ସନ୍ନି ଦେଓଲ ଜୟପୁରରେ 'ସୂର୍ଯ୍ୟା' ଚଳଚ୍ଚିତ୍ରର ସୁଟିଂ ଆରମ୍ଭ କରିଛନ୍ତି । ଅଭିନେତା ଫିଲ୍ମର ସେଟରୁ ନିଜର ଏକ ଫଟୋ ମଧ୍ୟ ସେୟାର କରିଛନ୍ତି । ଏହି ଫଟୋରେ ସନ୍ନି ଦେଓଲ ସିଡ଼ିରେ ବସିଥିବାର ନଜର ଆସିଛନ୍ତି । ଫଟୋରେ ସେ ଦାଢି ଲୁକ୍ରେ ନଜର ଆସିଛନ୍ତି। ସନ୍ନି ଦେଓଲଙ୍କ ଲୁକ୍ ବହୁତ ସିମ୍ପଲ ଏବଂ ଆକର୍ଷଣୀୟ ଦେଖାଯାଉଛି । ଫଟୋ ସେୟାର କରି ଅଭିନେତା କ୍ୟାପସନ୍ ଦେଇଛନ୍ତି, 'ତାଙ୍କ ପାଖରେ ସବୁ ସୁଖ ଥିଲା କିନ୍ତୁ ପରେ ଜୀବନ ଯାତ୍ରା ତାଙ୍କର ସବୁ ସୁଖକୁ ଛଡ଼ାଇ ନେଇଗଲା । ତାକୁ ଘୃଣା, କ୍ରୋଧ ଏବଂ ପ୍ରତିଶୋଧ ସହିତ ଛାଡି ଦେଲେ । କିନ୍ତୁ 'ସୂର୍ଯ୍ୟା'ଙ୍କୁ ଏକ ଲକ୍ଷ୍ୟ ମିଳିଗଲା…।
- " class="align-text-top noRightClick twitterSection" data="">
ସନ୍ନି ଦେଓଲଙ୍କ 'ସୂର୍ଯ୍ୟା' ହେଉଛି ମାଲାୟାଲମ୍ ଚଳଚ୍ଚିତ୍ର 'ଜୋସେଫ୍'ର ହିନ୍ଦୀ ରିମେକ୍ । ଏହି ଚଳଚ୍ଚିତ୍ରଟି ଏମ ପଦ୍ମାକୁମାରଙ୍କ ଦ୍ୱାରା ନିର୍ଦ୍ଦେଶିତ, ଯିଏକି ମାଲାୟାଲମ୍ ଚଳଚ୍ଚିତ୍ରର ନିର୍ଦ୍ଦେଶନା ମଧ୍ୟ ଦେଇଛନ୍ତି । ଏହି ଚଳଚ୍ଚିତ୍ର ବ୍ୟତୀତ ସନ୍ନି ଦେଓଲ ଖୁବ୍ ଶୀଘ୍ର ବ୍ଲକବଷ୍ଟର ଫିଲ୍ମ 'ଗଦର'ର ଦ୍ୱିତୀୟ ଭାଗରେ ନଜର ଆସିବେ । ଏହି ଚଳଚ୍ଚିତ୍ରରେ ତାରା ସିଂଙ୍କୁ ପୁଣି ଥରେ ଅନସ୍କ୍ରିନରେ ଦେଖିବାକୁ ପ୍ରଶଂସକମାନେ ଅପେକ୍ଷା କରିରହିଛନ୍ତି । ଅଭିନେତା ଫିଲ୍ମ 'ଅପନେ ୨'ର ଏକ ଅଂଶ ମଧ୍ୟ । ଏହି ଚଳଚ୍ଚିତ୍ରରେ ସନ୍ନି ଦେଓଲ ତାଙ୍କ ପୁଅ କରଣ ଦେଓଲ, ପିତା ଧର୍ମେନ୍ଦ୍ର ଏବଂ ଭାଇ ବବି ଦେଓଲଙ୍କ ସହ ନଜର ଆସିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
