ମୁମ୍ବାଇ: ରବିବାର(ଜୁନ 16) ବଲିଉଡର ଲୋକପ୍ରିୟ ଅଭିନେତା ସନ୍ନି ଦେଓଲଙ୍କ ବଡ଼ ପୁଅ କରଣ ଦେଓଲ ପ୍ରତିଷ୍ଠିତ ବ୍ୟବସାୟୀ ସୁମିତ ଆଚାର୍ଯ୍ୟଙ୍କ ଝିଅ ତଥା ଦୀର୍ଘ ଦିନର ବାନ୍ଧବୀ ଦିଶା ଆଚାର୍ଯ୍ୟଙ୍କୁ ବିବାହ କରିଛନ୍ତି । କରଣଙ୍କ ଶୋଭାଯାତ୍ରାରେ ସମଗ୍ର ଦେଓଲ ପରିବାର ଡ୍ୟାନ୍ସ କରୁଥିବା ଦେଖିବାକୁ ମିଳିଥିଲା । 80 ବର୍ଷୀୟ ଜେଜେବାପା ତଥା ବଲିଉଡ ବର୍ଷିୟାନ ଅଭିନେତା ଧର୍ମେନ୍ଦ୍ର ମଧ୍ୟ ନାତି କରଣଙ୍କ ବିବାହରେ ଡ୍ୟାନ୍ସ କରିଥିଲେ । ଯାହାର ଭିଡିଓ ଏବଂ ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହାରି ମଧ୍ୟରେ ବର୍ତ୍ତମାନ ଉଭୟଙ୍କ ରିସେପ୍ସନ ଭିଡିଓ ସାମ୍ନାକୁ ଆସିଛି । ଯେଉଁଥିରେ ଅନେକ ବଲିଉଡ ତାରକା ସାମିଲ ହେଇଥିବା ନଜର ଆସିଛନ୍ତି ।
କରଣ ଦେଓଲ ଏବଂ ଦିଶା ଆଚାର୍ଯ୍ୟଙ୍କ ଗ୍ରାଣ୍ଡ୍ ରିସେପ୍ସନରେ ବଲିଉଡ ଅଭିନେତା ସଲମାନ ଖାନ, ପତ୍ନୀ ଦୀପିକା ପାଦୁକୋନ ଏବଂ ନିଜ ପରିବାର ସହ ରଣଭୀର ସିଂ, ଜ୍ୟାକି ଶ୍ରଫ, ଆମୀର ଖାନ ଏବଂ ପତ୍ନୀଙ୍କ ସହ କପିଲ ଶର୍ମା ଯୋଗ ଦେଇଥିଲେ । ସେହିପରି ବର୍ଷିୟାନ ଅଭିନେତା ପ୍ରେମ ଚୋପ୍ରା, ସୁନୀଲ ସେଟ୍ଟୀ, ଶତ୍ରୁଘ୍ନ ସିହ୍ନା, ଅନୁପମ ଖେର ଭଳି ତାରକା ମଧ୍ୟ ଏଥିରୋ ଯୋଗ ଦେଇ କରନ ଏବଂ ଦିଶାଙ୍କୁ ଆଶୀର୍ବାଦ କରିଥିଲେ। ସମସ୍ତ ତାରକା ବିବାହ ସମାରହେକୁ ଉପଭୋଗ କରୁଥିବା ଦେଖିବାକୁ ମିଳିଥିଲା । ଏହି ଗ୍ରାଣ୍ଡ ରିସେପ୍ସନର ଭିଡିଓ ଏବଂ ଫଟୋ ଏବେ ସୋସିଆଲ ମିଡିଆରେ ବେଶ ଭାଇରାଲ ହୋଇଛି । ସେପଟେ ଇନଷ୍ଟାଗ୍ରାମରେ ନବ ଦମ୍ପତିଙ୍କ ଫଟୋ ସେୟାର କରି ଅଭିନେତା ସନ୍ନି ଦେଓଲ୍ ଲେଖିଛନ୍ତି, "ଆଜି ମୁଁ ଏକ ସୁନ୍ଦର ଝିଅ ପାଇଲି । ଦୁହିଁଙ୍କୁ ମୋର ଆଶୀର୍ବାଦ । ଭଗବାନ ଆଶୀର୍ବାଦ କରନ୍ତୁ ।"
ସୂଚନା ଥାଉ କି, କରଣ ଏବଂ ଦିଶା ଦୀର୍ଘ ସମୟ ଧରି ଡେଟିଂ କରି ଆସୁଥିଲେ । ଦିଶା ଜଣେ ଫ୍ୟାଶନ୍ ଡିଜାଇନର୍ । ଖବର ଅନୁଯାୟୀ, ଦିଶା ହେଉଛନ୍ତି ବିମଲ ରୟଙ୍କ ଝିଅ ରିଙ୍କି ଭଟ୍ଟାଚାର୍ଯ୍ୟଙ୍କ ନାତୁଣୀ, ଯିଏ ଚଳଚ୍ଚିତ୍ର ନିର୍ମାତା ବସୁ ଭଟ୍ଟାଚାର୍ଯ୍ୟଙ୍କୁ ବିବାହ କରିଛନ୍ତି । ତେବେ କରଣ 2019ରେ ସନି ଦେଓଲଙ୍କ ନିର୍ଦ୍ଦେଶିତ 'ପଲ ପଲ ଦିଲ କେ ପାସ' ଫିଲ୍ମ ସହ ବଲିଉଡରେ ଡେବ୍ୟୁ କରିଥିଲେ । ସନ୍ନିଙ୍କ ସାନପୁଅ ରାଜବୀର ଦେଓଲ ମଧ୍ୟ ନିର୍ଦ୍ଦେଶକ ଭାବରେ ଚଳଚ୍ଚିତ୍ର ନିର୍ମାତା ଅବନୀଶ ବରଜାତ୍ୟଙ୍କ ପ୍ରଥମ ସିନେମାରେ ଅଭିନୟ ଆରମ୍ଭ କରିବାକୁ ଯାଉଛନ୍ତି । ସେପଟେ ସନ୍ନି 22ବର୍ଷ ପରେ ପୁଣି ବଡ଼ ପରଦାକୁ ଫିଲ୍ମ 'ଗଦର-2' ସହ ନଜର ଆସିବାକୁ ଯାଉଛନ୍ତି । ଯାହା ଅଗଷ୍ଟ 11ରେ ରିଲିଜ ହେବ ।
