ନୂଆଦିଲ୍ଲୀ: ସାରା ଦେଶରେ ଚନ୍ଦ୍ରଯାନ 3 ର ସଫଳତାର ସେଲିବ୍ରେସନ କରାଯାଉଛି । ଏନେଇ ଦେଶ ତଥା ବିଭିନ୍ନ ରାଷ୍ଟ୍ର ଭାରତର ଏହି ଐତିହାସିକ ସଫଳତା ପାଇଁ ଇସ୍ରୋକୁ ଶୁଭେଚ୍ଛା ଜଣାଇଛନ୍ତି । ନେତା ମନ୍ତ୍ରୀ ଏବଂ ସେଲିବ୍ରିଟି ବି ସେଲିବ୍ରସନ କରିବା ସହ ଇସ୍ରୋକୁ ଶୁଭେଚ୍ଛା ଜଣାଇଛନ୍ତି । ଏହାରି ମଧ୍ୟରେ ବର୍ତ୍ତମାନ ବଲିଉଡ ଅଭିନେତ୍ରୀ କଙ୍ଗନା ରାଣାୱତ ଚନ୍ଦ୍ରାୟନ 3 ନେଇ ପ୍ରତିକ୍ରିୟା ଦେଇଛନ୍ତି । ସେ ଏହି ମିଶନର ସଫଳତା ପଛରେ ଭାରତୀୟ ମହାକାଶ ଗବେଷଣା ସଂଗଠନ (ଇସ୍ରୋ)ର ଅଗ୍ରଣୀ ମହିଳା ବୈଜ୍ଞାନିକଙ୍କୁ ପ୍ରଶଂସା କରି ଏକ ପୋଷ୍ଟ ସେୟାର କରିଛନ୍ତି ।
ଇନ୍ଷ୍ଟାଗ୍ରାମ ଷ୍ଟୋରୀରେ କଙ୍ଗନା ISROର ମହିଳା ବୈଜ୍ଞାନିକମାନଙ୍କ ଏକ ଫଟୋ ସେୟାର କରିଛନ୍ତି । ଯେଉଁମାନେ ଶାଢ଼ୀ ପିନ୍ଧିଛନ୍ତି ଏବଂ ଭାରତୀୟ ପାରମ୍ପରିକ ସଂସ୍କୃତିର ପ୍ରତିନିଧିତ୍ୱ କରିଛନ୍ତି । ସେ ଏହି ଫଟୋ ସହ ମହିଳା ବୈଜ୍ଞାନିକଙ୍କ ପ୍ରଶଂସା କରି କ୍ୟାପସନରେ ଲେଖିଛନ୍ତି, 'ଭାରତର ପ୍ରମୁଖ ମହିଳା ବୈଜ୍ଞାନିକ, ସମସ୍ତେ ବିନ୍ଦି, ସିନ୍ଦୁର ଏବଂ ମଙ୍ଗଲ ସୂତ୍ର ସହ ନଜର ଆସିଛନ୍ତି । ଏମାନେ ସରଳ ଜୀବନ ଏବଂ ଉଚ୍ଚ ଚିନ୍ତାଧାରାର ପ୍ରତୀକ । ଏମାନେ ହିଁ ଭାରତୀୟତାର ପ୍ରକୃତ ଆଭିମୁଖ୍ୟ ।' ଏହା ସହିତ ସେ ଜାତୀୟ ପତାକାର ଇମୋଜି ମଧ୍ୟ ସେୟାର କରିଛନ୍ତି ।
କଙ୍ଗନା ରାଣାୱତଙ୍କ ୱାର୍କଫ୍ରଣ୍ଟ୍ କଥା କହିବାକୁ ଗଲେ, କଙ୍ଗନା ପରବର୍ତ୍ତୀ ସମୟରେ 'ଚନ୍ଦ୍ରମୁଖୀ-୨'ରେ ନଜର ଆସିବେ, ଯେଉଁଥିରେ ରାଘବ ଲରେନ୍ସ ମଧ୍ୟ ଅଭିନୟ କରିବେ ଏବଂ ରଜନୀକାନ୍ତ ଏବଂ ଜ୍ୟୋତିଙ୍କ ଅଭିନୀତ ବ୍ଲକବଷ୍ଟର ତାମିଲ ଚଳଚ୍ଚିତ୍ର 'ଚନ୍ଦ୍ରମୁଖୀ'ର ଏହା ଏକ ସିକ୍ୱେଲ ଅଟେ । ତେବେ ପ୍ରଥମ ଥର ପାଇଁ ଏହି ଫିଲ୍ମ ସହ କଙ୍ଗନା ଟଲିଉଡ୍ରେ ଡେବ୍ୟୁ କରିବା ସହ ପ୍ରଥମ ଥର ପାଇଁ ରାଘବଙ୍କ ସହ ସ୍କ୍ରିନ୍ ସେୟାର କରିବେ ଅଭିନେତ୍ରୀ ।
ଏହା ମଧ୍ୟ ପଢନ୍ତୁ: କଙ୍ଗନାଙ୍କ ସହ ବନ୍ଧୁତା କରିବେ କରଣ ! କହିଲେ ଏମରଜେନ୍ସି ଦେଖିବାକୁ ଚାହୁଁଛି
ଏଥିସହ ତାଙ୍କର ଫିଲ୍ମ 'ତେଜସ୍' ରହିଛି, ବାୟୁସେନା ପାଇଲଟ୍ ଭାବରେ ନଜର ଆସିବେ । ଏହି ଫିଲ୍ମ ବାୟୁସେନା ପାଇଲଟ ତେଜସ ଗିଲ୍ଙ୍କ ଜୀବନ କାହାଣୀ ଉପରେ ଆଧାରିତ । ସର୍ଭେସ ମେୱାରାଙ୍କ ଦ୍ୱାରା ଲିଖିତ ତଥା ନିର୍ଦ୍ଦେଶିତ ଏହି ଚଳଚ୍ଚିତ୍ରଟି ଅକ୍ଟୋବର 20ରେ ପ୍ରେକ୍ଷାଳୟରେ ରିଲିଜ ହେବ । ଏହା ବ୍ୟତୀତ କଙ୍ଗନାଙ୍କୁ ଐତିହାସିକ ଡ୍ରାମା ଫିଲ୍ମ ଏମରଜେନ୍ସିରେ ଦେଖିବାକୁ ମିଳିବ, ଯେଉଁଥିରେ ସେ ସ୍ୱର୍ଗତ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀ ଭୂମିକାରେ ଅଭିନୟ କରିବେ । ଏହି ଚଳଚ୍ଚିତ୍ରରେ ଅଭିନେତା ଅନୁପମ ଖେର, ସ୍ବର୍ଗତ ଅଭିନେତା ସତୀଶ କୈଶିକ ଏବଂ ମିଲିନ୍ଦ ସୋମନ ପ୍ରମୁଖ ଭୂମିକାରେ ଅଭିନୟ କରିବେ ଏବଂ ନଭେମ୍ବର 24ରେ ଏହା ମୁକ୍ତିଲାଭ କରିବ।
