ମୁମ୍ବାଇ: ଦୀପିକା ପାଦୁକୋନ ଏବଂ ରଣଭୀର ସିଂ ବଲିଉଡର ସବୁଠୁ ଲୋକପ୍ରିୟ ଦମ୍ପତିଙ୍କ ମଧ୍ୟରୁ ଅନ୍ୟତମ । ପ୍ରଶଂସକମାନେ ଉଭୟଙ୍କ ଯୋଡିକୁ ବହୁତ ପସନ୍ଦ କରନ୍ତି । ପ୍ରକାଶ ଥାଉକି, ଗତ ମାସରେ ଉଭୟଙ୍କ ମଧ୍ୟରେ ଝଗଡା ହେବାର ଖବର ସାମ୍ନାକୁ ଆସିଥିଲା । ବର୍ତ୍ତମାନ ଏହି କପଲ ଏକାଠି କ୍ବାଲିଟି ଟାଇମ୍ ବିତାଉଛନ୍ତି । ଶାହାରୁଖ ଖାନଙ୍କ ଜନ୍ମଦିନ ଅବସରରେ ପଠାନଙ୍କ ଟିଜର ମୁକ୍ତିଲାଭ କରିଥିଲା, ଯେଉଁଥିରେ ଦୀପିକା ପାଦୁକୋନ ମୁଖ୍ୟ ଭୂମିକାରେ ଅଭିନୟ କରିଛନ୍ତି । ଗତକାଲି ଏହାର ଟିଜର ରିଲିଜ ହୋଇଥିଲା । ଟିଜରରେ ପ୍ରଶଂସକଙ୍କ ଜବରଦସ୍ତ ପ୍ରତିକ୍ରିୟା ପରେ ବଲିଉଡ ଅଭିନେତ୍ରୀ ତାଙ୍କ ସ୍ୱାମୀ ତଥା ଅଭିନେତା ରଣଭୀର ସିଂଙ୍କ ସହ ବୋଟ ରାଇଡରେ ମଜା କରୁଥିବା ଦେଖିବାକୁ ମିଳିଛି ।
ମଜାଳିଆ ମୁହୂର୍ତ୍ତର ଫଟୋ ଏବଂ ଭିଡିଓ ରଣଭୀର ସିଂ ତାଙ୍କ ଇନଷ୍ଟାଗ୍ରାମ ଷ୍ଟୋରୀରେ ସେୟାର କରିଛନ୍ତି, ଯେଉଁଥିରେ ଦୁହେଁ ଏକାଠି ବୋଟ ରାଇଡରେ ମଜା କରୁଥିବା ଦେଖିବାକୁ ମିଳିଛି । ଏହି ସମୟରେ ଉଭୟ ରଣଭୀର ଏବଂ ଦୀପିକା ଧଳା ଟି-ସାର୍ଟ ପିନ୍ଧିଥିଲେ। ଅଭିନେତ୍ରୀ ତାଙ୍କ ଲୁକ୍କୁ କଳା ଶର୍ଟ ସହିତ ଧଳା ସ୍ନେକର୍ ଏବଂ ଚଷମା ସହିତ ପୂରା କରିଥିଲେ । ଭିଡିଓ ସେୟାର କରିବାବେଳେ ରଣଭୀର କ୍ୟାପସନରେ ଲେଖିଛନ୍ତି- '#Cutie।'
ଏହା ବି ପଢନ୍ତୁ: ଫିଫା ବିଶ୍ୱକପ୍ 2022: ଫାଇନାଲ ମୁକାବିଲାରେ ଧୁମ୍ ମଚାଇବେ ରଣଭୀର ସିଂ
ରଣଭୀର-ଦୀପିକାଙ୍କ ଏହି ଭିଡିଓ ପ୍ରଶଂସକଙ୍କ ମଧ୍ୟରେ ଖୁବ୍ ପସନ୍ଦ ହେଉଛି । ଏହି ଭିଡିଓ ସୋସିଆଲ ମିଡିଆରେ ଦମ୍ପତିଙ୍କ ଫ୍ୟାନ ପେଜରେ ମଧ୍ୟ ସେୟାର କରାଯାଇଛି । ତେବେ ଏହାପୂର୍ବରୁ ଦୀପିକା-ରଣଭୀରଙ୍କ ବିଷୟରେ ଗୁଜବ ଉଠିଥିଲା ଯେ ଦମ୍ପତିଙ୍କ ମଧ୍ୟରେ ସବୁ କିଛି ଭଲ ଚାଲିନାହିଁ । କାରଣ, ଉଭୟ ବି-ଟାଉନ୍ ଦିୱାଲୀ ପାର୍ଟି ଏବଂ ଅନ୍ୟ ପାର୍ଟିଠାରୁ ଦୂରରେ ଥିଲେ । କିନ୍ତୁ, ରଣଭୀରଙ୍କ ଭିଡିଓରୁ ଏହା ସ୍ପଷ୍ଟ ହୋଇଛି ଯେ, ବର୍ତ୍ତମାନ ଦୁହେଁ ଏକାଠି ରୋମାଣ୍ଟିକ ସମୟ ବିତାଉଛନ୍ତି । ତେବେ ଏହି ଦମ୍ପତି ନିଜର ପ୍ରେମ ଭରା ଭିଡିଓ ସୋସିଆଲ ମିଡିଆ ପୋଷ୍ଟ ସହିତ ସମସ୍ତ ଗୁଜବ ଉପରେ ପୂର୍ଣ୍ଣଚ୍ଛେଦ ଟାଣିଛନ୍ତି ।
