ମୁମ୍ବାଇ: ବଲିଉଡ୍ର ଖଳନାୟକ ଶକ୍ତି କପୁରଙ୍କ ଝିଅ ତଥା ଚୁଲବୁଲି ଅଭିନେତ୍ରୀ ଶ୍ରଦ୍ଧା କପୁର ସୋସିଆଲ ମିଡିଆର ଖୁବ ସକ୍ରିୟ ରୁହନ୍ତି । ଅନେକ ସମୟରେ ପ୍ରଶଂସକଙ୍କ ସହ ତାଙ୍କର ଅନେକ ସୁନ୍ଦର ଭିଡିଓ ସେୟାର କରନ୍ତି ।ତାଙ୍କର ସୁନ୍ଦର ଅଭିନୟ ପାଇଁ ହଜାର ହଜାର ଲୋକଙ୍କ ହୃଦୟରେ ରାଜ୍ କରନ୍ତି । ତାଙ୍କ ଫ୍ୟାନ୍ସ ଫଲୋର୍ସ ସଂଖ୍ୟା ମଧ୍ୟ ଖୁବ୍ ଅଧିକ । ଏହି ସମୟରେ ଗତକାଲି ଶ୍ରଦ୍ଧା କପୁର ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଏକ ସୁନ୍ଦର ଓ ମଜାଳିଆ ଭିଡିଓ ସେୟାର କରିଛନ୍ତି ଶ୍ରଦ୍ଧା ତାଙ୍କର ପୋଷ୍ଟରେ ମାଙ୍କଡକୁ କହିଛନ୍ତି ଯେ, ତୁମେ ମୋର ଜଳଖିଆ ଚୋରି କରିଛ, କିନ୍ତୁ ଅନ୍ୟ କିଛି ଚୋରି କରନାହିଁ ।
ସୂଚନା ଥାଉକି, ଶ୍ରଦ୍ଧା ତାଙ୍କ ଇନଷ୍ଟାଗ୍ରାମ ଆକାଉଣ୍ଟର ଷ୍ଟୋରୀରେ ଏକ ମଜାଦାର ଭିଡିଓ ସେୟାର କରିଛନ୍ତି । ଯେଉଁଥିରେ ଏକ ମାଙ୍କଡ଼ ଶ୍ରଦ୍ଧାଙ୍କ ଜଳଖିଆ ନେଇ ଦୌଡ଼ି ପଳାଉଥିବା ଦେଖିବାକୁ ମିଳିଛି । ଶ୍ରଦ୍ଧା ଏହି ଭିଡିଓକୁ 'ଚୁରା ଲିଆ ହେ ତୁମନେ ଜୋ ଦିଲ କୋ' ଗୀତ ସହ ସେୟାର କରିଛନ୍ତି ଏବଂ କ୍ୟାପସନରେ ଲେଖିଛନ୍ତି, 'ତୁମେ ମୋର ଜଳଖିଆ ଚୋରି କରିଛ, କିନ୍ତୁ ଅନ୍ୟ କିଛି ଚୋରି କରନାହିଁ' । କ୍ୟାପସନ୍ ସହିତ ଶ୍ରଦ୍ଧା ରାଗିବାର ଏବଂ ହସ ଇମୋଜି ମଧ୍ୟ ପୋଷ୍ଟ କରିଥିଲେ । ଶ୍ରଦ୍ଧାଙ୍କ ଏହି ପୋଷ୍ଟ ଆପଣଙ୍କୁ ହସାଇବା ପାଇଁ ବାଧ୍ୟ କରାଇବ ।
ଏହା ମଧ୍ୟ ପଢନ୍ତୁୃ-ବକ୍ସ ଅଫିସ କଲେକ୍ସନର ପ୍ରଥମ ଦିନରେ ରେକର୍ଡ ଭାଙ୍ଗିବ ଆନିମଲ !
ଏହା ମଧ୍ୟ ପଢନ୍ତୁ-ଫିଲ୍ମ 'କଡକ ସିଂ'କୁ ସ୍ପେଶାଲ ପ୍ରୋଜେକ୍ଟ କହିଲେ ଅଭିନେତା ପଙ୍କଜ ତ୍ରିପାଠୀ
ଶ୍ରଦ୍ଧା ଗୃହପାଳିତ ପଶୁଙ୍କୁ ଭଲ ପାଆନ୍ତି । ସେ ପ୍ରାୟତଃ ନିଜର ପୋଷା କୁକୁର ସହିତ ଫଟୋ ସେୟାର କରନ୍ତି । ଶ୍ରଦ୍ଧାଙ୍କ ଓ୍ବାର୍କଫର୍ଣ୍ଟ କଥା କହିବାକୁ ଗଲେ, ସେ ଶେଷଥର ପାଇଁ ନିର୍ଦ୍ଦେଶକ ଲବ୍ ରଞ୍ଜନଙ୍କ ରୋମାଣ୍ଟକ କମେଡି ଫିଲ୍ମ 'ତୁ ଝୁଟି ମେ ମକାର' ରେ ରଣବୀର କପୁରଙ୍କ ସହ ନଜର ଆସିଥିଲେ । ଆଗକୁ ଆସିବାକୁ ଯାଉଛି ଶ୍ରଦ୍ଧାଙ୍କ ହରର୍ କମେଡି ଫିଲ୍ମ 'ସ୍ତ୍ରୀ-୨' । ଏହି ଫିଲ୍ମରେ ଶ୍ରଦ୍ଧାଙ୍କ ସହିତ ରାଜକୁମାର ରାଓ ଓ ପଙ୍କଜ ତ୍ରିପାଠୀ ରହିଛନ୍ତି । 2018ରେ ମୁକ୍ତିଲାଭ କରିଥିବା ଅମର କୌଶିକଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ରଟି 'ସ୍ତ୍ରୀ' ସିକ୍ବେଲ୍ ଅଟେ ।
