ମୁମ୍ବାଇ: ବଲିଉଡ ସୁପରଷ୍ଟାର ହ୍ରିତିକ ରୋଶନ ଆଜିକାଲି ତାଙ୍କର ନୂଆ ସମ୍ପର୍କ ନେଇ ବେଶ ଚର୍ଚ୍ଚାରେ ରହିଛନ୍ତି । ହ୍ରିତିକ ଆଜିକାଲି ତାଙ୍କଠାରୁ 12 ବର୍ଷ ସାନ କଣ୍ଠଶିଳ୍ପୀ ସବା ଆଜାଦଙ୍କୁ ଡେଟ୍ କରୁଥିବା ଆଲୋଚନା ହେଉଛି । ବର୍ତ୍ତମାନ ଏହି କପଲ ନିଜ ଲଭ୍ ଲାଇଫକୁ ସାର୍ବଜନୀନ କରିଥିବା ବେଳେ ସୁସଜ୍ଜିତ ବି-ଟାଉନ୍ ପାର୍ଟୀରେ ଉଊୟଙ୍କୁ ଏକାଠି ଦେଖିବାକୁ ମିଳିଥିଲା । ଏହାରି ମଧ୍ୟରେ ବର୍ତ୍ତମାନ ମୁମ୍ବାଇରେ ଡିନର ଡେଟ୍ରେ ଏହି କପଲଙ୍କୁ ଦେଖିବାକୁ ମିଳିଥିଲା । ପାପାରାଜିଙ୍କୁ ଏଡ଼ାଇ ସେଠାରୁ ଚାଲିଯାଇଥିଲେ । ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
- " class="align-text-top noRightClick twitterSection" data="
">
ନିକଟରେ ନୀତା-ମୁକେଶ ଅମ୍ବାନୀ ସାଂସ୍କୃତିକ କେନ୍ଦ୍ର ଉଦଘାଟନ ଅବସରରେ ଡାସିଂ ଲୁକରେ ହ୍ରିତିକ ଏବଂ ସବାଙ୍କୁ ଏକାଠି ଦେଖିବାକୁ ମିଳିଥିଲା । ଉଭୟ ବ୍ଲାକ ଏବଂ ଲାଲ୍ ରଙ୍ଗର ଆଉଟଫିଟରେ ଖୁବ ଗର୍ଜିୟସ ଲାଗୁଥିଲେ । ତେବେ ଏହାରି ମଧ୍ୟରେ ବର୍ତ୍ତମାନ ଉଭୟଙ୍କୁ ମଙ୍ଗଳବାର ରାତିରେ ଡିନର ଡେଟରେ ଦେଖିବାକୁ ମିଳିଥିଲା । ଏହି କପଲକୁ ବ୍ଲାକ୍ଲୁକ୍ରେ ଦେଖିବାକୁ ମିଳିଥିଲା । ହ୍ରିତିକ ବ୍ଲାକ ପ୍ୟାଣ୍ଟ, ସାର୍ଟ ସହ କ୍ୟାପରେ ନଜର ଆସିଥିବା ବେଳେ ସବା ବ୍ଲାକ ଆଉଟଫିଟରେ ନଜର ଆସିଥିଲେ । କିନ୍ତୁ ଯେତେବେଳେ ଏହି କପଲ ପାପାରାଜିଙ୍କ ସାମ୍ନାକୁ ଆସିଥିଲେ, ସେମାନଙ୍କ ଆଚରଣ ବଦଳି ଯାଇଥିଲା । ରାତ୍ରୀ ଭୋଜନ ସାରି ବାହାରକୁ ଆସିବା ପରେ ଉଭୟ ହ୍ରିତିକ ଏବଂ ସବା ଅତ୍ୟନ୍ତ ନିରାଶ ଥିଲା ଭଳି ଦେଖାଯାଉଥିଲେ । ସେମାନେ ପାପାରାଜିଙ୍କୁ ଅଣଦେଖା କରି ସେଠାରୁ ଚାଲିଯାଇଥିଲେ । ସୋସିଆଲ ମିଡିଆରେ ଏବେ ଏହି ଭିଡିଓ ଭାଇରାଲ ହେବାରେ ଲାଗିଛି ।
ହ୍ରିତିକ ରୋଶନ ପୂର୍ବରୁ ସବା ଆଜାଦଙ୍କ ଚପଲ ଧରିଥିବାର ନଜର ଆସିଥିଲେ । ଏହି ଫଟୋ ସୋସିଆଲ ମିଡିଆରେ ଖୁବ୍ ଭାଇରାଲ ହୋଇଥିଲା । ଏହା ଦେଖି ହ୍ରିତିକଙ୍କ ପ୍ରଶଂସକମାନେ ଏହି ଫଟୋକୁ ଲାଇକ୍ କରିବା ସହ କମେଣ୍ଟ ଦେଇଥିଲେ । ସେହିପରି ପୂର୍ବରୁ ଉଭୟଙ୍କୁ ମୁମ୍ବାଇ ବିମାନ ବନ୍ଦରରେ ମଧ୍ୟ ଦେଖିବାକୁ ମିଳିଥିଲା । ବିମାନ ବନ୍ଦରରେ ଉଭୟଙ୍କ କିସିଂ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା । ଉଭୟ ସେହିଦିନଠାରୁ ବହୁ ଚର୍ଚ୍ଚାରେ ଥିଲେ । ଏହି ସମୟରେ, କିଛି ଉପଭୋକ୍ତା ଯେଉଁମାନେ ହ୍ରିତିକ ଏବଂ ସବାଙ୍କ ଯୋଡିକୁ ନାପସନ୍ଦ କରୁଛନ୍ତି ସେମାନେ ମଧ୍ୟ କମେଣ୍ଟ ଦେଇଥିଲେ । ଅନେକ ୟୁଜର୍ସ ସବା ଆଜାଦ ହ୍ରିତିକ ରୋଶନଙ୍କ ପାଇଁ ଯୋଗ୍ୟ ନୁହେଁ ବୋଲି କମେଣ୍ଟ କରିଛନ୍ତି । ଏହି ଦୁଇ ଷ୍ଟାର୍ଙ୍କ ସମ୍ପର୍କକୁ ଅନେକ ହଜମ କରି ପାରୁନାହାନ୍ତି ।
