ଆଉ ଫିଲ୍ମ ନିର୍ମାଣ କରିବି ନାହିଁ, ମୁଁ ଦେବାଳିଆ ହୋଇଯାଉଛି: ସନ୍ନି ଦେଓଲ

ସନ୍ନି ଦେଓଲ ଆଉ କେବେ ବି ଫିଲ୍ମ କରିବେ ନାହିଁ । ଯେତେବେଳେ ବି ଫିଲ୍ମ ନିର୍ମାଣ କରନ୍ତି ସେତେବେଳେ ସେ ଦେବାଳିଆ ହୋଇଯାଆନ୍ତି ବୋଲି ଖୋଦ୍‌ କହିଛନ୍ତି । ଅଧିକ ପଢନ୍ତୁ

ହାଇଦ୍ରାବାଦ: ସନ୍ନି ଦେଓଲ୍ ତାଙ୍କ ଚଳଚ୍ଚିତ୍ର ‘ଗଦର ୨’ କୁ ନେଇ ଆଜିକାଲି ଚର୍ଚ୍ଚାରେ ଅଛନ୍ତି । ଦୀର୍ଘ ଦିନ ପରେ ତାଙ୍କର ଗୋଟିଏ ଚଳଚ୍ଚିତ୍ର ବକ୍ସ ଅଫିସରେ ଧମାଲ ମଚାଇ ଚାଲିଛି । ତୃତୀୟ ସପ୍ତାହରେ ବି ଏହି ଚଳଚ୍ଚିତ୍ରଟି ବେଶ୍‌ ଭଲ ରୋଜଗାର କରିଥିବା ଦେଖାଯାଇଛି । ସନ୍ନି ଦେଓଲ କେବଳ ଜଣେ ଉଜ୍ଜ୍ୱଳ ଅଭିନେତା ନୁହଁନ୍ତି, ବରଂ ସେ ଅନେକ ଚଳଚ୍ଚିତ୍ର ମଧ୍ୟ ନିର୍ମାଣ କରିଛନ୍ତି। କିନ୍ତୁ ସନ୍ନି ଦେଓଲ୍ ଜଣେ ନିର୍ମାତା ଭାବରେ ସଫଳତା ହାସଲ କରିପାରି ନାହାଁନ୍ତି, ଯାହା ସେ ଜଣେ କଳାକାର ଭାବରେ କରିଛନ୍ତି । ଅନ୍ୟପକ୍ଷରେ, ‘ଗଦର ୨’ ର ସଫଳତା ମଧ୍ୟରେ ସନ୍ନି ଦେଓଲ ଉତ୍ପାଦକ ଭାବରେ ନିଜକୁ ଦେବାଳିଆ ଘୋଷଣା କରିଛନ୍ତି। କେବଳ ସେତିକି ନୁହେଁ, ସେ ଆଉ କେବେ ବି ଫିଲ୍ମ ନିର୍ମାଣ କରିବେ ନାହିଁ ବୋଲି ମଧ୍ୟ କହିଛନ୍ତି।

ବିବିସି ଏସୀୟାନ ନେଟୱାର୍କକୁ ଦେଇଥିବା ଏକ ସାକ୍ଷାତକାରରେ ଅଭିନେତା ସନ୍ନି ଦେଓଲ କହିଛନ୍ତି କି, ଚଳଚ୍ଚିତ୍ର ନିର୍ମାଣରେ ପରିବର୍ତ୍ତନ ହେତୁ ଯେତେବେଳେ ବି ସେ ଫିଲ୍ମ ନିର୍ମାଣ କରନ୍ତି ସେତେବେଳେ ସେ ଦେବାଳିଆ ହୋଇଯାଆନ୍ତି। ସେ ଆହୁରି କହିଛନ୍ତି କି, ‘‘ମନୋରଞ୍ଜନ ଜଗତ ଅନେକ ଅସୁବିଧାର ସମ୍ମୁଖୀନ ହେଉଛି। ପ୍ରାରମ୍ଭିକ ସମୟରେ, ମୁଁ ଜିନିଷଗୁଡ଼ିକୁ ନିୟନ୍ତ୍ରଣ କରିପାରୁଥିଲି, କାରଣ ଡିଷ୍ଟ୍ରିବ୍ୟୁସନ୍‌ ସାମାନ୍ୟ ଥିଲା । ସେହି ଲୋକମାନେ ଥିଲେ ଯେଉଁମାନଙ୍କ ସହିତ ଆମେ କଥା ହେଉଥିଲୁ । ସେଠାରେ ଏକ ସଂଯୋଗ ଥିଲା । ଯେବେଠୁ କର୍ପୋରେଟରମାନେ ଆସିଛନ୍ତି, ସେବେଠୁ ସବୁ ବଦଳିଯାଇଛି । କୌଣସି ବ୍ୟକ୍ତି ପାଇଁ ଏତେ ଦିନ ଅପେକ୍ଷା କରିବା କଷ୍ଟକର । ଆପଣଙ୍କୁ ନିଜର PR କରିବାକୁ ପଡିବ, ଚାରିଆଡ଼େ ଦୌଡ଼ିବାକୁ ପଡିବ ଏବଂ ସେମାନେ ଆପଣଙ୍କୁ ଥିଏଟରଗୁଡ଼ିକର ସଂଖ୍ୟା ଦେବେ ନାହିଁ । ସେମାନେ ଚାହୁଁ ନାହାଁନ୍ତି ଯେ କେହି ସେଠାରେ ରୁହନ୍ତୁ । ଗତ ଦଶନ୍ଧିରେ, ମୋତେ ନିଜ ଚଳଚ୍ଚିତ୍ରକୁ ନେଇ ଅନେକ ଅସୁବିଧାର ସମ୍ମୁଖୀନ ହେବାକୁ ପଡିଛି । ଆପଣ ଏକ ନିର୍ଦ୍ଦିଷ୍ଟ ପ୍ରକାରର ସିନେମା କରିବାକୁ ଚେଷ୍ଟା କରୁଛନ୍ତି, କିନ୍ତୁ ଆପଣଙ୍କୁ ସମର୍ଥନ ମିଳୁନାହିଁ ।’’

ଜଣେ କଳାକାର ଭାବରେ ସେ ଅଧିକ ଖୁସି ବୋଲି ସନ୍ନି ଦେଓଲ କହିଛନ୍ତି। ସେ କହିଛନ୍ତି, 'ମୁଁ ଅନେକ ଭୂମିକାରେ ଅଭିନୟ କରି ନିର୍ମାତା, ନିର୍ଦ୍ଦେଶକ ହୋଇଥିଲି। କିନ୍ତୁ ଜଣେ ବ୍ୟକ୍ତି କେବଳ ଗୋଟିଏ କାମ କରିପାରିବ । ତେଣୁ ମୁଁ ଭାବିଲି ସବୁକିଛି ଛାଡିଦେବି, କେବଳ ଜଣେ ଅଭିନେତା ହେବି । ତେଣୁ ବର୍ତ୍ତମାନ ମୁଁ ଏହା କରିବାକୁ ଚାହୁଁଛି । ଜଣେ ଅଭିନେତା ଭାବରେ ମୁଁ ଯେତେ ସମ୍ଭବ ଫିଲ୍ମ କରିବି । ଉଲ୍ଲେଖନୀୟ ଯେ, ଯେ ଗଦର 2 ବିଶ୍ବ ବକ୍ସ ଅଫିସରେ 500 କୋଟିରୁ ଅଧିକ ଆୟ କରିଛି ।

ସନ୍ନି ଦେଓଲଙ୍କ ନିର୍ମିତ ଚଳଚ୍ଚିତ୍ର

ସନ୍ନିଙ୍କ ଷ୍ଟାର ପିତା ଧର୍ମେନ୍ଦ୍ର ଏକ ପ୍ରଡକ୍ସନ୍ ହାଉସ୍ ଖୋଲିଥିଲେ, ଯେଉଁଥିରେ ସନ୍ନିଙ୍କ ଡେବ୍ୟୁ ଫିଲ୍ମ ବିତାବ (1983) ନିର୍ମିତ ହୋଇଥିଲା । ଏହା ପରେ, 1999 ମସିହାରେ, ସନ୍ନି ଏହି ପ୍ରଡକ୍ସନ ହାଉସ୍‌କୁ ତାଙ୍କ ହାତକୁ ନେଇଥିଲେ ।

ଦିଲଗି (1999)

ଇଣ୍ଡିଆନ୍‌ (2001)

23 ମାର୍ଚ୍ଚ 1931 ସହିଦ

ଘାୟଲ୍ ୱାନ୍ସ ଏଗେନ୍‌ରେ (2018) ରେ ସନ୍ନି ଏହି ଚଳଚ୍ଚିତ୍ରଗୁଡିକ ନିର୍ମାଣ କରିଥିଲେ, ଯେଉଁଥିରୁ ବବି ଦେଓଲଙ୍କ ଅଭିନୀତ ଚଳଚ୍ଚିତ୍ର 23 ମାର୍ଚ୍ଚ 1931 ରେ ସହିଦ ଭଲ ବ୍ୟବସାୟ କରିଥିଲେ ।