ହାଇଦ୍ରାବାଦ: ଟେନିସ୍ ପ୍ଲେୟାର ଲିଆଣ୍ଡର୍ ପେସ୍ ଏବଂ ବଲିଉଡ ଅଭିନେତ୍ରୀ କିମ ଶର୍ମା ଦୁହେଁ ପରସ୍ପରକୁ ଡେଟ କରୁଛନ୍ତି । ବର୍ତ୍ତମାନ ଉଭୟଙ୍କ ସମ୍ପର୍କ ବିଷୟରେ ଏକ ନୂଆ ଅପଡେଟ (Kim Sharma-Leander Paes Relationship) ସାମ୍ନାକୁ ଆସିଛି । ଖବର ମୁତାବକ, ଦୁହେଁ ନିଜ ସମ୍ପର୍କକୁ ଏକ ନୂଆ ନାଁ ଦେଇ ସ୍ୱାମୀ ଏବଂ ସ୍ତ୍ରୀ ହେବାକୁ ଯାଉଛନ୍ତି । ବର୍ତ୍ତମାନ ଉଭୟ ବିବାହ ବନ୍ଧନରେ ଆବଦ୍ଧ ହେବାକୁ ଯାଉଛନ୍ତି (Kim Sharma-Leander Paes wedding)।
- " class="align-text-top noRightClick twitterSection" data="
">
ପରିବାର ପକ୍ଷରୁ ମିଳିଲା ମଞ୍ଜୁରୀ
ଉଭୟ କିମ୍ ଶର୍ମା ଏବଂ ଲିଆଣ୍ଡର୍ ପେସ୍ ଖୁବ୍ ଶୀଘ୍ର ବିବାହ କରିବାକୁ ଯାଉଛନ୍ତି ଏବଂ ସେମାନଙ୍କ ସମ୍ପର୍କକୁ ଏକ ନୂଆ ନାଁ ଦେବାକୁ ଯାଉଛନ୍ତି । ଏହି ନୂତନ ସମ୍ପର୍କ ପାଇଁ କିମ୍ ଶର୍ମା ଏବଂ ଲିଆଣ୍ଡର୍ ପେସ୍ ସେମାନଙ୍କ ପିତାମାତାଙ୍କଠାରୁ ଆଶୀର୍ବାଦ ନେଇଛନ୍ତି । ଦମ୍ପତିଙ୍କ ସମ୍ପର୍କ ପାଇଁ ଉଭୟଙ୍କ ପରିବାର ପକ୍ଷରୁ ଅନୁମତି ମଧ୍ୟ ମଞ୍ଜୁର ହୋଇଯାଇଛି ।
ପିଙ୍କଭିଲ୍ଲା ରିପୋର୍ଟ ଅନୁଯାୟୀ, ଏହି ବିବାହ ଅନ୍ୟ ବଲିଉଡ ବିବାହ ପରି ଧୁମଧାମରେ ହେବନାହିଁ । ଉଭୟ ନିଷ୍ପତ୍ତି ନେଇଛନ୍ତି ଯେ ସେମାନେ କୋର୍ଟ ମ୍ୟାରେଜ କରିବେ । କୁହାଯାଉଛି ଯେ କିମଙ୍କ ବାନ୍ଦ୍ରା ଘରେ ଉଭୟ ପିତାମାତା ଏକାଠି ହୋଇଥିଲେ। ଏହି ସମୟରେ, ନିଷ୍ପତ୍ତି ନିଆଯାଇଛି ଯେ ଶୀଘ୍ର ଉଭୟଙ୍କ ସମ୍ପର୍କକୁ ଏକ ନୂଆ ନାମ ଦିଆଯିବା ଉଚିତ୍ । ତେଣୁ ଖୁବ୍ ଶୀଘ୍ର ଦୁହେଁ ବିବାହ ପାଇଁ ପ୍ରସ୍ତୁତ ହେଉଛନ୍ତି ।
ଏହା ବି ପଢନ୍ତୁ: ଏହି ଟେନିସ ଖେଳାଳୀଙ୍କୁ ଡେଟ କରୁଛନ୍ତି କିମ ଶର୍ମା
କିମଙ୍କ ଦ୍ୱିତୀୟ ଏବଂ ଲିଆଣ୍ଡରଙ୍କ ତୃତୀୟ ବିବାହ
ଉଲ୍ଲେଖନୀୟ ଯେ, ଏହା କିମଙ୍କର ଦ୍ୱିତୀୟ ଏବଂ ଲିଆଣ୍ଡରଙ୍କ ତୃତୀୟ ବିବାହ ହେବ । ପ୍ରଥମ ବିବାହ ସଫଳ ନହେବା ପରେ ଉଭୟ ନିଜ ସାଥୀଙ୍କୁ ଛାଡପତ୍ର ଦେବା ପରେ ଅଲଗା ହୋଇଥିଲେ । କିମ ଶର୍ମା 2010 ମସିହାରେ ବ୍ୟବସାୟୀ ଅଲି ପୁନଜାନୀଙ୍କୁ ବିବାହ କରିଥିଲେ। ବିବାହର 6 ବର୍ଷ ପରେ ଅର୍ଥାତ୍ 2016 ମସିହାରେ, ଉଭୟେ ଛାଡପତ୍ର ନେଇଥିଲେ । ଏହି ସମୟରେ, ଲିଆଣ୍ଡର୍ ପେସ୍ ପ୍ରଥମେ ଅଭିନେତ୍ରୀ ମହିମା ଚୌଧରୀଙ୍କୁ ବିବାହ କରିଥିଲେ । ଏହି ବିବାହ 2000 ରୁ 2003 ପର୍ଯ୍ୟନ୍ତ ଚାଲିଥିଲା । ଏହା ପରେ ସେ ସଞ୍ଜୟ ଦତ୍ତଙ୍କ ପୂର୍ବତନ ପତ୍ନୀ ରିୟା ପିଲ୍ଲଇଙ୍କ ସହ ଲିଭଇନରେ ରହୁଥିଲେ, କିଛି ଦିନ ପରେ ଦୁହେଁ ବିବାହ କରିଥିଲେ, ଏହା ପରେ ସେମାନଙ୍କର ଏକ ଝିଅ ମଧ୍ୟ ହେଲା, କିନ୍ତୁ 2014 ମସିହାରେ ସେ ରିୟାଙ୍କଠାରୁ ମଧ୍ୟ ଛାଡପତ୍ର ନେଇଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
