ମୁମ୍ବାଇ: ରିଲିଜର ପ୍ରଥମ ଦିନରେ ବକ୍ସ ଅଫିସରେ ଧମାଲ କରିଛି 'ଗୁଣ୍ଟୁର କାରମ' । ଓପନିଂ ଦିନରେ ହିଁ ଢେର ଇନକମ୍ କରିଛି ମହେଶ ବାବୁଙ୍କ ଅଭିନୀତ ଏହି ଫିଲ୍ମ । ଏହି ଫିଲ୍ମଟି ଆକ୍ସନ ଏବଂ କମେଡିରେ ଭରପୁର ଥିବାବେଳେ ଦର୍ଶକଙ୍କୁ ଏହା ଭରପୁର ମନୋରଞ୍ଜନ କରିବ ବୋଲି ଆଶା ରହିଛି । ଶୁକ୍ରବାର ଫିଲ୍ମଟି ରିଲିଜ ହୋଇଛି । ବିଶ୍ବବ୍ୟାପୀ ରିଲିଜ ହୋଇଥିବା ଏହି ଫିଲ୍ମର ବକ୍ସ ଅଫିସ ଇନକମ୍ ୧୦୦ କୋଟି ପାଖାପାଖି ପହଞ୍ଚିଲାଣି । ରିଲିଜର ପ୍ରଥମ ଦିନରେ ଫିଲ୍ମ ୯୪ କୋଟିରୁ ଊର୍ଦ୍ଧ୍ବ ଆୟ କରିଥିବା ଜଣାପଡିଛି । ୨୦୨୪ର ଏକ ବଡ଼ ଓପନିଂ କରିଛନ୍ତି ସାଉଥ ସୁପରଷ୍ଟାର ମହେଶ ବାବୁ । 'ଗୁଣ୍ଟୁର କାରମ'ରେ ମୁଖ୍ୟ ଭୂମିକାରେ ସାଉଥ ସୁପରଷ୍ଟାର ମହେଶ ବାବୁଙ୍କୁ ଦେଖିବାକୁ ମିଳିଛି । ଏହାସହ ପୂଜା ହେଗଡେ, ଶ୍ରୀଲୀଲା, ଜନ ଆବ୍ରାହମ, ଜଗପତି ବାବୁ, ମିନାକ୍ଷୀ ଚୌଧୁରୀ ପ୍ରମୁଖ ଭୂମିକାରେ ନଜର ଆସିବେ ।
ମକର ସଂକ୍ରାନ୍ତିକୁ ଦେଶବ୍ୟାପୀ ଧୁମଧାମରେ ପାଳନ କରାଯାଉଥିବା ବେଳେ ଗୋଟିଏ ପରେ ଗୋଟିଏ ଫିଲ୍ମ ମଧ୍ୟ ରିଲିଜ ହେଉଛି । ଯାହାକି ସେଲିବ୍ରେସନର ମାହୋଲକୁ ଆହୁରି ରଙ୍ଗୀନ କରିଛି । ରିଲିଜର ପ୍ରଥମ ଓ ଦ୍ବିତୀୟ ଦିନ ବକ୍ସ ଅଫିସରେ କମାଲ କରିଚାଲିଛି 'ଗୁଣ୍ଟୁର କାରମ' । ଏହାରି ଭିତରେ 'ଗୁଣ୍ଟୁର କାରମ' ଦେଖିବା ପାଇଁ ଆଗ୍ରହ ପ୍ରକାଶ କରିଛନ୍ତି ବଲିଉଡ ବାହଶାହ ଶାହରୁଖ ଖାନ । ଏନେଇ ଶାହରୁଖ ନିଜ ଏକ୍ସ( X) ହ୍ୟାଣ୍ଡେଲରେ ଟ୍ବିଟ୍ କରି ଲେଖିଛନ୍ତି, "ମୋ ବନ୍ଧୁ ମହେଶ ବାବୁଙ୍କ ଗୁଣ୍ଟୁର କାରମ ଫିଲ୍ମକୁ ମୁଁ ଅପେକ୍ଷା କରିଛି । ଆକ୍ସନ ଓ ଇମୋସନ ସହ ଭରପୁର ମନୋରଞ୍ଜନ ଆଣିଥିବା ଏହି ଫିଲ୍ମ ବକ୍ସ ଅଫିସରେ ନିଆଁ ଲଗାଇବ ।"
ଏହା ମଧ୍ୟ ପଢନ୍ତୁ...ମକର ସଂକ୍ରାନ୍ତି ଅବସରରେ ବକ୍ସ ଅଫିସରେ ଧମାକା, ରିଲିଜ ହେଲା ୬ଟି ଫିଲ୍ମ
ପ୍ରଥମ ଦିନରେ ବକ୍ସ ଅଫିସରେ ଫିଲ୍ମର ଆୟକୁ ଆଗକୁ ଭଲ ଇନକମ୍ ଆଶାରେ ପ୍ରଯୋଜନା ସଂସ୍ଥା । ସେପଟେ ଚର୍ଚ୍ଚାରେ ରହିଛି ଫିଲ୍ମ 'ହନୁମାନ' । ବକ୍ସ ଅଫିସରେ ବର୍ତ୍ତମାନ ଫିଲ୍ମ 'ହନୁମାନ' ଧମାଲ ମଚାଉଥିବାଳେ ମହେଶ ବାବୁଙ୍କ 'ଗୁଣ୍ଟୁର କାରମ' ଏହାକୁ ଟକ୍କର ଦେବ । ତେବେ କାହାକୁ ବେଶୀ ପସନ୍ଦ କରିବେ ଫ୍ୟାନ୍ସ ଏବଂ କାହାର ଅଧିକ ଆୟ ହେବ ତାହାକୁ ରହିଛି ଅପେକ୍ଷା ।
ଏହା ମଧ୍ୟ ପଢନ୍ତୁ...ଥିଏଟରରେ ଧୁମ୍ ମଚାଉଛି 'ହନୁମାନ', ଫ୍ୟାନ୍ସ ଲଗାଇଲେ 'ଜୟ ଶ୍ରୀରାମ' ନାରା
