ହାଇଦ୍ରାବାଦ: ମାର୍ଭେଲର 'ଆଣ୍ଟ ମ୍ୟାନ୍ ଏବଂ ୱାସ୍: କ୍ୱାଣ୍ଟୁମାନିଆ' ଏହାର ସିନେମାହଲରେ ସଫଳତା ପରେ ବର୍ତ୍ତମାନ OTT ରେ ରିଲିଜ୍ ହୋଇଛି। ମାର୍ଭେଲ ଷ୍ଟୁଡିଓର 'ଆଣ୍ଟ ମ୍ୟାନ୍ 3' ଆଜି ଭାରତର OTT ରେ ରିଲିଜ ହୋଇଛି। ଆଣ୍ଟ ମ୍ୟାନ୍ ଏବଂ ୱାସ୍: କ୍ୱାଣ୍ଟୁମାନିଆ ଡିଜନି ପ୍ଲସ୍ ହଟଷ୍ଟାରରେ ଷ୍ଟ୍ରିମିଂ ହୋଇଛି। ଇଂରାଜୀ, ହିନ୍ଦୀ, ତାମିଲ, ତେଲୁଗୁ ଏବଂ ମାଲାୟାଲମ୍ ଭାଷାରେ ଅନଲାଇନ୍ ରିଲିଜ ହୋଇଛି।
ଆଜି ଭାରତରେ ଡିଜନି ପ୍ଲସ୍ ହଟଷ୍ଟାରରେ ସାଢେ 12 ଟା ସମୟରେ ଫିଲ୍ମ 'ଆଣ୍ଟ ମ୍ୟାନ୍ ଏବଂ ଦ ୱାସ୍ପ: କୁଣ୍ଟୁମାନିଆ' ରିଲିଜ କରିଛି। ସିନେମାହଲରେ ଫିଲ୍ମ ରିଲିଜର 89 ଦିନ ଅର୍ଥାତ୍ 3 ମାସ ପରେ,ପରେ ଡିଜନି ପ୍ଲସ୍ ହଟଷ୍ଟାରରେ ଆଣ୍ଟ-ମ୍ୟାନ୍ ଡେବ୍ୟୁ କରିଛି। ଏହି ଫିଲ୍ମଟି ବର୍ତ୍ତମାନ ସମାଲୋଚକମାନଙ୍କ ଠାରୁ ମିଶ୍ରିତ ସମୀକ୍ଷା ଗ୍ରହଣ କରିଛି।
ସୂଚନା ଥାଉ କି, ଫେବୃଆରୀ 17, 2023 ରେ 'ଆଣ୍ଟ ମ୍ୟାନ୍ ଏବଂ ୱାସ୍: କ୍ୱାଣ୍ଟୁମାନିଆ' ସିନେମାହଲରେ ରିଲିଜ କରିଥିଲା । ସିନେମାହଲରେ ଲୋକମାନେ ଏହି ଫିଲ୍ମକୁ ବହୁତ ପସନ୍ଦ କରିଥିଲେ ଏବଂ ଫିଲ୍ମ ରୋଜଗାର ଦୃଷ୍ଟିରୁ ଏକ ରେକର୍ଡ ସୃଷ୍ଟି କରିଥିଲା । ବିଶ୍ବବ୍ୟାପୀ ଏହି ଫିଲ୍ମ 475 ନିୟୁତ ଡଲାର ଅର୍ଥାତ୍ ବକ୍ସ ଅଫିସରେ ପ୍ରାୟ 4 ହଜାର କୋଟି ରୋଜଗାର କରିଥିଲା । ତେବେ ବର୍ତ୍ତମାନ OTT ପ୍ଲାଟଫର୍ମରେ ଘରେ ବସି ଏହି ଫିଲ୍ମକୁ ଉପଭୋଗ କରିପାରିବେ ।
ଆମେରିକୀୟ ସୁପରହିଟ୍ ଫିଲ୍ମ 'ଆଣ୍ଟ ମ୍ୟାନ୍ ଏବଂ ୱାସ୍: କ୍ୱାଣ୍ଟୁମାନିଆ' ମାର୍ଭେଲ କମିକ୍ସ ଉପରେ ଆଧାରିତ। ୱାଲ୍ଟ ଡିଜନି ଷ୍ଟୁଡିଓ ମୋସନ୍ ପିକ୍ଚର୍ସ ଫିଲ୍ମର ଡିଷ୍ଟ୍ରିବ୍ୟୁଟର ରହିଛି। ଏହି ଫିଲ୍ମରେ ପିଟନ ରିଡ୍ ନିର୍ଦ୍ଦେଶଦା ଦେଇଥିବା ବେଳେ ଜେଫ୍ ଲଭେନ୍ସ କାହାଣୀ ଲେଖିଛନ୍ତି। ଏବଂ ଏହି ଫିଲ୍ମରେ ପୋଲ ରୁଡ, ଏଭାଙ୍ଗେଲିନ ଲିଲି ଏବଂ ମାଇକେଲ ଡୌଗ୍ଲାସ ମୁଖ୍ୟ ଭୂମିକାରେ ଅଭିନୟ କରିଛନ୍ତି। ଏଥିସହ ଜୋନାଥନ୍ ମେଜର୍ସ, କ୍ୟାଥ୍ରିନ୍ ନ୍ୟୁଟନ୍, ଡେଭିଡ ଡଷ୍ଟମାଲଚିଆନ୍, କ୍ୟାଟି ଓ’ବ୍ରାଇନ୍, ୱିଲିୟମ୍ ଜ୍ୟାକସନ ହାରପର୍, ବିଲ୍ ମୁରେ, ମିସେଲ ପଫିଫର, କୋରୀ ଷ୍ଟୋଲ ମଧ୍ୟ ଅଭିନୟ କରିଛନ୍ତି। ଏହି ଫିଲ୍ମଟି ଆଣ୍ଟ ମ୍ୟାନ୍ ଫ୍ରାଞ୍ଚାଇଜ୍ ର ତୃତୀୟ ଭାଗ ଅଟେ । ଏହାର ପ୍ରଥମ ଭାଗ ଆଣ୍ଟ ମ୍ୟାନ୍ 2015 ବର୍ଷରେ ଏବଂ ଦ୍ୱିତୀୟ ଭାଗ ଆଣ୍ଟ ମ୍ୟାନ୍ ଏବଂ 2018 ରେ ୱାସ୍ପ ରିଲିଜ କରିଥିଲା।
ମାର୍ଭେଲ୍ ଏପ୍ରିଲ୍ ପ୍ରାରମ୍ଭରେ ଘୋଷଣା କରିଥିଲା ଯେ 'ଆଣ୍ଟ ମ୍ୟାନ୍ ଏବଂ ୱାସ୍ କାଣ୍ଟୋ ମାନିଆ' ଡିଜିଟାଲ୍ ଏପ୍ରିଲ୍ 18 ରେ ଏବଂ ମେ 16 ରେ 4K ଅଲଟ୍ରା HD, ବ୍ଲୁ-ରେ ଏବଂ ଡିଭିଡିରେ ଉପଲବ୍ଧ ହେବ। ଡିଜନି ପ୍ଲସରେ ଷ୍ଟ୍ରିମିଂ ଆରମ୍ଭ ହେବା ପୂର୍ବରୁ ଏହି ଫିଲ୍ମ VOD ସର୍ଭିସରେ ଡେବ୍ୟୁ କରିବ। ଏହିପରି ଭାବରେ, ଏମସିୟୁ ଫିଲ୍ମ ଏହାର ଥିଏଟର ରିଲିଜ୍ ହେବାର 3 ମାସ ପରେ ଷ୍ଟ୍ରିମିଂ ପାଇଁ ଉପଲବ୍ଧ ହୋଇପାରିଛି ।
