ହାଇଦ୍ରାବାଦ: ନିଜ ବୟାନ ପାଇଁ ସବୁବେଳେ ଚର୍ଚ୍ଚାରେ ରହିଥାଆନ୍ତି ବଲିଉଡ 'କୁଇନ' କଙ୍ଗନା ରଣାୱତ । ସେ ସର୍ବଦା କରଣ ଜୋହର ସମେତ ଅନେକ୍ ଷ୍ଟାରମାନଙ୍କୁ ଟାର୍ଗେଟ କରି ମନ୍ତବ୍ୟ ଦେଉଥିବା ଦେଖିବାକୁ ମିଳିଛି । ସେ କେଉଁ ଷ୍ଟାର କିମ୍ବା ଫିଲ୍ମର ପ୍ରଶଂସା କରିବା ବହୁତ କମ ଦେଖିବାକୁ ମିଳିଥାଏ । କିନ୍ତୁ ଏବେ ଶାହାରୁଖ ଖାନ୍ଙ୍କ ଫିଲ୍ମ ଜବାନ ରିଲିଜ ହୋଇଛି । ଯାହାକୁ ନେଇ ବର୍ତ୍ତମାନ ଅଭିନେତ୍ରୀ ଫିଲ୍ମର ଏବଂ ଶାହାରୁଖଙ୍କ ବେଶ ପ୍ରଶଂସା କରିଛନ୍ତି । ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି କଙ୍ଗନା ଶାହାରୁଖଙ୍କ ଭୂୟଶୀ ପ୍ରଶଂସା କରିବା ସହ ସିନେମାର ଭଗବାନ କହିଛନ୍ତି । ସେପଟେ ବଲିଉଡ୍ ଫିଲ୍ମ ନିର୍ଦ୍ଦେଶକ କରଣ ଜୋହର ମଧ୍ୟ ଜବାନକୁ ନେଇ ପ୍ରତିକ୍ରିୟା ଦେଇଛନ୍ତି ।
କଙ୍ଗନା ରାଣାୱତ୍ ନିଜ ଇନ୍ଷ୍ଟାଗ୍ରାମ ଷ୍ଟୋରୀରେ ଏକ ପୋଷ୍ଟ ସେୟାର କରିଛନ୍ତି । ସେ ଲେଖିଛନ୍ତି, "60 ବର୍ଷ ବୟସର ହୋଇଛନ୍ତି ଶାହାରୁଖ ଖାନ । ଦୀର୍ଘ ବର୍ଷର ସଂଘର୍ଷ ପରେ ଶାହାରୁଖ ଖାନ ଏକ ଷ୍ଟାରଡମ୍ ହାସଲ କରିଛନ୍ତି । ସେହି ଷ୍ଟାରଡମ୍କୁ ବଜାୟ ରଖିବାକୁ ପୁଣି ସଂଘର୍ଷ କରୁଛନ୍ତି । 90 ଦଶକର ସେ ଥିଲେ ଜଣେ ଲଭର ବୟ । 40-50 ବର୍ଷ ବେଳକୁ ସେ ଏକ ମାସ୍ ସୁପରଷ୍ଟାର ହେଲେ । ମୋର ମନ ଅଛି ସେହି ସମୟ, ଯେବେ ଲୋକେ ତାଙ୍କ ବିଷୟରେ ଲେଖିବା ବନ୍ଦ କରି ଦେଇଥିଲେ । କିନ୍ତୁ ତାଙ୍କ ସଂଘର୍ଷ ତାଙ୍କୁ ଆଜି ସୁପରଷ୍ଟାର କରାଇ ପାରିଛି। ସମସ୍ତ ତାରକାଙ୍କ ପାଇଁ ସେ ଜଣେ ପ୍ରେରଣା ଅଟନ୍ତି । ସେ ସିନେମାର ଭଗବାନ ଅଟନ୍ତି । ଭାରତକୁ ଏହି ଭଳି ତାରକାଙ୍କ ଦରକାର । କିଙ୍ଗ୍ ଖାନ୍ ଆପଣଙ୍କ ନିକଟରେ ମୁଁ ମୁଣ୍ଡ ନୁଆଁଉଛି । ଆପଣଙ୍କ ପୁରା ଟିମ୍କୁ ଶୁଭେଚ୍ଛା ।
ସେପଟେ ଫିଲ୍ମ ନିର୍ଦ୍ଦେଶକ କରଣ ଜୋହର ମଧ୍ୟ ଫିଲ୍ମ ଜବାନକୁ ନେଇ ପ୍ରତିକ୍ରିୟା ଦେଇଛନ୍ତି । କରଣ ଜୋହର ଶାହାରୁଖ ଖାନଙ୍କ ରିଲିଜ ଆକ୍ସନ-ଥ୍ରୀଲର ଫିଲ୍ମ 'ଜବାନ' ଦେଖିବା ପରେ ବନ୍ଧୁ ଶାହାରୁଖଙ୍କ ନାମରେ ଏକ ପୋଷ୍ଟ କରିଛନ୍ତି। ସେ ନିଜ ଇନଷ୍ଟା ଷ୍ଟୋରୀରେ ଶାହରୁଖଙ୍କ ଫିଲ୍ମ 'ଜବାନ'ର ଏକ ଫଟୋ ସେୟାର କରି ଅଭିନେତାଙ୍କୁ 'ବଲିଉଡର ସମ୍ରାଟ' ବୋଲି ବର୍ଣ୍ଣନା କରିଛନ୍ତି ।
ଶାହାରୁଖ ଖାନ ଏବଂ କରଣ ଜୋହରଙ୍କ ଅଭିନେତା-ନିର୍ଦ୍ଦେଶକ ଯୋଡି ହିନ୍ଦୀ ସିନେମାର ସବୁଠାରୁ ହିଟ୍ ଯୋଡି। ଶାହାରୁଖ କରଣ ଏକାଠି ଅନେକ ଚଳଚ୍ଚିତ୍ରରେ କାମ କରିଛନ୍ତି, ଯେଉଁଥିରେ ଦିଲୱାଲେ ଦୁଲହନିଆ ଲେ ଜାଏଙ୍ଗେ, କୁଛ କୁଛ ହୋତା ହେ, କଭି ଖୁସୀ କଭି ଘମ, କଭି ଅଲଭିଦା ନା କେହନା, କଲ୍ ହୋ ନା ହୋ ଏବଂ ମାଇ ନେମ୍ ଇଜ୍ ଖାନ ଅଛି । ଶାହରୁଖ ଖାନଙ୍କୁ ଶେଷରେ କରଣ ଜୋହରଙ୍କ 'ଏ ଦିଲ ହେ ମୁଶକିଲ'ରେ ଏକ କ୍ୟାମିଓ ରୋଲ୍ରେ ବି ଦେଖିବାକୁ ମିଳିଥିଲା ।
ଏହା ମଧ୍ୟ ପଢନ୍ତୁ: ନଜର ଆସିଲେ ଶାହାରୁଖ, ଅଟଲିଙ୍କ ସମେତ ଫିଲ୍ମର ପୁରା ଟିମ୍
4 ବର୍ଷ ପରେ ଶାହାରୁଖ ଖାନ ଚଳିତ ବର୍ଷ ଫିଲ୍ମ ପଠାନ ସହ ବଡ ପରଦାକୁ ଫେରିଥିଲେ। ଏହି ଫିଲ୍ମର ଦମଦାର ସଫଳତା ପରେ ବର୍ତ୍ତମାନ ଅଭିନେତା ଏବର୍ଷର 2ୟ ଫିଲ୍ମ ଜବାନ ସହ ପୁଣି କମବ୍ୟାକ କରିଛନ୍ତି। ଯାହା ସେପ୍ଟେମ୍ବର 7ରେ ରିଲିଜ ହୋଇଛି। ପ୍ରଥମ ଦିନରେ ଫିଲ୍ମ ଭାରତରେ 75 କୋଟି ଏବଂ ବିଶ୍ବରେ 150 କୋଟି ଆୟ କରି ଇତିହାସ ରଚିଛି । ସେପଟେ କଙ୍ଗନାଙ୍କ ୱାର୍କଫ୍ରଣ୍ଟ କଥା କହିବାକୁ ଗଲେ, କଙ୍ଗନାଙ୍କୁ ଚନ୍ଦ୍ରମୁଖୀ 2, ତେଜସ ଏବଂ ଏମରଜେନ୍ସିରେ ଦେଖିବାକୁ ମିଳିବ।
