ୱାଶିଂଟନ୍: 'ଷ୍ଟାର୍ ୱାର୍ସ- ରିଟର୍ନ ଅଫ୍ ଦା ଜେଡି' ଏବଂ 'ହ୍ୟାରି ପୋଟର୍ ଏଣ୍ଡ ଦା ସ୍କୋରର୍ସ ଷ୍ଟୋନ'ର ଅଭିନେତା ପାଉଲ୍ ଗ୍ରାଣ୍ଟଙ୍କ ଦେହାନ୍ତ ହୋଇଛି । ମୃତ୍ୟବେଳକୁ ତାଙ୍କୁ 56 ବର୍ଷ ବୟସ ହୋଇଥିଲା । ତାଙ୍କ ଦେହାନ୍ତ ଖବର ନେଇ ପାଉଲଙ୍କ ନାତୁଣୀ ସୂଚନା ଦେଇଛନ୍ତି । ମିଡିଆ ରିପୋର୍ଟ ଅନୁଯାୟୀ, ଲଣ୍ଡନର କିଙ୍ଗ କ୍ରସ୍ ଷ୍ଟେସନ ବାହାରେ ପାଉଲ୍ ଗ୍ରାଣ୍ଟ ଖସିପଡିଥିଲେ। ପରେ ତାଙ୍କୁ ଡାକ୍ତରଖାନା ନିଆଯାଇଥିଲା, ଯେଉଁଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏହି ଖବର ଶୁଣି ଫ୍ୟାନ୍ସ ତାଙ୍କୁ ଶ୍ରଦ୍ଧାଞ୍ଜଳୀ ଜଣାଇଛନ୍ତି ।
ତାଙ୍କ ପରିବାର ସଦସ୍ୟଙ୍କ କହିବାନୁସାରେ, ମାର୍ଚ୍ଚ 16 ତାରିଖ ଦିନ ଅପରାହ୍ନରେ କିଙ୍ଗସ୍ କ୍ରସ୍ ଷ୍ଟେସନ ବାହାରେ ଅଭିନେତ୍ରୀ ଖସି ପଡ଼ିଥିଲେ । ସେଠାରୁ ତାଙ୍କୁ ତୁରନ୍ତ ଆମ୍ବୁଲାନ୍ସ ୟୋଗେ ମେଡିକାଲ୍ ନିଆଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏହି ଖବର ପ୍ରସାରିତ ହେବା ପରେ ହଲିଉଡ ଇଣ୍ଡଷ୍ଟ୍ରିରେ ଶୋକର ଛାୟା ଖେଳିୟାଇଛି ।
ପାଉଲ୍ ଗ୍ରାଣ୍ଟଙ୍କ ନାତୁଣୀ ଗଣମାଧ୍ୟମକୁ ଏନେଇ ସୂଚନା ଦେଇ କହିଛନ୍ତି, "ମୋର ହୃଦୟ ଭାଙ୍ଗି ଯାଇଛି । କୌଣସି ଝିଅ ତାଙ୍କ ପିତାଙ୍କୁ ଦୂର କରିବାକୁ ଚାହୁଁନାହାଁନ୍ତି । ସେ ତାଙ୍କର କାର୍ଯ୍ୟକୁ ଭଲ ଭାବରେ ଜାଣିଥିଲେ ଏବଂ ଭଲ ମଧ୍ୟ ପାଉଥିଲେ । ସେ ବହୁତ ଶୀଘ୍ର ଆମକୁ ଛାଡି ଚାଲିଗଲେ ।" ଏଥି ସହିତ, ପାଉଲଙ୍କ ଗର୍ଲଫ୍ରେଣ୍ଡ ମାରିଆ ଡ୍ବାୟର କହିଛନ୍ତି, "ପୋଲ ମୋ ପ୍ରେମ ମୋ ଦୁନିଆ ଥିଲେ। ଏବଂ ସେ ଜଣେ ମଜାଳିଆ ବ୍ୟକ୍ତି ଥିଲେ। ସେ ମୋ ଜୀବନକୁ ସଂପୂର୍ଣ୍ଣ କରିଥିଲେ। ପୋଲ ଗ୍ରାଣ୍ଟ ବିନା ବଞ୍ଚିବା କଷ୍ଟକର ବୋଲି କହିଛନ୍ତି ମାରିଆ ।"
ଏହି ଖବର ପରିବାର ଲୋକେ ସୋସିଆଲ ମିଡିଆ ଜରିଆରେ ଜଣାଇବା ପରେ ହଲିଉଡ ଇଣ୍ଡଷ୍ଟ୍ରିରେ ଶୋକର ଛାୟା ଖେଳିଯାଇଛି । ଅନେକ ତାରକା ତାଙ୍କ ଦେହାନ୍ତ ନେଇ ଶୋକ ପ୍ରକାଶ କରିବା ସହ ପରିବାରକୁ ସମବେଦନା ଜଣାଇ ତାଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି । ସେହିପରି ତାଙ୍କ ଫ୍ୟାନ୍ସ ଦୁଃଖ ପ୍ରକାଶ କରିଛନ୍ତି । ଗ୍ରାଣ୍ଟଙ୍କ ପରିବାରକୁ ସମବେଦନା ଜଣାଇବା ସହ ତାଙ୍କ ଆତ୍ମାର ସଦଗତି କାମନା କରିଛନ୍ତି ।
ପାଉଲଙ୍କ ୱାର୍କପ୍ରଣ୍ଟ କଥା କହିବାକୁ ଗଲେ,ଗ୍ରାଣ୍ଟ 'ଜୋର୍ଜ ଲୁକାସ'ରେ ଏକ ଇୱୋକ ଏବଂ' ହ୍ୟାରି ପୋଟର୍'ରେ ଗୋବଲିନ୍ (ଘୋଷ୍ଟ୍) ଚରିତ୍ରରେ ଅଭିନୟ କରିଥିଲେ । 'ଷ୍ଟାର୍ ୱାର୍ସ' ଏବଂ 'ହ୍ୟାରି ପୋଟର୍' ବ୍ୟତୀତ ପାଉଲ୍ ଗ୍ରାଣ୍ଟ 'ଡେଡ୍' (1987) ଏବଂ 'ଲାବିରିନ୍ଥ' (1986) ମଧ୍ୟ ଅଭିନୟ କରିଥିଲେ । ସେହିପରି 'ୱିଲୋ' (1988), 'ଲାବିରିନ୍ଥ' ଏବଂ 'ଲିଜେଣ୍ଡ' (1985) ଭଳି ଚଳଚ୍ଚିତ୍ରରେ ତାଙ୍କର ଷ୍ଟଣ୍ଟ୍ ପ୍ରଦର୍ଶନ ପାଇଁ ଗ୍ରାଣ୍ଟଙ୍କୁ ପ୍ରଶଂସା ମଧ୍ୟ କରାଯାଇଥିଲା।
