ହାଇଦ୍ରାବାଦ: ଗତ କିଛିଦିନ ହେବ ବେଶ ଚର୍ଚ୍ଚାରେ ରହିଛନ୍ତି ବଲିଉଡ ଅଭିନେତ୍ରୀ ପରିଣୀତି ଚୋପ୍ରା ଆମ୍ ଆଦମୀ ପାର୍ଟି ନେତା ରାଘବ ଚଢା । ଗତ ମେ' 13ରେ ନୂଆଦିଲ୍ଲୀରେ ଉଭୟଙ୍କ ନିର୍ବନ୍ଧ ସରିଥିବା ବେଳେ ଦୁହେଁ ଖୁବଶୀଘ୍ର ଜୀବନସାଥି ହେବାକୁ ଯାଉଛନ୍ତି । ଚଳିତ ବର୍ଷ ଉଭୟଙ୍କ ବିବାହ ହେବ ବୋଲି ଚର୍ଚ୍ଚା ହେଉଥିବା ବେଳେ ଦୁହେଁ ଏକାଠି ସମୟ ବିତାଉଥିବା ଦେଖାଯାଉଛି । ଏହାରି ଭିତରେ ଦୁହେଁ ନିଜ ବିବାହର ସପିଂ କରିବା ପାଇଁ ଲଣ୍ଡନରେ ପହଞ୍ଚିଛନ୍ତି । ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଚାଲିଥିବା ମ୍ୟାଚର ତୃତୀୟ ଦିନରେ ଲଣ୍ଡନର ଓବଲରେ WTC( ବିଶ୍ବ ଟେଷ୍ଟ ଚମ୍ପିଆନ୍ସିପ୍) ଫାଇନାଲକୁ ଉପଭୋଗ କରୁଥିବା ନଜର ଆସିଛନ୍ତି । ଇଣ୍ଡିଆ ଟିମକୁ ଚିଅରଅପ କରୁଥିବା ଦେଖିବାକୁ ମିଳିଛି । ଦୁହିଁଙ୍କର ସେହି ସମୟର ଫଟୋ ମଧ୍ୟ ବେଶ ଭାଇରାଲ ହେବାରେ ଲାଗିଛି ।
ଓଭାଲଙ୍କ ଷ୍ଟାଡିୟମରୁ ଆସିଥିବା ଫଟୋରେ ପରିଣୀତି ଧଳା ଏବଂ ସବୁଜ ରଙ୍ଗର ପୋଷାକ ପିନ୍ଧିଥିବାବେଳେ ରାଘବ କାଜୁଆଲ ଲୁକରେ ନଜର ଆସିଛନ୍ତି । ସେ କଳା ପ୍ୟାଣ୍ଟକୁ ନୀଳ ରଙ୍ଗର ସାର୍ଟ ଏବଂ ସ୍ବେଟରରେ ନଜର ଆସିଛନ୍ତି । ଦୁହେଁ ସନଗ୍ଲାସ ପିନ୍ଧିଥିବା ବେଳେ ଫଟୋକୁ ପ୍ରଶଂସକମାନେ ମଧ୍ୟ ବେସ ପସନ୍ଦ କରିଛନ୍ତି । ପ୍ରକାଶଥାଉକି, ଏହା ପୂର୍ବରୁ ରାଘବ ଏବଂ ପରିଣୀତି ଲଣ୍ଡନରେ ଥିବା ନେଇ ସୋସିଆଲ ମିଡିଆରେ ଫଟୋ ଭାଇରାଲ ହୋଇଥିଲା । ଜଣେ ପ୍ରଶଂସକ ଏହି ସୁନ୍ଦର କପଲଙ୍କ ସହ ସେଲଫି ଉଠାଇବା ସହ ଭିଡିଓ କରି ସୋସିଆଲ ମିଡିଆରେ ଅପଲୋଡ କରିଥିଲେ ।
କେଉଁଠି ହେବ ରାଘବ ଏବଂ ପରିଣୀତିଙ୍କ ବିବାହ: ନିକଟରେ ତାଙ୍କର ନିର୍ବନ୍ଧ ସରିଥିବା ବେଳେ ବର୍ତ୍ତମାନ ବିବାହକୁ ନେଇ ବେଶ ଚର୍ଚ୍ଚା ହେଉଛି । ଦୁହିଁଙ୍କର ବିବାହ ନଭେମ୍ବର ମାସରେ ହେବା ନେଇ ଚର୍ଚ୍ଚା ହେଉଥିବା ବେଳେ ଉଦୟପୁରର ଏକ ପ୍ୟାଲେସରେ ଏହି କପଲ ବିବାହ କରିପାରନ୍ତି ।
ପ୍ରକାଶଥାଉକି, ଖୁବ୍ଶୀଘ୍ର ଇମତିଆଜ୍ ଅଲିଙ୍କ ନିର୍ଦ୍ଦେଶିତ ଫିଲ୍ମ 'ଚମକିଲା'ରେ ପରିଣୀତିଙ୍କୁ ଦେଖିବାକୁ ମିଳିବ । ଏହି ଫିଲ୍ମରେ ଦିଲଜିତ୍ ଦୋସାଞ୍ଜଙ୍କ ସହ ସ୍କ୍ରିନ୍ ସେୟାର କରୁଥିବାର ନଜର ଆସିବେ । ତେବେ ମେ' 31ରେ ଏହି ଫିଲ୍ମର ଟିଜର ରିଲିଜ ହୋଇଥିଲା । ଏହି ଚଳଚ୍ଚିତ୍ର ପଞ୍ଜାବର ରକଷ୍ଟାର ଅମର ସିଂ ଚମକିଲାଙ୍କ ସତ୍ୟ କାହାଣୀ ଉପରେ ଆଧାରିତ । ଟିଜରକୁ ବେଶ ପସନ୍ଦ କରିଥିଲେ ଫ୍ୟାନ୍ସ । 2024ରେ ଓଟିଟିରେ ଷ୍ଟ୍ରିମିଂ ହେବ ଫିଲ୍ମ
।
ବ୍ୟୁରୋ ରିପୋର୍ଟ, ଇଟିଭି ଭାରତ
