ହାଇଦ୍ରାବାଦ: ମେଗା-ବ୍ଲକବଷ୍ଟର ଫିଲ୍ମ RRR ସହ ବିଶ୍ୱରେ ଲୋକପ୍ରିୟ ହାସଲ କରିଥିବା ସାଉଥ ଅଭିନେତା ରାମ ଚରଣ ଆଜିକାଲି ଖୁସିରେ ନିଜ ଜୀବନ ଅତିବାହିତ କରୁଥିବା ଦେଖିବାକୁ ମିଳୁଛି । ପ୍ରଥମତଃ ତାଙ୍କ ଫିଲ୍ମ 'RRR' ଓସ୍କାର ଜିତିଥିଲା ଏବଂ ଦ୍ୱିତୀୟରେ, ସେ ବିବାହର 11 ବର୍ଷ ପରେ ପିତା ହେବାକୁ ଯାଉଛନ୍ତି । ଏହି ଦମ୍ପତି ଏବେ ଦୁବାଇରେ ସମୟ ଅତିବାହିତ କରୁଛନ୍ତି । ସେଠାରେ ପତ୍ନୀ ଉପାସନା କାମିନେନିଙ୍କ ଗୋଦ ଭରାଇର କାର୍ଯ୍ୟକ୍ରମ ଆୟୋଜନ କରାଯାଇଛି । ଏହି କାର୍ଯ୍ୟକ୍ରମର କିଛି ଫଟୋରେ ଏହି ଦମ୍ପତି ସୁନ୍ଦର ଲୁକ୍ରେ ନଜର ଆସିଥିବା ବେଳେ ଏହା ସୋସିଆଲ ମିଡିଆରେ ଖୁବ ଭାଇରାଲେ ହେବାରେ ଲାଗିଛି ।
- " class="align-text-top noRightClick twitterSection" data="
">
ଉପାସନା ନିଜ ଇନଷ୍ଟାଗ୍ରାମରେ ତାଙ୍କ ଗୋଦଭରାଇର ଏକ ଭିଡିଓ କୋଲାଜ୍ ସେୟାର କରିଛନ୍ତି । ଭିଡିଓରେ ରାମଚରଣ ଓ ତାଙ୍କ ପତ୍ନୀ ଏହି କାର୍ଯ୍ୟକ୍ରମକୁ ମନଭରି ଉପଭୋଗ କରୁଥିବା ନଜର ଆସିଛନ୍ତି । ଅନ୍ୟପକ୍ଷରେ, ରାମ ଚରଣ ଏବଂ ଉପାସନା ସମୁଦ୍ର କୂଳରେ ମଧ୍ୟ ସେମାନଙ୍କ ଏକ ରୋମାଣ୍ଟିକ ଫଟୋସୁଟ୍ କରିଛନ୍ତି । ତେବେ ଏହି ଗୋଦ ଭରାଇ କାର୍ଯ୍ୟକ୍ରମରେ ଅନେକ ଘନିଷ୍ଠ ସମ୍ପର୍କୀୟ, ବନ୍ଧୁଙ୍କୁ ଦେଖିବାକୁ ମିଳୁଛି ।
ରାତ୍ରି ସମୟରେ ଏକ ବାର୍ରେ ଗୋଦଭରାଇ ପାର୍ଟିର ଆୟୋଜନ କରାଯାଇଥିବା ଜଣାପଡିଛି । ପାର୍ଟିର ଏହି ଫଟୋଗୁଡିକ ସୋସିଆଲ ମିଡିଆରେ ସେୟାର କରାଯାଇଛି । ଏଥିସହ ରାମ ଚରଣ ଏବଂ ଉପାସନା ନିଜ ଗୋଦଭରାଇ କାର୍ଯ୍ୟକ୍ରମରେ ବହୁତ ଖୁସି ଦେଖାଯାଉଛନ୍ତି । ଏହି ଫଟୋ ସେୟାର ହେବା ପରେ ଫ୍ୟାନ୍ସ ଲାଇକ କରିବା ସହ ଉଭୟଙ୍କୁ ଶୁଭେଚ୍ଛା ଜଣାଇଛନ୍ତି ।
ତେବେ କହି ରଖୁଛୁ କି, ନିକଟରେ ଉପାସନା ତାଙ୍କ ବିଳମ୍ବିତ ଗର୍ଭଧାରଣ ବିଷୟରେ ଏକ ଖୁଲାସା କରିଥିଲେ । ସେ କହିଥିଲେ ଯେ ଯେତେବେଳେ ସେ ପ୍ରସ୍ତୁତ ହେଲେ ସେତେବେଳେ ମାତୃତ୍ୱ ଲାଭ କରିବାକୁ ସ୍ଥିର କରିଥିଲେ, ସମାଜର ଆବଶ୍ୟକତା ଅନୁଯାୟୀ ନୁହେଁ । ତେବେ ତାଙ୍କ କଥାରେ ବହୁତ ଦମ ଥିଲା ବୋଲି କହିଛନ୍ତି ୟୁଜର୍ସ ।
2012 ମସିହାରେ ରାମ ଚରଣ ପତ୍ନୀ ଉପାସନା କାମିନେନି କୋନିଡେଲାଙ୍କୁ ବିବାହ କରିଥିଲେ । ଯାହାଙ୍କର କୌଣସି ଫିଲ୍ମ ପୃଷ୍ଠଭୂମି ନଥିଲା । ବିବାହର 11ବର୍ଷ ପରେ ବର୍ତ୍ତମାନ ଏହି ଦମ୍ପତି ସେମାନଙ୍କର ପ୍ରଥମ ସନ୍ତାନକୁ ସ୍ୱାଗତ କରିବାକୁ ପ୍ରସ୍ତୁତ ହେଉଛନ୍ତି । ନିକଟରେ ଏହି ଦମ୍ପତି ଦୁବାଇ ଯାଇ ସେଠାରେ ଗୋଦ ଭରାଇର ଆୟୋଜନ କରିଛନ୍ତି । ସେଠାରୁ ଦମ୍ପତି ଗୋଦଭରାଇର ସୁନ୍ଦର ଫଟୋ ପ୍ରଶଂସକଙ୍କ ପାଇଁ ସେୟାର କରିଛନ୍ତି ।
ଏସ୍ ଶଙ୍କର ନିର୍ଦ୍ଦେଶିତ ଫିଲ୍ମ 'ଗେମ୍ ଚେଞ୍ଜର'ରେ ରାମଚରଣଙ୍କୁ ଦେଖିବାକୁ ମିଳିବ । ଏହି ଫିଲ୍ମରେ ବଲିଉଡ ଅଭିନେତ୍ରୀ କିଆରା ଆଡଭାନୀ ରାମ ଚରଣଙ୍କ ବିପକ୍ଷରେ ନଜର ଆସିବେ । ଏହି ଫିଲ୍ମଟି 2024 ମକର ସଂକ୍ରାନ୍ତିରେ ରିଲିଜ ହେବ ।
