ହାଇଦ୍ରାବାଦ: ଫିଲ୍ମ ଆର୍ଆର୍ଆର୍ (RRR) ସୁପରହିଟ୍ ହୋଇଥିବାରୁ ଏହାର ଖୁସି ମନାଇଛନ୍ତି ରାମ ଚରଣ। ନିକଟରେ ମୁମ୍ବାଇରେ ଫିଲ୍ମର ସଫଳତା ପାର୍ଟିରେ ଯୋଗ ଦେଇଥିଲେ, ଯେଉଁଠାରେ Jr NTR ମଧ୍ୟ ସେଠାରେ ଉପସ୍ଥିତ ଥିଲେ । ତେଲୁଗୁ ସୁପରଷ୍ଟାର ରାମ ଚରଣ ଏବଂ Jr NTR ମଧ୍ୟ ଗଣମାଧ୍ୟମ ସହିତ କଥାବାର୍ତ୍ତା କରିଥିଲେ । ବାର୍ତ୍ତାଳାପ ସମୟରେ ଜଣେ ସାମ୍ବାଦିକ NTRକୁ ଏକ ପ୍ରଶ୍ନ ପଚାରିଥିଲେ ।
ଫିଲ୍ମର ସଫଳତା ପାଇଁ ରାମ ଚରଣଙ୍କୁ ଅଧିକ ଶ୍ରେୟ ଦିଆଯାଉଛି କି ନାହିଁ NTRକୁ ପଚରାଯାଇଥିଲା । ଆପଣ କିପରି ଅନୁଭବ କରୁଛନ୍ତି ? ଏହାର ଉତ୍ତରରେ ରାମ ଚରଣ ଟିକେ ସମ୍ଭାଳିକି କହିଥିଲେ ଯେ ଏହିପରି କିଛି ନାହିଁ । ଆମେ ଦୁହେଁ ସୁନ୍ଦର ଭାବରେ ଏକ ଭଲ କାମ କରିଛୁ । ତାଙ୍କ ଭୂମିକାକୁ କମ୍ ଗୁରୁତ୍ୱ ଦିଆଯାଉଥିବାରୁ NTRର କିଛି ପ୍ରଶଂସକ ଅସନ୍ତୋଷ ପ୍ରକାଶ କରିଥିବାବେଳେ ଅଭିନେତାଙ୍କ କହିବାନୁସାରେ ତାଙ୍କ ଭୂମିକା ତାଙ୍କ କ୍ୟାରିୟରରେ ସର୍ବଶ୍ରେଷ୍ଠ ଥିଲା । ମାର୍ଚ୍ଚ 25ରେ ପ୍ରେକ୍ଷାଳୟରେ ରିଲିଜ୍ ହେବା ପରଠାରୁ ରାମ ଚରଣ ଏବଂ Jr NTR ଅଭିନୀତ 'RRR' ବକ୍ସ ଅଫିସରେ ଭଲ ପ୍ରଦର୍ଶନ କରିଛି ।
ସୂଚନାଯୋଗ୍ୟ ଯେ, ପାନ ଇଣ୍ଡିଆ ଚଳଚ୍ଚିତ୍ର 'ଆରଆରଆର' ବକ୍ସ ଅଫିସରେ ରୋଜଗାର ସହିତ ହଇଚଇ ସୃଷ୍ଟି କରିଛି । 12ଦିନରେ ଫିଲ୍ମର ମୋଟ ଆୟ ପ୍ରାୟ 1000 ହଜାର କୋଟିରେ ପହଞ୍ଚିଛି । ଏହି ଖୁସି ଅବସରରେ ଫିଲ୍ମର ଏକ ସଫଳତା ପାର୍ଟି ଅନୁଷ୍ଠିତ ହୋଇଥିଲା, ଯେଉଁଥିରେ ଫିଲ୍ମର 'RRR' ର ମୁଖ୍ୟ ତାରକା Jr NTR, ରାମ ଚରଣ ଏବଂ ନିର୍ଦ୍ଦେଶକ ରାଜାମୌଲିଙ୍କ ସମେତ ଅନେକ ସେଲିବ୍ରିଟି ଉପସ୍ଥିତ ଥିଲେ । ଏହି ସମୟରେ ବଲିଉଡର ସୁପରଷ୍ଟାର ଅମିର ଖାନ, ଚଳଚ୍ଚିତ୍ର ନିର୍ମାତା କରଣ ଜୋହର, ଜନି ଲିଭର, ରାକ୍ଷୀ ସାୱନ୍ତଙ୍କୁ ମଧ୍ୟ 'ଆରଆରଆର'ର ସଫଳ ପାର୍ଟିରେ ପହଞ୍ଚିଥିଲେ । ଏହି ପାର୍ଟିରେ ନିର୍ଦ୍ଦେଶକ ରାଜାମୌଲି, ରାମ ଚରଣ ଏବଂ Jr NTR ଏକାଠି କେକ୍ କାଟିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
