ହାଇଦ୍ରାବାଦ: ବଲିଉଡ ଅଭିନେତା ରଣବୀର କପୁର ଆଜି (28 ସେପ୍ଟେମ୍ବର) ତାଙ୍କର 40 ତମ ଜନ୍ମଦିନ ପାଳନ କରୁଛନ୍ତି । ରଣବୀର କପୁରଙ୍କ ପାଇଁ ଚଳିତ ବର୍ଷ ଅତ୍ୟନ୍ତ ଖାସ୍ ରହିଛି । ନିକଟରେ ରିଲିଜ୍ ହୋଇଥିବା ଚଳଚ୍ଚିତ୍ର 'ବ୍ରହ୍ମାସ୍ତ୍ର' ବକ୍ସ ଅଫିସରେ ଜବରଦସ୍ତ କଲେକ୍ସନ କରୁଛି । ଏହି ସମୟରେ, ଅଭିନେତା ମଧ୍ୟ ଖୁବ୍ ଶୀଘ୍ର ବାପା ହେବାକୁ ଯାଉଛନ୍ତି । ତାଙ୍କ ଜନ୍ମଦିନରେ ପ୍ରଶଂସକଙ୍କ ସମେତ ତାଙ୍କ ପରିବାର ସଦସ୍ୟମାନେ ମଧ୍ୟ ତାଙ୍କୁ ଶୁଭେଚ୍ଛା ଜଣାଇଛନ୍ତି ।
- " class="align-text-top noRightClick twitterSection" data="
">
ତାଙ୍କ ମାଆ ନୀତୁ କପୁର ମଧ୍ୟ ପୁଅକୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି। ତାଙ୍କ ଅଫିସିଆଲ୍ ଇନଷ୍ଟାଗ୍ରାମ ଆକାଉଣ୍ଟରୁ ପୁଅକୁ ଅଭିନନ୍ଦନ ଜଣାଇ ସେ ଲେଖିଛନ୍ତି, 'ଆମ ପାଇଁ ଏହି ବର୍ଷ ଏକ ମାଇଲଖୁଣ୍ଟ ପ୍ରମାଣିତ ହୋଇଛି । ମୁଁ ଆଜି ତୁମ ବାପାଙ୍କୁ ବହୁତ ମିସ୍ କରୁଛି । ସେ ଆଜି ବହୁତ ଖୁସି ଏବଂ ଗର୍ବ ଅନୁଭବ କରିଥାନ୍ତେ । ଜନ୍ମଦିନର ଶୁଭେଚ୍ଛା ରାଣା । ତୁମେ ମୋର ଶକ୍ତି ଅସ୍ତ୍ର ଅଟ। '
- " class="align-text-top noRightClick twitterSection" data="
">
ନୀତୁ କପୁରଙ୍କ ଏହି ପୋଷ୍ଟରେ ରଣବୀରଙ୍କ ପ୍ରଶଂସକମାନେ ପ୍ରତିକ୍ରିୟା ଦେଉଥିବା ଦେଖିବାକୁ ମିଳିଛି । ଇନଷ୍ଟାଗ୍ରାମରେ ଜଣେ ବିଦେଶୀ ପ୍ରଶଂସକ ଲେଖିଛନ୍ତି, ଜନ୍ମଦିନର ଶୁଭେଚ୍ଛା ରଣବୀର ... ବ୍ରହ୍ମାସ୍ତ୍ରର ସଫଳତା ପାଇଁ ଅଭିନନ୍ଦନ। ଅନ୍ୟ ଜଣେ ପ୍ରଶଂସକ ଲେଖିଛନ୍ତି, 'ଆମେ ଆପଣଙ୍କୁ ବହୁତ ଭଲ ପାଉ ରକଷ୍ଟାର।' ଅନ୍ୟ ଜଣେ ପ୍ରଶଂସକ ଲେଖିଛନ୍ତି, 'ଏହା ଆଜିର ସବୁଠାରୁ ସୁନ୍ଦର ଫଟୋ ।' ରଣବୀରଙ୍କ ଜନ୍ମଦିନରେ ପତ୍ନୀ ଆଲିଆ ଭଟ୍ଟ ମଧ୍ୟ ନିଆରା ଢଙ୍ଗରେ ତାଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି । ଆଲିଆ ରଣବୀରଙ୍କ ଏକ ଫଟୋ ପୋଷ୍ଟ କରି କ୍ୟାପସନ୍ରେ ଲେଖିଛନ୍ତି- happy 40 baby 💛 ।ଏହା ବ୍ୟତୀତ ଅନେକ ପ୍ରଶଂସକ ସେମାନଙ୍କର ପ୍ରିୟ ତାରକାମାନଙ୍କୁ ଜନ୍ମଦିନରେ ବିଭିନ୍ନ ଉପାୟରେ ଅଭିନନ୍ଦନ ଜଣାଇଛନ୍ତି ।
ଏହା ବି ପଢନ୍ତୁ: Ranbir Kapoor Bday: 40 ବର୍ଷରେ ପାଦ ଥାପିଲେ ଚକୋଲେଟ୍ ବୟ
ୱାର୍କ ଫ୍ରଣ୍ଟ ବିଷୟରେ କହିବାକୁ ଗଲେ ଚଳିତ ବର୍ଷ ରଣବୀରଙ୍କ ଦୁଇଟି ଚଳଚ୍ଚିତ୍ର ମୁକ୍ତିଲାଭ କରିଛି । ତାଙ୍କୁ ପ୍ରଥମେ ୟଶ ରାଜ ଫିଲ୍ମସ୍ ବ୍ୟାନରରେ ନିର୍ମିତ 'ଶମଶେରା' ଚଳଚ୍ଚିତ୍ରରେ ଦେଖିବାକୁ ମିଳିଥିଲା । ଯଦିଓ ଫିଲ୍ମଟି ବକ୍ସ ଅଫିସରେ ବିଫଳ ହୋଇଥିଲା । ଏହା ପରେ ସେ ଆୟାନ ମୁଖାର୍ଜୀଙ୍କ ନିର୍ଦ୍ଦେଶିତ 'ବ୍ରହ୍ମାସ୍ତ୍ର'ରେ ଅଭିନୟ କରିଥିଲେ। ଫିଲ୍ମଟି ବକ୍ସ ଅଫିସରେ ଭଲ ପ୍ରଦର୍ଶନ କରିଛି । ଅଭିନେତାଙ୍କ ଆଗାମୀ ପ୍ରୋଜେକ୍ଟ ବିଷୟରେ କହିବା ତ, ସେ ସନ୍ଦୀପ ରେଡ୍ଡୀ ବାଙ୍ଗାଙ୍କ ନିର୍ଦ୍ଦେଶିତ ଫିଲ୍ମ 'ଆନିମଲ୍'ରେ ଖୁବ୍ ଶୀଘ୍ର ନଜର ଆସିବେ । ଏହା ବ୍ୟତୀତ ସେ ଲଭ୍ ରଂଜନଙ୍କ ଫିଲ୍ମରେ ଶ୍ରଦ୍ଧା କପୁରଙ୍କ ସହ କାମ କରୁଛନ୍ତି।
