ହାଇଦ୍ରାବାଦ: ଚଳିତ ବର୍ଷ ସଲମାନ ଖାନ, ପ୍ରଭାସଙ୍କ ଭଳି ଅନେକ ସୁପରଷ୍ଟାରଙ୍କ ଫିଲ୍ମ ରିଲିଜ ହୋଇଛି । ଏହି ଫିଲ୍ମଗୁଡିକ ବିଗ୍ ବଜେଟରେ ବି ନିର୍ମିତ ହୋଇଛି । ସଲମାନ ଖାନଙ୍କ ଫିଲ୍ମ କିସି କା ଭାଇ କିସି କି ଜାନ, ପ୍ରଭାସଙ୍କ ଫିଲ୍ମ ଆଦିପୁରୁଷ, କାର୍ତ୍ତିକ ଆର୍ଯ୍ୟନଙ୍କ ଶେହଜାଦା, ଅକ୍ଷୟ କୁମାରଙ୍କ ସେଲ୍ଫି ଭଳି ଅନେକ ଫିଲ୍ମ ବକ୍ସ ଅଫିସରେ ରିଲିଜ କରିଥିଲା । ହେଲେ ଏହି ଫିଲ୍ମଗୁଡିକ ଦର୍ଶକଙ୍କୁ ଆକୃଷ୍ଟ କରିବାରେ ବିଫଳ ହୋଇଛି । ହାଇ ବଜେଟ୍ ସହ ନାମୀଦାମୀ ତାରକା ହେବା ସତ୍ତ୍ବେ ଫିଲ୍ମଗୁଡିକ ସୁପର୍ ଫ୍ଲପ୍ ପ୍ରମାଣିତ ହୋଇଛି ।
- " class="align-text-top noRightClick twitterSection" data="">
ଓମ ରାଉତ୍ଙ୍କ ନିର୍ଦ୍ଦେଶିତ ଆଦିପୁରୁଷ ଚଳଚ୍ଚିତ୍ର ରାମାୟଣ ଉପରେ ଆଧାରିତ ଥିଲା । ଏହି ଚଳଚ୍ଚିତ୍ରର ବଜେଟ୍ ପ୍ରାୟ 700 କୋଟି ଥିଲା । ପ୍ରଭାସ କ୍ରିତି ସାନନଙ୍କ ସହ ସୈଫ ଅଲି ଖାନ ଭଳି ଷ୍ଟାର ଏହି ଫିଲ୍ମରେ ଅଭିନୟ କରିଥିଲେ । ଏହି ଫିଲ୍ମ 16 ଜୁନ୍ରେ ବଡ଼ ପରଦାରେ ମୁକ୍ତିଲାଭ କରିଥିଲା । ପ୍ରଥମ ଦିନରେ ଫିଲ୍ମଟି 86.75 କୋଟି ରୋଜଗାର କରିଥିଲା । ପରେ ବିବାଦୀୟ ସଂଳାପ ଏବଂ ଖରାପ VFX ଯୋଗୁଁ ଚଳଚ୍ଚିତ୍ରକୁ ଅନେକ ସମାଲୋଚନାର ସମ୍ମୁଖୀନ ହେବାକୁ ପଡ଼ିଲା। ଏହି ଫିଲ୍ମ ବକ୍ସ ଅଫିସରେ ମାତ୍ର 300 କୋଟି ରୋଜଗାର କରିବାରେ ସକ୍ଷମ ହୋଇଥିଲା । ଯାହା ଏକପ୍ରକାର ଫ୍ଲପ୍ ବୋଲି ପ୍ରମାଣିତ ହେଲା । ବର୍ତ୍ତମାନ ଏହି ଚଳଚ୍ଚିତ୍ରଟି ତାମିଲ, ମାଲାୟାଲମ୍, ତେଲୁଗୁ, ହିନ୍ଦୀ ଏବଂ ଅନ୍ୟାନ୍ୟ ଭାଷାରେ OTT ପ୍ଲାଟଫର୍ମରେ ରିଲିଜ ହୋଇଛି ।
- " class="align-text-top noRightClick twitterSection" data="">
ସେହିପରି 'କିସି କା ଭାଇ କିସି କି ଜାନ୍' ଫରହାଦ୍ ସାମଜୀଙ୍କ ନିର୍ଦ୍ଦେଶିତ ତାମିଲ ଚଳଚ୍ଚିତ୍ର ଭୀରମର ରିମେକ୍ ଅଟେ । ସଲମାନ ଖାନଙ୍କ ଏହି ଫିଲ୍ମ 21 ଏପ୍ରିଲରେ ଇଦ୍ ଅବସରରେ ରିଲିଜ କରିଥିଲା । ସଲମାନ ଖାନ, ପୂଜା ହେଗଡେ, ଭୂମିକା ଚାୱଲା, ଭେଙ୍କଟେଶ ଭଳି ତାରକା ଏହି ଫିଲ୍ମରେ କାମ କରିଥିଲେ । ସଲମାନ ଖାନଙ୍କ ଏହି ଆକ୍ସନ୍ ଫିଲ୍ମର ପୁରା ବଜେଟ୍ 132.5 କୋଟିର ଥିଲା । ଏହି ଫିଲ୍ମ ଭଲ ପ୍ରଦର୍ଶନ କରିବାରେ ବିଫଳ ହେଲା । ଏବଂ ଚଳଚ୍ଚିତ୍ରର ମୋଟ ରୋଜଗାର ପ୍ରାୟ 175.25 କୋଟି ପାଖାପାଖି ରହିଥିଲା ।
- " class="align-text-top noRightClick twitterSection" data="">
ଅକ୍ଷୟ କୁମାର ଏବଂ ଇମ୍ରାନ ହାସମିଙ୍କ ଫିଲ୍ମ 'ସେଲଫି' ଚଳଚ୍ଚିତ୍ର ମଧ୍ୟ ଏଥିରେ ସାମିଲ। ଯେଉଁଥିରେ ଉଭୟ ତାରକା ଏକାଠି ନଜର ଆସିଥିଲେ । ଫେବୃଆରୀରେ ମୁକ୍ତିଲାଭ କରିଥିବା ଏହି ଚଳଚ୍ଚିତ୍ରର ପ୍ରଥମ ଦିନର ଆୟ ମାତ୍ର 2 କୋଟି ଟଙ୍କା ଥିଲା । ଏହି ଚଳଚ୍ଚିତ୍ରର ପୁରା କଲେକ୍ସନ୍ 19 କୋଟିରେ ଅଟକି ଯାଇଥିଲା । ସେହିପରି କାର୍ତ୍ତିକ ଆର୍ଯ୍ୟନଙ୍କ ଶେହଜାଦା ଚଳଚ୍ଚିତ୍ର ସାଉଥ ଚଳଚ୍ଚିତ୍ର ବୈକୁଣ୍ଠପୁର୍ମୁଲୁର ରିମେକ୍ ଥିଲା । ଏହି ଚଳଚ୍ଚିତ୍ରର ମୁଖ୍ୟ ଭୂମିକାରେ ଅଲ୍ଲୁ ଅର୍ଜୁନ, ପୂଜା ହେଗଡେ ଥିଲେ। ଏବଂ ଏହାର ହିନ୍ଦୀ ରିମେକ୍ ଶେହଜାଦାରେ କାର୍ତ୍ତିକ ଆର୍ଯ୍ୟନ ଏବଂ କ୍ରିତି ସାନନ ନଜର ଆସିଥିଲେ। ହେଲେ ସାଉଥ ଫିଲ୍ମ ଭଳି ଏହାର ଯାଦୁ ଚାଲିପାରିଲା ନାହିଁ । ଶେହଜାଦା ଚଳଚ୍ଚିତ୍ର 65 କୋଟି ଟଙ୍କା ବଜେଟରେ ନିର୍ମିତ ଏହି ଫିଲ୍ମଟି ବକ୍ସ ଅଫିସରେ ମାତ୍ର 37.8 କୋଟି ଟଙ୍କା ରୋଜଗାର କରିଥିଲା ।
- " class="align-text-top noRightClick twitterSection" data="">
ଏହା ମଧ୍ୟ ପଢନ୍ତୁ: ଦୁଇ ଦଶନ୍ଧୀରେ ବଲିଉଡ ଏହି 9 ଫିଲ୍ମ ପାର୍ କରିଛି 300 କୋଟି, ସବୁଠୁ ଆଗରେ କିଏ ଜାଣନ୍ତୁ
ଅନ୍ୟପଟେ ବିଶାଲ ଭରଦ୍ୱାଜଙ୍କ ପୁଅ ଆସମାନ ଭରଦ୍ୱାଜଙ୍କ ନିର୍ଦ୍ଦେଶିତ ଏବଂ ଅର୍ଜୁନ କପୁରଙ୍କ ଅଭିନୀତ ଫିଲ୍ମ 'କୁତେ' ମାତ୍ର 8 କୋଟି ଟଙ୍କା ଆୟ କରିଛି । ଚଳଚ୍ଚିତ୍ରର ପୁରା ବଜେଟ୍ ଥିଲା 50 କୋଟି । କିନ୍ତୁ ବକ୍ସ ଅଫିସରେ ଏହା କମାଲ କରି ପାରିନଥିଲା । ସେପଟେ ରାଜକୁମାର ରାଓଙ୍କ 'ଭିଡ' ମଧ୍ୟ ପରଦାରେ ଫ୍ଲପ୍ ଫିଲ୍ମ ତାଲିକାରେ ଅନ୍ତର୍ଭୁକ୍ତ । ଏହି ଚଳଚ୍ଚିତ୍ରରେ ରାଜକୁମାର ରାଓ, ଭୂମି ପେଡ୍ନେକର, ଦିଆ ମିର୍ଜା ମୁଖ୍ୟ ଭୂମିକାରେ ଅଭିନୟ କରିଥିଲେ । ଚଳଚ୍ଚିତ୍ର ଭିଡ଼ କୋରୋନା ସମୟର ଭୟାନକ ଦୃଶ୍ୟ ବର୍ଣ୍ଣନା କରିଛି । ଏହି ଚଳଚ୍ଚିତ୍ରଟି ମାତ୍ର 2 କୋଟି ଟଙ୍କା ରୋଜଗାର କରିଛି ।
