ହାଇଦ୍ରାବାଦ: ଆସନ୍ତା ବର୍ଷର ଓସ୍କାର ପୁରସ୍କାର ଏହାର ସର୍ଟଲିଷ୍ଟ ଫିଲ୍ମର ତାଲିକା ପ୍ରକାଶ କରିଛି । ଆଜି (ଶୁକ୍ରବାର) ୯୬ ତମ ଏକାଡେମୀ ଅଫ୍ ମୋସନ୍ ପିକ୍ଚର୍ ଆର୍ଟ ଆଣ୍ଡ ସାଇନ୍ସ ଦଶଟି ଭିନ୍ନ ବର୍ଗରେ ଫାଇନାଲିଷ୍ଟମାନଙ୍କ ନାଁ ଘୋଷଣା କରିଛି । ଏହା ପୂର୍ବରୁ ଏହି ତାଲିକାରେ '୨୦୧୮' ଶ୍ରେଷ୍ଠ ଅନ୍ତର୍ଜାତୀୟ ଫିଚର ଫିଲ୍ମ କାଟାଗୋରୀରେ ଓସ୍କାର୍ ପୁରସ୍କାର ପାଇଁ ଭାରତ ପଠାଇଥିଲା । କିନ୍ତୁ ବର୍ତ୍ତମାନ ଏହି ଚଳଚ୍ଚିତ୍ର ଏକାଡେମୀ ପୁରସ୍କାର ପାଇଁ ରେସରେ ପ୍ରତିଦ୍ବନ୍ଦ୍ବିତା କରିବାରୁ ବାଦ ପଡିଛି । ଯାହାକୁ ନେଇ ବର୍ତ୍ତମାନ ନିର୍ଦ୍ଦେଶକ ଜୁଡେ ଆନ୍ଥାନି ଜୋସେଫ ନିଜର ପ୍ରତିକ୍ରିୟା ଦେଇ ସମସ୍ତ ଶୁଭେଚ୍ଛୁଙ୍କୁ କ୍ଷମାପ୍ରାର୍ଥନା କରିଛନ୍ତି ।
ଇନଷ୍ଟାଗ୍ରାମରେ ଚଳଚ୍ଚିତ୍ର ନିର୍ମାତା ଜୋସେଫ ଏକ ଲମ୍ବା ନୋଟ୍ ସେୟାର କରି ତାଙ୍କ ପ୍ରଶଂସକ ଏବଂ ଶୁଭେଚ୍ଛୁମାନଙ୍କୁ କ୍ଷମା ପ୍ରାର୍ଥନା କରିଛନ୍ତି । ସମସ୍ତଙ୍କୁ ନମସ୍କାର ଓସ୍କାର ସର୍ଟଲିଷ୍ଟ ଘୋଷଣା ହୋଇଛି ଏବଂ ଦୁଃଖର ବିଷୟ ଯେ ଆମର ଚଳଚ୍ଚିତ୍ର '୨୦୧୮: ଏଭ୍ରିଓ୍ବାନ ଇଜ୍ ଏ ରିୟଲ ହିରୋ’ ପୃଥିବୀର ୮୮ଟି ଅନ୍ତର୍ଜାତୀୟ ଭାଷା ଚଳଚ୍ଚିତ୍ର ମଧ୍ୟରୁ ୧୫ଟି ଚଳଚ୍ଚିତ୍ର ମଧ୍ୟରେ ସ୍ଥାନ ସୁରକ୍ଷିତ କରିପାରି ନାହିଁ । ମୁଁ ସମସ୍ତଙ୍କୁ ନିରାଶ କରିଥିବାରୁ ମୋର ସମସ୍ତ ଶୁଭେଚ୍ଛୁ ଏବଂ ସମର୍ଥକଙ୍କୁ ମୁଁ ହୃଦୟରୁ କ୍ଷମା ପ୍ରାର୍ଥନା କରୁଛି । ତଥାପି, ଏହି ପ୍ରତିଯୋଗିତାରେ ଭାରତକୁ ପ୍ରତିନିଧିତ୍ୱ କରିବାର ସୁଯୋଗ ଏକ ସ୍ୱପ୍ନ ପରି ଯାତ୍ରା ଅଟେ ଯାହାକୁ ମୁଁ ଆଜୀବନ ମନେ ରଖିବି । ସର୍ବାଧିକ ଆୟ କରିଥିବା ଚଳଚ୍ଚିତ୍ର ଏବଂ ଓସ୍କାରରେ ସରକାରୀ ଭାରତୀୟ ପ୍ରବେଶ ଯେକୌଣସି ଚଳଚ୍ଚିତ୍ର ନିର୍ମାତାଙ୍କ କ୍ୟାରିୟରରେ ଏକ ବିରଳ ସଫଳତା । ଏହି ଅସାଧାରଣ ଯାତ୍ରା ପାଇଁ ମୋତେ ବାଛିଥିବାରୁ ମୁଁ ଭଗବାନଙ୍କୁ କୃତଜ୍ଞୃ ।
- " class="align-text-top noRightClick twitterSection" data="">
ସେ ଆହୁରି ଲେଖିଛନ୍ତି, ଆମ ଚଳଚ୍ଚିତ୍ର ପାଇଁ ସେମାନଙ୍କର ଅହେତୁକ ସମର୍ଥନ ପାଇଁ ନିର୍ମାତା, ଟେକ୍ନିସିଆନ, କଳାକାର ଏବଂ ଦର୍ଶକଙ୍କୁ ମୋର ହୃଦୟରୁ ଧନ୍ୟବାଦ । ଫିଲ୍ମ ଫେଡେରେସନ୍ ଅଫ୍ ଇଣ୍ଡିଆ, ବିଶେଷକରି ସାର୍ ରବି କୋଟାର୍କକାରା ଆମ ଚଳଚ୍ଚିତ୍ରକୁ ଭାରତର ଅଫିସିଆଲ୍ ଏଣ୍ଟ୍ରି ଭାବରେ ଚୟନ କରିଥିବାରୁ ଧନ୍ୟବାଦ । ଏହି ଯାତ୍ରାରେ ମୋତେ ସମର୍ଥନ କରିଥିବା ସମସ୍ତ ଭାରତୀୟ ଚଳଚ୍ଚିତ୍ର ନିର୍ମାତାଙ୍କୁ ମୁଁ କୃତଜ୍ଞତା ଜଣାଉଛି । ପରବର୍ତ୍ତୀ ସ୍ୱପ୍ନର ଆରମ୍ଭ ଆଜିଠୁ ଆରମ୍ଭ ହେବ । ଯେତେ ଯାଏଁ ଆମେ ନ ମିଶିବା ପର୍ଯ୍ୟନ୍ତ ଓସ୍କାରକୁ ଅପେକ୍ଷା କରିଛି ।
- " class="align-text-top noRightClick twitterSection" data="">
ସୂଚନା ଥାଉ କି, କେବଳ ଟୋଭିନୋ ଥୋମାସଙ୍କ ୨୦୧୮ ଫିଲ୍ମ ନୁହଁ ବିକ୍ରାନ୍ତ ମାସିଙ୍କ 12th ଫେଲ୍ ବି ଏହି ଦୌଡରେ ସାମିଲ ଥିବା ଜଣାପଡିଥିଲା । ଶ୍ରେଷ୍ଠ ଅନ୍ତର୍ଜାତୀୟ ଫିଚର ଚଳଚ୍ଚିତ୍ର ପାଇଁ ଓସ୍କାର 2024 ସର୍ଟଲିଷ୍ଟରେ ଏକ ସ୍ଥାନ ପାଇଁ ଏହି ଉଭୟ ଫିଲ୍ମ ପ୍ରତିଦ୍ୱନ୍ଦ୍ୱିତା କରୁଥିଲା । ହେଲେ ବର୍ତ୍ତମାନ ପରବର୍ତ୍ତୀ ପର୍ଯ୍ୟାୟକୁ ଯାଇଥିବା ୧୫ଟି ବିଦେଶୀ ଫିଚର ବର୍ଗ ଫିଲ୍ମରେ ଗୋଟିଏ ବି ସ୍ଥାନ ସୁରକ୍ଷିତ କରିପାରି ନ ଥିବାରୁ ଭାରତ ପୁଣି ଥରେ ହତାଶ ହୋଇଛି । ଜାନୁଆରୀ ୧୧ ରୁ ଜାନୁୟାରୀ ୧୬ ପର୍ଯ୍ୟନ୍ତ ନାମାଙ୍କନପତ୍ର ଦାଖଲ କରିବାକୁ ଥିବାବେଳେ ଏକାଡେମୀ ପୁରସ୍କାର ପ୍ରାର୍ଥୀମାନଙ୍କ ନାଁ ଜାନୁଆରୀ ୨୩ ରେ ଆନୁଷ୍ଠାନିକ ଭାବେ ଘୋଷିତ ହେବ । ଫେବୃଆରୀ ୨୨ରୁ ଫେବୃଆରୀ ୨୭ପର୍ଯ୍ୟନ୍ତ ଅନ୍ତିମ ଭୋଟ୍ ହେବାକୁ ଥିବା ବେଳେ ୯୬ତମ ଏକାଡେମୀ ପୁରସ୍କାର ମାର୍ଚ୍ଚ ୧୦, ୨୦୨୪ରେ ଆୟୋଜିତ ହେବ ।
ଏହା ମଧ୍ୟ ପଢନ୍ତୁ: ପ୍ରଥମ ଭାରତୀୟ ଫିଲ୍ମ ଭାବେ ଏଣ୍ଟ୍ରି କଲା ‘୨୦୧୮ ଏଭ୍ରିୱାନ ଇଜ୍ ଏ ହିରୋ’
ତେବେ ଓସ୍କାର ଦୌଡର ଏହି ତାଲିକାରେ ବାର୍ବୀ, ଓପେନହାଇମର ଏବଂ କିଲର୍ସ ଅଫ ଦ ଫ୍ଲାୱାର ମୁନ ଆଗୁଆ ରହିଛନ୍ତି । ଏହି ତିନୋଟି ଚଳଚ୍ଚିତ୍ର ସ୍କୋର ଏବଂ ସାଉଣ୍ଡ ସମେତ ଅନେକ ବର୍ଗରେ ଫାଇନାଲିଷ୍ଟ ଭାବରେ ଉପସ୍ଥାପିତ ହୋଇଛି । ବୁମ୍, ଇଭା, ହୁମୋ (ସ୍ମକ), ଆଇ ଏମ ହିପ୍, ଏ କାଇଣ୍ଡ ଅଫ ଟେଷ୍ଟାମେଣ୍ଟ ଆନିମେଟେଡ୍ ଚଳଚ୍ଚିତ୍ରରେ ସର୍ଟଲିଷ୍ଟ ହୋଇଛି । ସେହିପରି ଅନ୍ତର୍ଜାତୀୟ ଫିଚର ବର୍ଗରେ ଫର ଡର୍ଟର (ଟ୍ୟୁନିସିଆ), 20 Days in Mariupol (ୟୁକ୍ରେନ୍), ଜୋନ୍ ଅଫ୍ ଇଣ୍ଟରେଷ୍ଟ ସହ ଅନେକ ଚଳଚ୍ଚିତ୍ର ଅଛି । ଆମେରିକୀୟ ସିମ୍ଫୋନି, ଆପୋଲୋନିଆ, ବିଉଣ୍ଡ୍ ୟୁଟୋପିଆ ସହ ଅନେକ ଚଳଚ୍ଚିତ୍ର ଡକ୍ୟୁମେଣ୍ଟାରୀ ଫିଚର ବର୍ଗରେ ସର୍ଟଲିଷ୍ଟ ହୋଇଛି ।
