ହାଇଦ୍ରାବାଦ: ଆନିମଲ ଫିଲ୍ମକୁ ନେଇ ଏବେ ଚାରିଆଡେ ଚର୍ଚ୍ଚା । କମ୍ ସମୟ ପାଇଁ ଅଭିନୟ କରିଥିଲେ ବି ଅଭିନେତ୍ରୀ ତ୍ରିପ୍ତୀ ଡିମ୍ରିଙ୍କ ଚର୍ଚ୍ଚା ଜୋର ଧରିଛି । 'ଆନିମଲ'ରେ ରଣବୀର କପୁରଙ୍କ ସହ ଇଣ୍ଟିମେଟ ସିନ ଦେଇ ଦର୍ଶକଙ୍କ ଦୃଷ୍ଟି ଆକର୍ଷଣ କରିଛନ୍ତି । ଏଥିପାଇଁ ସେ ଏବେ ବେଶ ଚର୍ଚ୍ଚାରେ ରହିଥିବା ବେଳେ ତାଙ୍କୁ ନୂଆ 'ନ୍ୟାସନାଲ କ୍ରସ୍ ଅଫ୍ ଇଣ୍ଡିଆ' ବୋଲି କୁହାଯାଉଛି । ରିପୋର୍ଟ ଅନୁସାରେ, ଏହି ସମୟରେ ବର୍ତ୍ତମାନ ତ୍ରିପ୍ତୀଙ୍କ ବିଷୟରେ ଏକ ଖବର ସାମ୍ନାକୁ ଆସିଛି । ବଲିଉଡ ପରେ ଏବେ ତ୍ରିପ୍ତୀ ଟଲିଉଡରେ ଜଲୱା ଦେଖାଇବାକୁ ଯାଉଛନ୍ତି ।
ଗଣମାଧ୍ୟମ ରିପୋର୍ଟ ଅନୁସାରେ, ଦିଲ ରାଜୁଙ୍କ ଦ୍ୱାରା ନିର୍ମିତ ଅନିଲ ରବିପୁଡିଙ୍କ ଆଗାମୀ ଚଳଚ୍ଚିତ୍ରରେ ତ୍ରିପ୍ତୀ ନଜର ଆସିବେ । ତାଙ୍କୁ ଏହି ଫିଲ୍ମରେ 'ମାସ ମହାରାଜା' ରବି ତେଜାଙ୍କ ବିପକ୍ଷରେ ଦେଖିବାକୁ ମିଳିବ ବୋଲି ଚର୍ଚ୍ଚା ହେଉଛି । ଏହି ଫିଲ୍ମ ସହ ସେ ଟଲିଉଡରେ ଡେବ୍ୟୁ କରିବାକୁ ଯାଉଥିବା ସୂଚନା ମିଳିଛି । ତେବେ ଏ ପର୍ଯ୍ୟନ୍ତ ଏ ବିଷୟରେ କୌଣସି ଅଫିସିଆଲ୍ ଘୋଷଣା ହୋଇନାହିଁ । ଯଦି ଏହି ରୁମର ଖବର ସତ ହୁଏ ତେବେ ଏହା ନିଶ୍ଚିତ ଭାବରେ ତ୍ରିପ୍ତୀଙ୍କ ପାଇଁ ଏକ ଉତ୍ତମ ସୁଯୋଗ ହୋଇପାରେ ।
'ଆନିମଲ'ରେ ଏହି ଭୂମିକାରେ ଅଭିନୟ କରିଥିଲେ ତ୍ରିପ୍ତୀ
ତ୍ରିପ୍ତୀ ଡିମ୍ରି ଆନିମଲ ଫିଲ୍ମରେ ଜୋୟା ନାମକ ଏକ ଝିଅର ଏକ ଛୋଟ ଭୂମିକାରେ ଅଭିନୟ କରିଛନ୍ତି । ଫିଲ୍ମରେ ଏହା ଦର୍ଶାଯାଇଛି ଯେ ରଣବୀର କପୁର ବିବାହିତ ଥିଲେ ମଧ୍ୟ ଜୋୟାଙ୍କ ସହ ସମ୍ପର୍କ ଗଢିଥିଲେ । ଫଳରେ ଉଭୟଙ୍କ ମଧ୍ୟରେ ଘନିଷ୍ଠତା ବଢିଥିଲା । ଫିଲ୍ମରେ ଉଭୟଙ୍କ ଇଣ୍ଟିମେଟ ସିନ ଦେଖିବାକୁ ମିଳିଥିଲା । ଅଭିନେତ୍ରୀଙ୍କ ଏହି ଅଭିନୟ ଇଣ୍ଟରନେଟରେ ନିଆଁ ଲଗାଇବା ସହ ଅଭିନେତ୍ରୀଙ୍କୁ ଲାଇମଲାଇଟକୁ ଆଣିଛି ।
ତ୍ରିପ୍ତୀ ଡିମ୍ରି କିଏ?
ଫେବୃଆରୀ 23, 1994ରେ ଉତ୍ତରାଖଣ୍ଡରେ ଜନ୍ମ ହୋଇଛନ୍ତି ତ୍ରିପ୍ତୀ ଡିମ୍ରି । ଏହି ଅଭିନେତ୍ରୀ ଦୀର୍ଘ ଦିନ ଧରି ବଲିଉଡ ସହ ଜଡିତ ଥିଲେ । ତ୍ରିପ୍ତୀ ଡିମ୍ରିଙ୍କ ବଲିଉଡ ଡେବ୍ୟୁ ବିଷୟରେ କହିବାକୁ ଗଲେ, ସେ ଫିଲ୍ମ ପୋଷ୍ଟର ବୟସ୍ (2017)ରେ କରିଥିଲେ । ଆନିମଲ ପରି ବବି ଦେଓଲ ଏହି ଫିଲ୍ମରେ ତାଙ୍କ ସହ ନଜର ଆସିଥିଲେ । ଏହା ପରେ ସେ 'ବୁଲବୁଲ' ଫିଲ୍ମ ସହ ଓଟିଟିରେ ନଜର ଆସିଥିଲେ । ଏହି ଫିଲ୍ମ ନେଟଫ୍ଲିକ୍ସରେ ଷ୍ଟ୍ରିମିଂ ହୋଇଥିଲା । ଏହା ବ୍ୟତୀତ ତ୍ରିପ୍ତୀ ନିକଟରେ ଫିଲ୍ମ 'କଳା' ପାଇଁ ଶିରୋନାମାରେ ରହିଥିଲେ ।
ଏହା ମଧ୍ୟ ପଢନ୍ତୁ: ୪୦୦ କୋଟି ପାର୍ କଲା 'ଆନିମଲ', ୫ମ ଦିନରେ ବି ଜଲୱା ଦେଖାଇପାରିଲାନି 'ସାମ ବାହାଦୂର'
'ଆନିମଲ' ଫିଲ୍ମ ବିଷୟରେ କହିବାକୁ ଗଲେ, ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି ସନ୍ଦୀପ ରେଡ୍ଡୀ ଭଙ୍ଗା । ରଣବୀର କପୁରଙ୍କ ବ୍ୟତୀତ ବବି ଦେଓଲ, ସୁରେଶ ଓବରୋଇ, ରଶ୍ମିକା ମନ୍ଦାନା, ଅନିଲ କପୁର, ଶକ୍ତି କପୁରଙ୍କ ସମେତ ଅନେକ କଳାକାର ଏହି ଚଳଚ୍ଚିତ୍ରରେ ନଜର ଆସିଛନ୍ତି । ପ୍ରଥମ ଥର ପାଇଁ ଏହି ସମସ୍ତ ତାରକା ଏକାଠି ଏହି ଫିଲ୍ମରେ ଦେଖିବାକୁ ମିଳିଛି । ରଣବୀର କପୁର ଏବଂ ବବି ଦେଓଲଙ୍କ ଦମଦାର ଆକ୍ସନ ଦର୍ଶକଙ୍କୁ ଆକୃଷ୍ଟ କରିବାରେ ସଫଳ ହୋଇଛି ।
