ମୁମ୍ବାଇ: ବୃତ୍ତିଗତ ଅପେକ୍ଷା ଆଜିକାଲି ନିଜ ବ୍ୟକ୍ତିଗତ ଜୀବନକୁ ନେଇ ଶିରୋନାମାରେ ରୁହନ୍ତି ବଲିଉଡ ଦେଶୀ ଗାର୍ଲ ପ୍ରିୟଙ୍କା ଚୋପ୍ରା । ପ୍ରିୟଙ୍କା ବର୍ତ୍ତମାନ ଝିଅ ମାଲତୀଙ୍କ ସହ ଅଧିକ ସମୟ ବିତାଉଥିବାର ଦେଖିବାକୁ ମିଳୁଛି । ପ୍ରତି ରବିବାର ପ୍ରିୟଙ୍କା ସ୍ୱାମୀ ନିକ ଜୋନସ ଏବଂ ଝିଅ ମାଲତୀ ମେରି ଚୋପ୍ରା ଜୋନସଙ୍କ ସହ ଛୁଟିଦିନରେ କୌଣସି ସ୍ଥାନକୁ ମଧ୍ୟ ବୁଲିବାକୁ ଯାଇଥାନ୍ତି । ଏବେ ପ୍ରିୟଙ୍କା ଏହି ରବିବାର ତାଙ୍କ ଛୋଟ ପରିବାର ସହ ପିକନିକ କରିଛନ୍ତି । ତାଙ୍କ ପ୍ରଶଂସକଙ୍କ ପାଇଁ ଏହାର ଏକ ଫଟୋ ସେୟାର କରିଥିଲେ । ଏହି ଫଟୋରେ ପ୍ରିୟଙ୍କା ତାଙ୍କ ରାଜକୁମାରୀ ମାଲତୀ ଏବଂ ସ୍ୱାମୀ ନିକଙ୍କ ସହ ଲଣ୍ଡନର ଏକ ପାର୍କରେ ବସିଥିବାର ନଜର ଆସିଛନ୍ତି ।
- " class="align-text-top noRightClick twitterSection" data="
">
ପ୍ରିୟଙ୍କା ଚୋପ୍ରା ନିଜ ପରିବାର ସହ ବିତାଇଥିବାର ଅନେକ ଫଟୋ ସେୟାର କରିଥାନ୍ତି । ଏହାରି ମଧ୍ୟରେ ବର୍ତ୍ତମାନ ଲଣ୍ଡନରୁ ତାଙ୍କ ପିକନିକର ଏକ ଫଟୋ ନିଜ ଇନଷ୍ଟାଗ୍ରାମରେ ସେୟାର କରିଛନ୍ତି ପ୍ରିୟଙ୍କା । କ୍ୟାପସନରେ ଲେଖିଛନ୍ତି, 'ରବିବାର କେବଳ ପିକନିକ୍ ପାଇଁ'। ଏହି ଫଟୋରେ ପ୍ରିୟଙ୍କା ତାଙ୍କ ପରିବାର ସହିତ ପାର୍କରେ ବସିଥିବାର ନଜର ଆସିଛନ୍ତି । ପ୍ରିୟଙ୍କା କ୍ୟାମେରା ଆଡକୁ ପିଠି କରି ବସିଛନ୍ତି ଏବଂ ସେ ଏକ ବ୍ଲୁ ଜିନ୍ସ ସାର୍ଟ ପିନ୍ଧିଛନ୍ତି । ପ୍ରିୟଙ୍କାର ବାମ ପାର୍ଶ୍ୱରେ, ତାଙ୍କ କୁନି ଝିଅ ମାଲତି ବସିଛନ୍ତି । ସେ ଏକ ଫ୍ରକ ସହ ମୁଣ୍ଡରେ ରାଜକୁମାରୀ ଟୋପି ପିନ୍ଧି ବହୁତ ସୁନ୍ଦର ଦେଖାଯାଉଥିବାବେଳେ ନିକ ଏକ ବ୍ରାଉନ ରଙ୍ଗର ଟି ସାର୍ଟ ସହ ଜିନ୍ସ ଏବଂ ମୁଣ୍ଡରେ କ୍ୟାପ୍ ପିନ୍ଧିଥିବା ନଜର ଆସିଛନ୍ତି ।
ସୂଚନା ଅନୁସାରେ, ପ୍ରିୟଙ୍କା ଚୋପ୍ରା ବର୍ତ୍ତମାନ ଲଣ୍ଡନରେ ଅଛନ୍ତି, ଯେଉଁଠାରୁ ଅଭିନେତ୍ରୀ ତାଙ୍କ ଝିଅ ଏବଂ ସ୍ୱାମୀଙ୍କ ସହ ପିକନିକ୍ ଫଟୋ ସହ ପ୍ରଶଂସକଙ୍କ ହୃଦୟ ଜିତିଛନ୍ତି । ପ୍ରିୟଙ୍କା ତାଙ୍କର ପରବର୍ତ୍ତୀ ହଲିଉଡ ଫିଲ୍ମ 'ହେଡ୍ ଅଫ୍ ଷ୍ଟେଟ୍'ର ସୁଟିଂ ପାଇଁ ଏଠାରେ ରହିଛନ୍ତି । ପ୍ରିୟଙ୍କା ସେୟାର କରିଥିବା ଏହି ଫଟୋକୁ ଫ୍ୟାନ୍ସ ଲାଇକ କରିବା ସହ ପ୍ରତିକ୍ରିୟା ଦେଇଛନ୍ତି । ଫଟୋ ଉପରେ ପ୍ରତିକ୍ରିୟା କରି ଜଣେ ଲେଖିଛନ୍ତି, "ତୁମ ତିନିଜଣଙ୍କୁ ବହୁତ ଭଲ ପାଇବା !" ଅନ୍ୟ ଜଣେ ଲେଖିଛନ୍ତି, ମିମି ଦିଦି କାହିଁକି! ତୁମେ ଏତେ ସୁନ୍ଦର। ଆଉ ଜଣେ ଲେଖିଛନ୍ତି, କ୍ୟୁଟନେସ୍ ଓଭରଲୋଡ୍।
ସୂଚନା ଥାଉ କି, ଜାନୁଆରୀ 2022 ରେ ମାଲତୀଙ୍କୁ ପ୍ରିୟଙ୍କା ଏବଂ ନିକ ସରୋଗେସି ମାଧ୍ୟମରେ ଜନ୍ମଗ୍ରହଣ କରିଥିଲେ । ଏହି ଦମ୍ପତି ସୋସିଆଲ ମିଡିଆରେ ସେମାନଙ୍କର ପ୍ରଥମ ସନ୍ତାନର ଜନ୍ମ ଘୋଷଣା କରିଥିଲେ । ଚଳିତ ବର୍ଷ ଜାନୁଆରୀରେ ମାଲତୀଙ୍କ ଲୁକକୁ ସର୍ବସାଧାରଣରେ ଦେଖାଇଥିଲେ ପ୍ରିୟଙ୍କା।
ପ୍ରିୟଙ୍କାଙ୍କ ୱାର୍କଫ୍ରଣ୍ଟ ବିଷୟରେ କହିବାକୁ ଗଲେ, ଆଜିକାଲି ସେ ତାଙ୍କର ନୂଆ ଚଳଚ୍ଚିତ୍ର 'ହେଡ୍ ଅଫ୍ ଷ୍ଟେଟ୍'ର ସୁଟିଂ ପାଇଁ ଲଣ୍ଡନରେ ପହଞ୍ଚିଛନ୍ତି। ଏହି ଚଳଚ୍ଚିତ୍ରରେ ପ୍ରିୟଙ୍କା ଚୋପ୍ରା ବିଶ୍ୱ ପ୍ରସିଦ୍ଧ ରିଙ୍ଗ ରେସଲର ଜୋନ୍ ଏବଂ ଇଦ୍ରିସ୍ ଏଲ୍ବାଙ୍କ ସହ ମୁଖ୍ୟ ଭୂମିକାରେ ନଜର ଆସିବେ। ଇୟା ନୈସୁନାଲ ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେବେ ଏବଂ ଫିଲ୍ମର ନିର୍ମାତା ହେଉଛନ୍ତି ଆମାଜନ ଷ୍ଟୁଡିଓ ।
