ହାଇଦ୍ରାବାଦ: ବଲିଉଡର ଦିଗ୍ଗଜ ଅଭିନେତ୍ରୀ ଶ୍ରୀଦେବୀ (Sridevi) ଯଦିଓ ଆଜି ଆମ ଗହଣରେ ନାହାନ୍ତି, କିନ୍ତୁ ତାଙ୍କ ଚଳଚ୍ଚିତ୍ର ଏବଂ ସ୍ମୃତି ସବୁବେଳେ ତାଙ୍କ ପରିବାର ଏବଂ ପ୍ରଶଂସକଙ୍କ ସହ ଯୋଡି ହୋଇରହିବ । କିଛି ସମାନ ସ୍ମୃତି 2012 ଚଳଚ୍ଚିତ୍ର 'ଇଂଲିଶ ଭିଂଲିଶ' (Film English Vinglish) ସହିତ ଜଡିତ । ଉଲ୍ଲେଖନୀୟ ଯେ, ଆଜି (5 ଅକ୍ଟୋବର) ହେଉଛି 'ଇଂଲିଶ୍ ଭିଙ୍ଗଲିସ୍'ର ଦଶମ ବାର୍ଷିକୀ । ଏହି ଅବସରରେ ନିର୍ଦ୍ଦେଶକ ଗୌରୀ ସିନ୍ଦେ ଏହି ବିଶେଷ ଉତ୍ସବକୁ ଆହୁରି ଉନ୍ନତ କରିବା ଏବଂ ଶ୍ରୀଦେବୀଙ୍କ ପ୍ରଶଂସକଙ୍କୁ ଏକ ବିଶେଷ ଉପହାର ଦେବା ପାଇଁ ଏକ ନିଆରା ଯୋଜନା ପ୍ରସ୍ତୁତ କରିଛନ୍ତି । ସେ ଶ୍ରୀଦେବୀ ଫିଲ୍ମରେ ପିନ୍ଧିଥିବା ଶାଢୀକୁ ନିଲାମ କରିବାକୁ ନିଷ୍ପତ୍ତି ନେଇଛନ୍ତି । ରିପୋର୍ଟ ଅନୁଯାୟୀ, ଶ୍ରୀଦେବୀଙ୍କ ସହ ଜଡିତ ଖାସ୍ ଜିନିଷ ଗୁଡିକ ଅକ୍ଟୋବର 10 ରେ ନିଲାମ ହେବ।
ଚଳଚ୍ଚିତ୍ର 'ଇଂଲିଶ ଭିଂଲିଶ'ରେ ଶଶି ଗୋଡବୋଲ ଭୂମିକାରେ ଅଭିନୟ କରି ଶ୍ରୀଦେବୀ ସମସ୍ତଙ୍କ ହୃଦୟ ଜିତିଥିଲେ । ଏହି ଚଳଚ୍ଚିତ୍ରଟି ସମାଲୋଚକ ସହିତ ଦର୍ଶକଙ୍କ ଦ୍ୱାରା ପସନ୍ଦ କରାଯାଇଥିଲା । ଫିଲ୍ମରେ ଶଶିଙ୍କ ସରଳତା ଦର୍ଶକଙ୍କୁ ପସନ୍ଦ ଆସିଥିଲା। ଏହି ଫିଲ୍ମରେ ଶ୍ରୀଦେବୀ ପିନ୍ଧିଥିବା ଶାଢୀକୁ ନିଲାମ କରି ଏହି ଦିନକୁ ଆହୁରି ସ୍ମରଣୀୟ କରିବାକୁ ଫିଲ୍ମ ଟିମ୍ ଯୋଜନା କରିଛି।
ଶ୍ରୀଦେବୀ ପିନ୍ଧିଥିବା ଶାଢୀକୁ ନିଲାମ କରାଯିବ
ଏକ ରିପୋର୍ଟ ଅନୁଯାୟୀ, ଶ୍ରୀଦେବୀ ଫିଲ୍ମରେ ପିନ୍ଧିଥିବା ଶାଢୀକୁ ଗୌରୀ ସିନ୍ଦେ ଏପର୍ଯ୍ୟନ୍ତ ସମ୍ଭାଳି ରଖିଛନ୍ତି ଏବଂ ଇଂଲିଶ ଭିଂଲିଶକୁ ଦଶ ବର୍ଷ ପୂରା ହେବା ପରେ ସେ ନିଲାମ କରିବାକୁ ନିଷ୍ପତ୍ତି ନେଇଛନ୍ତି ।
ରିପୋର୍ଟ ଅନୁଯାୟୀ, ନିର୍ଦ୍ଦେଶକ ଗୌରୀ ସିନ୍ଦେ କହିଛନ୍ତି, “ଆମେ ଅକ୍ଟୋବର 10ରେ ଅନ୍ଧେରିରେ ଫିଲ୍ମ ସ୍କ୍ରିନିଂ କରିବୁ । ଫିଲ୍ମ ସମ୍ପର୍କରେ ଲୋକଙ୍କ ସହ କଥା ହେବେ । ଏହି ଅବସରରେ ଆମେ ଶ୍ରୀଦେବୀଙ୍କ ଦ୍ୱାରା ପିନ୍ଧାଯାଇଥିବା ଶାଢୀକୁ ନିଲାମ କରିବୁ, ଯାହା ମୁଁ ବର୍ତ୍ତମାନ ପର୍ଯ୍ୟନ୍ତ ରଖିଛି।” ବାର୍ତ୍ତାଳାପରେ ସେ ଏହା ବିଷୟରେ ଅଧିକ ବୁଝାଇଥିଲେ ଏବଂ କହିଥିଲେ ଯେ, ଶାଢୀ ନିଲାମରୁ ଯାହା କିଛି ଆସିବ, ସେ ଗରିବ ଝିଅମାନଙ୍କ ଶିକ୍ଷା ପାଇଁ ଏକ ଏନଜିଓକୁ ଦେବେ ।
ଉଲ୍ଲେଖନୀୟ ଯେ, ଯେତେବେଳେ ଶ୍ରୀଦେବୀଙ୍କ ମୃତ୍ୟୁ ଖବର 24 ଫେବୃଆରୀ 2018ରେ ଲୋକଙ୍କ ସାମ୍ନାରେ ଆସିଲା, ସେହି ସମୟରେ ସମଗ୍ର ଦେଶ ସ୍ତବ୍ଧ ହୋଇଯାଇଥିଲା । ପ୍ରଶଂସକ ଏବଂ ବଲିଉଡ ଇଣ୍ଡଷ୍ଟ୍ରି ପାଇଁ ଏହା ଏକ ଖରାପ ଖବର ହୋଇଥିବାବେଳେ ଶ୍ରୀଦେବୀଙ୍କ ପରିବାର ପାଇଁ ଏହା ସବୁଠାରୁ ଦୁଃଖଦ ସତ୍ୟ ଥିଲା, ଯାହାଙ୍କ ସହ ସେ ନିଜର ପୂରା ଜୀବନ ବିତାଇବାକୁ ଥିଲା । ସବୁଠୁ ଗଭୀର ଆଘାତକୁ ଦୁଇ ଝିଅ ଅଭିନେତ୍ରୀ ଖୁସୀ କପୁର, ଜାହ୍ନବୀ କପୁର ଏବଂ ତାଙ୍କ ସ୍ୱାମୀ ବୋନି କପୁରଙ୍କୁ ଲାଗିଥିଲା ।
