ହାଇଦ୍ରାବାଦ: ଟଲିଉଡ ଅଭିନେତ୍ରୀ ରଶ୍ମିକା ମନ୍ଦନା ଏବଂ ବିଜୟ ଦେବରକୋଣ୍ଡାଙ୍କ ଡେଟିଂ ଗୁଜବ ଦୀର୍ଘ ଦିନ ଧରି ଚର୍ଚ୍ଚାର ବିଷୟ ପାଲଟିଛି । ନିକଟରେ ସୋସିଆଲ ମିଡିଆରେ ରଶ୍ମିକା ତାଙ୍କ ଜନ୍ମଦିନରେ ଏକ ଧନ୍ୟବାଦ ଭିଡିଓ ସେୟାର କରିଥିଲେ । ଯାହାକୁ ନେଇ ବର୍ତ୍ତମାନ ବିଜୟ ଦେବରକୋଣ୍ଡାଙ୍କୁ ଯୋଡି ରଶ୍ମିକାଙ୍କୁ ଟ୍ରୋଲ କରାଯାଉଥିବା ଦେଖିବାକୁ ମିଳିଛି । ଏନେଇ ରଶ୍ମିକା ପ୍ରତିକ୍ରିୟା ରଖିଛନ୍ତି ।
ନିକଟରେ ଏକ ଗଣମାଧ୍ୟମ ରିପୋର୍ଟରେ ଦର୍ଶାଯାଇଛି ଯେ ବିଜୟଙ୍କ ସହ ରଶ୍ମିକା ମଧ୍ୟ ତାଙ୍କ ଜନ୍ମଦିନ ପାଳନ କରିଛନ୍ତି । ରଶ୍ମିକା ଏବଂ ବିଜୟ ଡେଟିଂ କରୁଛନ୍ତି ଏବଂ ଦୁହେଁ ଏକାଠି ରୁହନ୍ତି । ନିଶ୍ଚିତ ଭାବରେ ଆମେ ଆଗାମୀ ସମୟରେ ରଶ୍ମିକା ମନ୍ଦାନା ଏବଂ ବିଜୟଙ୍କ ବିଷୟରେ ଏକ ଖୁସି ଖବର ଶୁଣିପାରିବା । ତେବେ ଏହି ଟ୍ୱିଟର ଜବାବରେ ରଶ୍ମିକା ମନ୍ଦନା ପ୍ରତିକ୍ରିୟା ଦେଇଥିବା ଦେଖିବାକୁ ମିଳିଛି । ଏବଂ ଲେଖିଛନ୍ତି, 'ଆୟୋ, ଅଧିକ ଭାବ ନାହିଁ ବାବୁ । ଯାହା ଏବେ ବେଶ ଭାଇରାଲ ହେବାରେ ଲାଗିଛି ।
- " class="align-text-top noRightClick twitterSection" data="
">
ସୂଚନା ଥାଉ କି, ଏପ୍ରିଲ 5 (ବୁଧବାର) 27 ବର୍ଷୀୟ ରଶ୍ମିକା ନିଜ ଜନ୍ମଦିନରେ ଇନଷ୍ଟାଗ୍ରାମରେ ଏକ ଭିଡିଓ ପୋଷ୍ଟ କରି ତାଙ୍କ ପ୍ରଶଂସକମାନଙ୍କୁ ଜନ୍ମଦିନର ଶୁଭେଚ୍ଛା ନେଇ ଧନ୍ୟବାଦ ଜଣାଇଥିଲେ । ଭିଡିଓ ଅପଲୋଡ୍ ହେବା ପରେ ରଶ୍ମିକା ଏବଂ ବିଜୟଙ୍କ ସମାନ ପୃଷ୍ଠଭୂମିର ସ୍କ୍ରିନସଟ୍ ସାମ୍ନାକୁ ଆସିଥିଲା । ଯାହାକୁ ନେଇ ଫ୍ୟାନ୍ସ ତାଙ୍କୁ ବିଜୟଙ୍କ ସହ ଯୋଡା ଯାଇ ଟ୍ରୋଲ କରାଯାଇଥିଲା ।
ଅବଶ୍ୟ, ଏହା ପ୍ରଥମ ଘଟଣା ନୁହେଁ ଯେ ରଶ୍ମିକା ଡେଟିଂ ଗୁଜବକୁ ନେଇ ଏପରି ପ୍ରତିକ୍ରିୟା କରିଛନ୍ତି । ଏହାପୂର୍ବରୁ, ରଶ୍ମିକା ଏହି ଗୁଜବକୁ ଖଣ୍ଡନ କରି କହିଥିଲେ, 'ଦେଖ, ବିଜୟ ଏବଂ ମୁଁ ଆମର କ୍ୟାରିୟର ଆରମ୍ଭରେ ଏତେ ପରିଶ୍ରମ କରିଛୁ । ଯେତେବେଳେ ଆମେ ଜାଣୁନାହୁଁ ଇଣ୍ଡଷ୍ଟ୍ରି କିପରି ସେତେବେଳେ ତୁମେ ସମାନ ଚିନ୍ତାଧାରା ବ୍ୟକ୍ତିଙ୍କ ସହ ଏକାଠି କାମ କରିବା ଆରମ୍ଭ କର । ତୁମେ ସାଙ୍ଗ ହେବାକୁ ପସନ୍ଦ କର । ଏପରି ଅନେକ ସାଧାରଣ ବନ୍ଧୁ ହୁଅନ୍ତି ।
ତେବେ ରଶ୍ମିକା ମନ୍ଦାନାଙ୍କ ୱାର୍କଫ୍ରଣ୍ଟ କଥା କହିବାକୁ ଗଲେ, ଆଗାମୀ ଦିନରେ ସେ ହିନ୍ଦୀ ଫିଲ୍ମ ଏନିମୋଲରେ ରଣବୀର କପୁରଙ୍କ ସହ ନଜର ଆସିବାକୁ ଥିବାବେଳେ ତେଲୁଗୁ ଫିଲ୍ମ ପୁଷ୍ପା-2 ଏବଂ ତାମିଲ ଫିଲ୍ମ ରେନବୋରେ ନଜର ଆସିବେ ରଶ୍ମିକା । ଫିଲ୍ମ ରେନବୋରର ପୋଷ୍ଟର ସୋମବାର ସୋସିଆଲ ମିଡିଆରେ ପ୍ରକାଶ କରାଯାଇଥିଲା । ଏହା ଏକ ରୋମାଣ୍ଟିକ ଡ୍ରାମା ଉପରେ ଆଧାରିତ ଫିଲ୍ମ ଅଟେ। ଏଥିସହ ଏପ୍ରିଲ 5 ରଶ୍ମିକାଙ୍କ ନିଜ ଜନ୍ମଦିନରେ ଫିଲ୍ମ ପୁଷ୍ପା-2ରୁ ତାଙ୍କ ଲୁକ ଏବଂ ଟିଜର ରିଲିଜ ହୋଇଥିଲା।
