ମୁମ୍ବାଇ: ପ୍ରତିବର୍ଷ ମାର୍ଚ୍ଚ 8 ରେ ଆନ୍ତର୍ଜାତୀୟ ମହିଳା ଦିବସ ପାଳନ କରାଯାଏ । ଯଦିଓ ପ୍ରତ୍ୟେକ ଦିନ ମହିଳାଙ୍କ ଗୁରୁତ୍ୱ ରହିଛି, କିନ୍ତୁ ଏହି ଦିନ ସେମାନଙ୍କୁ ବିଶେଷ ଗୁରୁତ୍ବ ଦିଆଯାଏ । ଆଜିର ମହିଳାମାନେ ପ୍ରତ୍ୟେକ କ୍ଷେତ୍ରରେ ପୁରୁଷଙ୍କ ସହ ସମାନ ଭାବରେ ପାଦ ମିଶାଇ ଚାଲି ବହୁ ସଫଳତା ହାସଲ କରିଛନ୍ତି । ତେବେ ବଲିଉଡ ସର୍କଲରେ ଅନ୍ତର୍ଜାତୀୟ ମହିଳା ଦିବସ ପାଇଁ ଏକ ଭିନ୍ନ କ୍ରେଜ୍ ରହିଛି । ଆଜିର ଦିନରେ କିଛି ତାରକା ହୋଲି ପାଳନ କରୁଥିବାବେଳେ ଆଉ କିଛି ଅଭିନେତ୍ରୀ ଅନ୍ତର୍ଜାତୀୟ ମହିଳା ଦିବସର ଅଭିନନ୍ଦନ ଜଣାଇଛନ୍ତି ।
- " class="align-text-top noRightClick twitterSection" data="
">
ଏହି ଅବସରରେ ବଲିଉଡର ଫିଟ୍ ତଥା ଲୋକପ୍ରିୟ ଅଭିନେତ୍ରୀ ଶିଳ୍ପା ଶେଟ୍ଟୀ ସମସ୍ତଙ୍କୁ ଅନ୍ତର୍ଜାତୀୟ ମହିଳା ଦିବସରେ ଶୁଭେଚ୍ଛା ଜଣାଇଛନ୍ତି । ସେ ନିଜ ଇନ୍ଷ୍ଟାଗ୍ରାମ ଆକାଉଣ୍ଟରେ ଏକ ଫଟୋ ସେୟାର କରିଛନ୍ତି । ଯେଉଁଥିରେ ସେ ନୀଳ ଟି-ସାର୍ଟ ପିନ୍ଧିଥିବାର ନଜର ଆସିଛନ୍ତି । ଶିଳ୍ପା ଶେଟ୍ଟୀ ଏକ ଫଟୋ ସେୟାର କରି କ୍ୟାପସନରେ ଲେଖିଛନ୍ତି, "ସଂସ୍କୃତି, ଅଞ୍ଚଳ, ଦେଶ, କିମ୍ବା ଯୁଗର ଆମେ ନିର୍ବିଶେଷରେ ମହିଳାମାନେ ସର୍ବଦା ଅପାର ଶକ୍ତିର ଅଧିକାରିଣୀ । ପ୍ରତ୍ୟେକ ମହିଳା ସେମାନଙ୍କର ସ୍ବପ୍ନକୁ ସାକାର କରିବା ପାଇଁ ବହୁ ବାଧାବିଘ୍ନର ମଧ୍ୟ ସାମ୍ନା କରିଛନ୍ତି । ଆଜିର ଦିନରେ ସମସ୍ତ ମହିଳାଙ୍କୁ ଅନ୍ତର୍ଜାତୀୟ ମହିଳା ଦିବସର ଅଭିନନ୍ଦନ ।"
- " class="align-text-top noRightClick twitterSection" data="
">
ଅଭିନେତ୍ରୀ ମଲାଇକା ଆରୋରା ମଧ୍ୟ ଅନ୍ତର୍ଜାତୀୟ ମହିଳା ଦିବସର ଅଭିନନ୍ଦନ ଜଣାଇଛନ୍ତି । ସୋସିଆଲ ମିଡିଆରେ ଏକ ସୁନ୍ଦର ପୋଷ୍ଟ ସେୟାର କରିଥିବାବେଳେ ଅର୍ଜୁନ କପୁର ମଲାଇକାଙ୍କ ପୋଷ୍ଟରେ ମନ୍ତବ୍ୟ ଦେଇ ପ୍ରଶଂସକଙ୍କ ହୃଦୟ ଜିତିଛନ୍ତି ।
- " class="align-text-top noRightClick twitterSection" data="
">
ମଲାଇକା ଆରୋରା ନିଜ ଇନଷ୍ଟାଗ୍ରାମରେ ଏକ ପୋଷ୍ଟ କରି ମହିଳାଙ୍କ ଦକ୍ଷତା ସହ ଫିଟ୍ ରହିବାକୁ ପରାମର୍ଶ ଦେଇଛନ୍ତି । ସେ ପୋଷ୍ଟରେ ଲେଖିଛନ୍ତି, "ଆପଣ ଏହି ମହିଳା ଦିବସରେ ନିଜକୁ କିପରି ଶକ୍ତି ଦେଉଛନ୍ତି ? ଗୋଟିଏ ଦିନ ଯାହା ଦର୍ଶାଏ ଯେ ଆମେ କେଉଁଠାରେ ଅଛୁ, ଗୋଟିଏ ଦିନ ଯାହା ମହିଳାମାନଙ୍କୁ ନୂତନ ଚ୍ୟାଲେଞ୍ଜ ସହ ଲଢିବା ଶିଖାଏ । କିନ୍ତୁ ଏସବୁ ମଧ୍ୟରେ, ବ୍ୟାୟାମ କରିବାକୁ ଭୁଲନ୍ତୁ ନାହିଁ, କ୍ୟାଲୋରୀ କମ୍ କରିବାକୁ ଭୁଲନ୍ତୁ ନାହିଁ ଏବଂ ନିଜକୁ ଭଲ ଏବଂ ସୁସ୍ଥ ରଖିବାକୁ ଚେଷ୍ଟା କରନ୍ତୁ ।
- " class="align-text-top noRightClick twitterSection" data="
">
ତେବେ ତାଙ୍କର ଏହି ପୋଷ୍ଟ ନେଇ ଅଭିନେତା ଅର୍ଜୁନ କପୁର ଏକ ଫଟୋ ସେୟାର କରିଛନ୍ତି । ଯେଉଁଥିରେ ଅର୍ଜୁନ ଏକ କାର୍ଡ ଧରିଥିବା ନଜର ଆସିଛନ୍ତି । ଏହି କାର୍ଡରେ ଲେଖାହୋଇଛି, "କେବଳ ଆଜିର ଦିନ ନୁହେଁ ସବୁଦିନ ହେଉଛି ତୁମର । ଏହି ପୋଷ୍ଟ ସେୟାର କରି ସେ ଅନ୍ତର୍ଜାତୀୟ ମହିଳା ଦିବସର ଶୁଭେଚ୍ଛା ଜଣାଇଛନ୍ତି । ଏହି ପୋଷ୍ଟ କରି ଅର୍ଜୁନ ପ୍ରଶଂସକଙ୍କ ହୃଦୟ ଜିତିଛନ୍ତି ।"
- " class="align-text-top noRightClick twitterSection" data="
">
ସେହିପରି ଅଭିନେତ୍ରୀ ସାରା ଅଲ୍ଲୀ କାନ ନିଜ ମା'ଙ୍କ ସହ ଏକ ଫଟୋ ସେୟାର କରି ଫ୍ୟାନ୍ସଙ୍କୁ ଅନ୍ତର୍ଜାତୀୟ ମହିଳା ଦିବସର ଶୁଭକାମନା ଜଣାଇଛନ୍ତି । ଏଥିସହ ସେ ଲେଖିଛନ୍ତି, "ମା' ଆପଣ ହିଁ ସିଏ, ଯାହାଙ୍କ ଠାରୁ ମୁଁ ସବୁ କିଛି ଶିଖିଛି ।"
- " class="align-text-top noRightClick twitterSection" data="
">
ଅଭିନେତା ଜାକି ଶ୍ରଫ ମଧ୍ୟ ଅନ୍ତର୍ଜାତୀୟ ମହିଳା ଦିବସରେ ଇନ୍ଷ୍ଟାଗ୍ରାମରେ ନିଜ ମା' ଏବଂ ଝିଅ, ସ୍ତ୍ରୀଙ୍କ ଫଟୋ ସେୟାର କରି ଲେଖିଛନ୍ତି, "ମୋ ଶକ୍ତି । ସେମାନଙ୍କ ପାଇଁ ପ୍ରତ୍ୟେକ ଦିନ ମହିଳ ଦିବସ ।"
ସେହିପରି ଅଭିନେତା ସଞ୍ଜୟ ଦତ୍ତ ମଧ୍ୟ ନିଜ ମା'ଙ୍କ ସହ ଏକ ଭିଡିଓ କରି ଅନ୍ତର୍ଜାତୀୟ ମହିଳା ଦିବସର ଶୁଭକାମନା ଜଣାଇଛନ୍ତି । ସେ ଭିଡିଓ ସେୟାର କରି ଲେଖିଛନ୍ତି, "ଯେଉଁ ସମସ୍ତ ମହିଳା ମୋ ଜୀବନରେ ଆସିଛନ୍ତି, ମୋତେ ଦୃଢ କରିବା ସହ ମୋତେ ପ୍ରେରଣା ଯୋଗାଇଛନ୍ତି ସେହି ସମସ୍ତ ମହିଳାଙ୍କୁ ଧନ୍ୟବାଦ ।"
