ମୁମ୍ବାଇ: ବଲିଉଡ ଅଭିନେତ୍ରୀ ପରିଣୀତି ଚୋପ୍ରା ଆମ୍ ଆଦମୀ ପାର୍ଟି ନେତା ତଥା ପଞ୍ଜାବ ରାଜ୍ୟସଭା ସାଂସଦ ରାଘବ ଚଢାଙ୍କୁ ବିବାହ କରିବାକୁ ଯାଉଛନ୍ତି । ଏହି କପଲ ପଞ୍ଜାବର ଅମୃତସର ସ୍ବର୍ଣ୍ଣ ମନ୍ଦିର ପରିଦର୍ଶନ କରି ଆର୍ଶୀବାଦ ନେଇଥିଲେ। ଏଥିସହ ମନ୍ଦିରର ସେବା ମଧ୍ୟ କରିଥିଲେ। ଯାହାର ଭିଡିଓ ସୋସିଆଲ ମିଡିଆରେ ବେଶ ଭାଇରାଲ ହୋଇଥିଲା । ତେବେ ବର୍ତ୍ତମାନ ଏହି ଯୋଡିଙ୍କୁ ପୁଣି ଏକାଠି ସ୍ପଟ୍ କରାଯାଇଛି । ଉଭୟ ସ୍ବର୍ଣ୍ଣ ମନ୍ଦିର ପରିଦର୍ଶନ ପରେ ପଞ୍ଜାବର ଆପ ପାର୍ଟି କାର୍ଯ୍ୟାଳୟରେ ନଜର ଆସିଛନ୍ତି । ଏଠାରେ ଉଭୟଙ୍କୁ ଭବ୍ୟ ସ୍ବାଗତ କରାଯାଇଛି ।
ଏହା ମଧ୍ୟ ପଢନ୍ତୁ: ସ୍ବର୍ଣ୍ଣ ମନ୍ଦିରରେ ସେବା କଲେ ପରିଣୀତି-ରାଘବ, ପ୍ରଶଂସା କଲେ ଫ୍ୟାନ୍ସ
ଜୁଲାଇ 1ରେ ପଞ୍ଜାବ ପରିଣୀତି ରାଘବଙ୍କ ସହ ସ୍ବର୍ଣ୍ଣ ମନ୍ଦିର ପରିଦର୍ଶନ କରିବା ପରେ ପଞ୍ଜାବ ଆପ୍ କାର୍ଯ୍ୟାଳୟରେ ପହଞ୍ଚିଛନ୍ତି । କାର୍ଯ୍ୟାଳୟରେ ପରିଣୀତି ଏବଂ ରାଘବଙ୍କୁ ଭବ୍ୟ ସ୍ୱାଗତ କରାଯାଇଛି । ଏହି ସମୟରେ ପରିଣୀତି ଚୋପ୍ରା ବହୁତ ଖୁସି ଥିବା ଦେଖିବାକୁ ମିଳିଛି । ପରିଣୀତି କ୍ରିମ୍ ରଙ୍ଗର ଆଉଟଫିଟରେ ନଜର ଆସିଥିବା ବେଳେ ରାଘବ ହ୍ୱାଇଟ କୁର୍ତ୍ତାରେ ଖୁବ ସୁନ୍ଦର ଲାଗୁଛନ୍ତି । ସୋସିଆଲ ମିଡିଆରେ ଏବି ଭିଡିଓ ବାଇରାଲ ପରେ ଫ୍ୟାନ୍ସ ଏହାକୁ ଲାଇକ କରିବା ସହ କମେଣ୍ଟ ବର୍ଷା କରିଛନ୍ତି। ଜଣେ ଲେଖିଛନ୍ତି, ପରଫେକ୍ଟ ଯୋଡି । ଆଉ ଜଣେ ଲେଖିଛନ୍ତି, ସୁନ୍ଦର କପଲ ।
ପରିଣୀତି ଚୋପ୍ରା ଏବଂ ରାଘବ ଚଢା କେବେ ବିବାହ କରିବେ?
ସୂଚନା ଥାଉ କି, ଚଳିତ ବର୍ଷ ମେ 13ରେ ଏହି କପଲ ପରିବାର ଏବଂ ଘନିଷ୍ଠ ସମ୍ପର୍କୀୟଙ୍କ ଉପସ୍ଥିତିରେ ଦିଲ୍ଲୀର କପୁରଥାଲା ହାଉସରେ ନିର୍ବନ୍ଧ କରିଥିଲେ। ବର୍ତ୍ତମାନ ଏହି କପଲ ରାଜସ୍ଥାନର ଉଦୟପୁରରେ ବିବାହ କରିବାକୁ ଯୋଜନା କରିଛନ୍ତି ଏବଂ ଉଭୟ ଉଦୟପୁରରେ ରାଜକୀୟ ଶୈଳୀରେ ବିବାହ କରିବେ ବୋଲି କୁହାଯାଉଛି । ଏହି କପଲ ଚଳିତ ବର୍ଷ ଶେଷ ସୁଦ୍ଧା ବିବାହ କରିବେ । ତେବେ ତାରିଖ ଘୋଷଣା ହୋଇନଥିବା ବେଳେ ବର୍ତ୍ତମାନ ପ୍ରଶଂସକମାନେ ବିବାହକୁ ଉତ୍ସାହର ସହ ଅପେକ୍ଷା କରିଛନ୍ତି।
ସେପଟେ ପରିଣୀତିଙ୍କ ୱାର୍କଫ୍ରଣ୍ଟ୍ କଥା କହିବାକୁ ଗଲେ, ଖୁବ୍ଶୀଘ୍ର ପରିଣୀତିଙ୍କୁ ଇମତିଆଜ୍ ଅଲିଙ୍କ ନିର୍ଦ୍ଦେଶିତ ଫିଲ୍ମ 'ଚମକିଲା'ରେ ଦେଖିବାକୁ ମିଳିବ । ଏହି ଫିଲ୍ମରେ ଦିଲଜିତ୍ ଦୋସାଞ୍ଜଙ୍କ ସହ ସ୍କ୍ରିନ୍ ସେୟାର କରୁଥିବାର ନଜର ଆସିବେ । ମେ' 31ରେ ଏହି ଫିଲ୍ମର ଟିଜର ରିଲିଜ ହୋଇଥିଲା । ଏହି ଚଳଚ୍ଚିତ୍ର ପଞ୍ଜାବର ରକଷ୍ଟାର ଅମର ସିଂ ଚମକିଲାଙ୍କ ସତ୍ୟ କାହାଣୀ ଉପରେ ଆଧାରିତ । ଟିଜରକୁ ବେଶ ପସନ୍ଦ କରିଥିଲେ ଫ୍ୟାନ୍ସ । 2024ରେ ଓଟିଟିରେ ଷ୍ଟ୍ରିମିଂ ହେବ ଫିଲ୍ମ ।
