ହାଇଦ୍ରାବାଦ: ମଡେଲିଂରୁ କ୍ୟାରିଅର ଆରମ୍ଭ କରିଥିବା ଅଭିନେତା ସିଦ୍ଧାର୍ଥ ମଲହୋତ୍ରା ଆଜି ବଲିଉଡର ଟପ୍ ଅଭିନେତାଙ୍କ ମଧ୍ୟରେ ଅନ୍ୟତମ । ଆଜି ଜାନୁଆରୀ ୧୬ରେ ଏହି ହ୍ୟାଣ୍ଡସମ ହଙ୍କ୍ ଅଭିନେତା ନିଜ ୩୯ତମ ଜନ୍ମଦିନ ପାଳନ କରୁଛନ୍ତି । ଏହି ବିଶେଷ ଦିନରେ ଅଭିନେତାଙ୍କ ପତ୍ନୀ ତଥା ବଲିଉଡ ଅଭିନେତ୍ରୀ କିଆରା ଆଡଭାନୀ ସ୍ବାମୀଙ୍କୁ ରୋମାଣ୍ଟିକ ଅନ୍ଦାଜରେ ଜନ୍ମଦିନ ଶୁଭେଚ୍ଛା ଜଣାଇଛନ୍ତି । ତେବେ ବିବାହ ପରେ ଅଭିନେତା ନିଜ ପତ୍ନୀ କିଆରାଙ୍କ ସହ ତାଙ୍କ ପ୍ରଥମ ଜନ୍ମଦିନ ପାଳନ କରିଛନ୍ତି ।
କିଆରା ନିଜ ଇନଷ୍ଟାଗ୍ରାମ ଷ୍ଟୋରୀରେ ଅନେକ ଭିଡିଓ ସେୟାର କରିଛନ୍ତି । ଯେଉଁଥିରେ ସେ କ୍ୟାପସନରେ ଲେଖିଛନ୍ତି, ଜନ୍ମଦିନ ଶୁଭେଚ୍ଛା ମୋ ଲଭ୍ । ଭିଡିଓରେ କିଆରା ସିଦ୍ଧାର୍ଥଙ୍କୁ ଆଲିଙ୍ଗନ କରିବା ସହ ଉଭୟ ଲିପଲକ କରୁଥିବା ଦେଖିବାକୁ ମିଳିଛି । ସେ ଆଉ ଗୋଟିଏ ଭିଡିଓ ମଧ୍ୟ ସେୟାର କରିଛନ୍ତି । ଯେଉଁଥିରେ ସିଦ୍ଧାର୍ଥଙ୍କ ବର୍ଥ ଡେ କେକ ଦେଖିବାକୁ ମିଳିଛି । ଏଥିରେ ସିଦ୍ଧାର୍ଥ ରିଲ ଲାଇଫର ଏକ ରିଲ ଯୋଡା ଯାଇଛି । ଏହି ସମୟରେ ଫ୍ୟାନ୍ସ ଏବଂ ସେଲିବ୍ରିଟିମାନେ ମଧ୍ୟ ସିଦ୍ଧାର୍ଥଙ୍କୁ ଜନ୍ମଦିନ ଶୁଭେଚ୍ଛା ଜଣାଇଛନ୍ତି ।
କହିରଖୁଛୁ କି, ସିଦ୍ଧାର୍ଥ ଗତକାଲି ବିଳମ୍ବିତ ରାତିରେ ନିଜ ୩୯ତମ ଜନ୍ମଦିନ ପାଳନ କରିଛନ୍ତି । ପରିବାର ସମେତ ସାଙ୍ଗସାଥୀଙ୍କ ସହ ଅଭିନେତା ନିଜ ଜନ୍ମଦିନ ପାଳନ କରିଛନ୍ତି । ଏହି ସମୟରେ କିଆରାଙ୍କ ମାତାପିତା ମଧ୍ୟ ଏହି ଜନ୍ମଦିନ ପାର୍ଟିରେ ସାମିଲ ହୋଇଥିଲେ । ସେହିପରି ଅଭିନେତାଙ୍କୁ ବଲିଉଡରେ ପ୍ରଥମ ବ୍ରେକ ଦେଇଥିବା ନିର୍ମାତା କରଣ ଜୋହର ମଧ୍ୟ ସିଦ୍ଧାର୍ଥଙ୍କ ଜନ୍ମଦିନ ପାର୍ଟିରେ ସାମିଲ ହୋଇଥିଲେ ।
ଏହା ମଧ୍ୟ ପଢନ୍ତୁ: ବିବାହ ପାଇଁ କିଆରାଙ୍କୁ ଏମିତି ପ୍ରପୋଜ କରିଥିଲେ ସିଦ୍ଧାର୍ଥ ମଲହୋତ୍ରା
ସିଦ୍ଧାର୍ଥଙ୍କ ୱାର୍କପ୍ରଣ୍ଟ କଥା କହିବାକୁ ଗଲେ, ରୋହିତ ଶେଟ୍ଟୀଙ୍କ ନିର୍ଦ୍ଦେଶିତ ଆକ୍ସନ୍ କପ ୱେବ୍ ସିରିଜ୍ 'ଇଣ୍ଡିଆନ୍ ପୋଲିସ୍ ଫୋର୍ସ'ରେ ନଜର ଆସିବେ । ଏହା ଜାନୁଆରୀ ୧୯ରେ ଆମାଜନରେ ମୁକ୍ତିଲାଭ କରିବ। ଏହି ଫିଲ୍ମରେ ତାଙ୍କ ସହ ଶିଳ୍ପା ଶେଟ୍ଟୀ, ବିବେକ ଅବରୋଏଙ୍କ ସମେତ ଅନେକ ତାରକା ନଜର ଆସିବେ । ଏହା ସହିତ ସେ ଆକ୍ସନ୍-ଥ୍ରୀଲର ଫିଲ୍ମ ଯୋଦ୍ଧାରେ ମଧ୍ୟ ନଜର ଆସିବେ ।ଏହି ଚଳଚ୍ଚିତ୍ରରେ ଦିଶା ପାଟାନି ଏବଂ ରାଶି ଖାନ୍ନା ପ୍ରଥମ ଥର ପାଇଁ ସିଦ୍ଧାର୍ଥ ମଲହୋତ୍ରାଙ୍କ ସହ ସ୍କ୍ରିନ୍ ସେୟାର୍ କରିବେ । ଏଥିସହ ଫିଲ୍ମରେ ସୁନୀଲ ସେଚ୍ଚୀଙ୍କୁ ମଧ୍ୟ ଦେଖିବାକୁ ମିଳିବ । ୨୦୨୪ ୧୫ ମାର୍ଚ୍ଚରେ ସିନେମା ହଲରେ ରିଲିଜ ହେବ ଯୋଦ୍ଧା ।
