ହାଇଦ୍ରାବାଦ: ପଠାନ ତାରକା ଶାହାରୁଖ ଖାନ ତାଙ୍କର ଆଗାମୀ ଫିଲ୍ମ ଡଙ୍କିର ସୁଟିଂ ପାଇଁ କାଶ୍ମୀରରେ ଅଛନ୍ତି । ଏହି ସ୍ଥାନ ସହ ଶାହାରୁଖଙ୍କ ଏକ ବିଶେଷ ସମୟ ବିତାଇଥିବାରୁ କାଶ୍ମୀରରେ ସୁପରଷ୍ଟାରଙ୍କୁ ଦେଖି ପ୍ରଶଂସକମାନେ ବହୁତ ଖୁସି ହୋଇଥିଲେ । 11 ବର୍ଷର ବ୍ୟବଧାନ ପରେ ସେ କାଶ୍ମୀର ଆସିଥିବାରୁ କିଙ୍ଗଖାନଙ୍କୁ ଫ୍ୟାନ୍ସ ଭବ୍ୟ ସ୍ବାଗତ କରିଥିଲେ । ବର୍ତ୍ତମାନ ସୁପରଷ୍ଟାରଙ୍କ ଏହି ଭିଡିଓ ସୋସିଆଲ ମିଡିଆରେ ବେଶ ଭାଇରାଲ୍ ହୋବାରେ ଲାଗିଛି ।
ଭାଇରାଲ ଭିଡିଓରେ କିଙ୍ଗ୍ ଖାନଙ୍କୁ ସୋନମର୍ଗ ହୋଟେଲରେ ସୁନ୍ଦର ଶୈଳୀରେ ଅଭିବାଦନ କରାଯାଉଥିବା ଦେଖିବାକୁ ମିଳିଛି । ଏହି ସମୟରେ ଶାହାରୁଖଙ୍କୁ ବ୍ଲାକ୍ ଆଉଟଫିଟ୍ରେ ନଜର ଆସିଥିଲେ । ତାଙ୍କର ଏକ କର୍ମଚାରୀ ଏକ ସୁନ୍ଦର ଫୁଲତୋଡ଼ା ଧରିଥିବା ଦେଖା ଯାଇଛି । ଏଥିସହ ଏହି ଅଭିନେତା ତାଙ୍କ ମ୍ୟାନେଜର ପୂଜା ଦଦଲାନୀଙ୍କ ସହ ନଜର ଆସିଛନ୍ତି । ଶାହାରୁଖ କାଶ୍ମୀରରେ ରାଜକୁମାର ହିରାନୀଙ୍କ ଫିଲ୍ମ ଡଙ୍କିର ସୁଟିଂ କରିବେ । ଏହି ଫିଲ୍ମରେ ଅଭିନେତ୍ରୀ ତାପସୀ ପନ୍ନୁ ଶାହାରୁଖଙ୍କ ବିପକ୍ଷରେ ନଜର ଆସିବେ ।
ଶାହାରୁଖ ଏହି ସମୟରେ ଏହି ସ୍ଥାନର ଏକ ବିଶେଷ ସ୍ମୃତିକୁ ମନେ ପକାଇ କହିଛନ୍ତି ଯେ ସେ ପ୍ରାୟ 11 ବର୍ଷ ପୂର୍ବେ କାଶ୍ମୀରରେ ତାଙ୍କ ଫିଲ୍ମ ଜବ୍ ତକ୍ ହେ ଜାନର ସୁଟିଂ ଏଠାକୁ ଆସିଥିଲେ । ଯାହାକି ନିର୍ଦ୍ଦେଶକ ୟଶ ଚୋପ୍ରାଙ୍କ ଶେଷ ସିନେମା ଥିଲା । ଏହାପରେ କାଶ୍ମୀର ଗସ୍ତ ଏକ ଦଶନ୍ଧିରୁ ଅଧିକ ସମୟ ପରେ ସେ ପୁଣି ଏଠାକୁ ଆସିଛି । ତେବେ ଶାହାରୁଖଙ୍କ କାଶ୍ମୀର ଗସ୍ତର ଏହି ଭିଡିଓ ଏବେ ଭାଇରାଲ ହେଉଛି । ଯାହାକୁ ଫ୍ୟାନ୍ସ ଲାଇକ୍ କରିବା ସହ କମେଣ୍ଟ ବର୍ଷା କରିଛନ୍ତି । ଫ୍ୟାନ୍ସମାନେ ତାଙ୍କ ପ୍ରିୟ ଅଭିନେତାଙ୍କ ପାଇଁ ଭଲପାଇବା ଦେଖାଇ ଫାୟାର ଏବଂ ଲାଲ୍ ହାର୍ଟ ଇମୋଜି ସେୟାର କରିଛନ୍ତି । ଏଥିସହ ଫିଲ୍ମ ଡଙ୍କି ପାଇଁ ଶୁଭକାମନା ଜଣାଇଛନ୍ତି ।
ସୂଚନା ଥାଉ କି, ନିକଟରେ ରିଲିଜ କରିଥିବା 'ପଠାନ' ଫିଲ୍ମ ବେଶ ଲୋକପ୍ରିୟତା ହାସଲ କରିବା ସହ ବକ୍ସ ଅଫିସରେ ରେକର୍ଡ ସୃଷ୍ଟି କରିଥିଲା । ଫିଲ୍ମ ପଠାନରେ ବଲିଉଡ ମସ୍ତାନୀ ଦୀପିକା ପାଦୁକୋନ ଶାହାରୁଖଙ୍କ ବିପକ୍ଷରେ ନଜର ଆସିଥିଲେ । ଫିଲ୍ମ ପଠାନ ସହ ଶାହାରୁଖ 4 ବର୍ଷ ପରେ ବଡ଼ ପରଦାକୁ ଫେରିଥିଲେ । ଯାହା ବକ୍ସ ଅଫିସରେ ହିଟ୍ ହୋଇଥିଲା । ତେବେ ପଠାନର ସଫଳତା ପରେ ପ୍ରଶଂସକମାନେ ତାଙ୍କୁ ଅଟଲିଙ୍କ ଜବାନ୍ ଏବଂ ରାଜକୁମାର ହିରାନୀଙ୍କ ଡଙ୍କିରେ ଦେଖିବା ପାଇଁ ଉତ୍ସାହର ସହିତ ଅପେକ୍ଷା କରିଛନ୍ତି । ଉଭୟ ନିର୍ଦ୍ଦେଶକଙ୍କ ସହ ଶାହାରୁଖଙ୍କ ଏହା ପ୍ରଥମ ଫିଲ୍ମ ଅଟେ ।
