ରିଆଲିଟି ସୋ’ ହୋଷ୍ଟ ପାଇଁ ମୋଟା ଅଙ୍କର ଟଙ୍କା ଚାର୍ଜ କରନ୍ତି ଏହି ଷ୍ଟାର, ସବୁଠୁ ଆଗରେ କିଏ ଜାଣନ୍ତୁ

ବିଗ୍ ବସ୍ ହେଉ କି କୌନ ବନେଗା କରୋଡପତି, ଦର୍ଶକମାନେ ଏହି ସମସ୍ତ ସୋ’କୁ ବହୁତ ପସନ୍ଦ କରନ୍ତି । ଆଜି ଆମେ ଆପଣଙ୍କୁ ସେହି ସେଲିବ୍ରିଟି ବା ହୋଷ୍ଟଙ୍କ ବିଷୟରେ କହିବୁ ଯେଉଁମାନେ ଏହି ସୋ’ ପାଇଁ ନିର୍ମାତାମାନଙ୍କ ଠାରୁ ଅଧିକ ଫି ଆଦାୟ କରନ୍ତି । ଅଧିକ ପଢନ୍ତୁ

ହାଇଦ୍ରାବାଦ: ଭାରତରେ ଚଳଚ୍ଚିତ୍ର ଏବଂ ଟିଭି ସୋ’ ଭଳି ରିଆଲିଟି ସୋ’ ପାଇଁ ମଧ୍ୟ ଦର୍ଶକଙ୍କର ବେଶ୍‌ ଅଗ୍ରହ ରହିଛି । ବିଗ୍ ବସ୍ ହେଉ କିମ୍ବା କୌନ ବନେଗା କରୋଡପତି ହେଉ, ଦର୍ଶକମାନେ ଏହି ସମସ୍ତ ସୋ’କୁ ବହୁତ ପସନ୍ଦ କରନ୍ତି । ଆଜି ଆମେ ଆପଣଙ୍କୁ ସେହି ସେଲିବ୍ରିଟିଙ୍କ ବିଷୟରେ କହିବୁ ଯେଉଁମାନେ ଏହି ସୋ’ର ଆୟୋଜନ ବା ହୋଷ୍ଟ ପାଇଁ ନିର୍ମାତାମାନଙ୍କ ଠାରୁ ଅଧିକ ଫି ଆଦାୟ କରନ୍ତି ।

ଅମିତାଭ ବଚ୍ଚନ

ଟିଭିର ସବୁଠାରୁ ଲୋକପ୍ରିୟ କୁଇଜ୍ ସୋ’ କୌନ ବନେଗା କରୋଡପତିର 15 ତମ ସିଜନ୍ ଆରମ୍ଭ ହୋଇଛି । ଏହି ସୋ’କୁ ଶତାବ୍ଦୀର ମେଗାଷ୍ଟାର ଅମିତାଭ ବଚ୍ଚନ ହୋଷ୍ଟ କରୁଛନ୍ତି । ଯଦି ମିଡିଆ ରିପୋର୍ଟକୁ ବିଶ୍ବାସ କରାଯାଏ, ବିଗ୍ ବି ଏହି ସୋ’ର ଏକ ଏପିସୋଡ୍ ପାଇଁ ପ୍ରାୟ 7.5 କୋଟି ଟଙ୍କା ଚାର୍ଜ କରନ୍ତି ।

ସଲମାନ ଖାନ

ଟିଭିର ସବୁଠାରୁ ଲୋକପ୍ରିୟ ତଥା ବିବାଦୀୟ ସୋ ବିଗ୍ ବସ୍ ବର୍ତ୍ତମାନ OTTରେ ମଧ୍ୟ ଦର୍ଶକଙ୍କୁ ମନୋରଞ୍ଜନ କରୁଛି । ବର୍ତ୍ତମାନ ବିଗ୍ ବସ୍ OTT 2 ଶେଷ ହୋଇଛି । ଏହି ସୋ’କୁ ବଲିଉଡ ଅଭିନେତା ସଲମାନ ଖାନ ହୋଷ୍ଟ କରନ୍ତି । ଯଦି ରିପୋର୍ଟକୁ ବିଶ୍ବାସ କରାଯାଏ, ବିଗ୍ ବସ୍ OTT 2 ଆୟୋଜନ ପାଇଁ ଭାଇଜାନ ସପ୍ତାହରେ 25 କୋଟି ଟଙ୍କା ଆଦାୟ କରିଥିଲେ ।

ରୋହିତ ଶେଟ୍ଟୀ

ଲୋକପ୍ରିୟ ଷ୍ଟଣ୍ଟ ସୋ 'ଖତରୋଁ କେ ଖିଲାଡି' ସିଜନ 13 ପାଇଁ ରୋହିତ ଶେଟ୍ଟୀ ଆଜିକାଲି ବହୁତ ଚର୍ଚ୍ଚାରେ ଅଛନ୍ତି । ଏହି ସୋ’ ଦର୍ଶକଙ୍କ ମଧ୍ୟରେ ଏକ ସ୍ୱତନ୍ତ୍ର ସ୍ଥାନ ସୃଷ୍ଟି କରିଛି । ବଲିଉଡର ପ୍ରଖ୍ୟାତ ଚଳଚ୍ଚିତ୍ର ନିର୍ମାତା ରୋହିତ ଶେଟ୍ଟୀ ଏହି ସୋ’ର ହୋଷ୍ଟ କରୁଛନ୍ତି । ମିଡିଆ ରିପୋର୍ଟରେ ଦାବି କରାଯାଇଛି ଯେ ରୋହିତ ଗୋଟେ ଏପିସୋଡ ପାଇଁ 50,000 ଟଙ୍କା ଆଦାୟ କରୁଛନ୍ତି ।

କରଣ ଜୋହର

ବଲିଉଡ ଚଳଚ୍ଚିତ୍ର ନିର୍ମାତା କରଣ ଜୋହର ତାଙ୍କ ସୁପରହିଟ ଫିଲ୍ମ ବ୍ୟତୀତ ଲୋକପ୍ରିୟ ଚାଟ ସୋ 'କଫି ଓ୍ବିଥ୍‌ କରଣ'ର ହୋଷ୍ଟ ପାଇଁ ମଧ୍ୟ ଜଣାଶୁଣା । ଏହା ବ୍ୟତୀତ ସେ 'ବିଗ୍ ବସ୍' ମଧ୍ୟ ହୋଷ୍ଟ କରିଛନ୍ତି । 'କଫି ଓ୍ବିଥ୍‌ କରଣ'ର ହୋଷ୍ଟ ପାଇଁ କରଣ ଜୋହର ଏକରୁ ଦୁଇ କୋଟି ଟଙ୍କା ଆଦାୟ କରନ୍ତି ।

କଙ୍ଗନା ରଣାୱତ

ବଲିଉଡର ପଙ୍ଗା କୁଇନ୍‌ ଭାବରେ ଜଣାଶୁଣା କଙ୍ଗନା ରଣାୱତ ଏକତା କପୁରଙ୍କ ପ୍ରସିଦ୍ଧ ରିଆଲିଟି ସୋ 'ଲକ୍ ଅପ୍'ର ହୋଷ୍ଟ କରିଥିଲେ । ମିଡିଆ ରିପୋର୍ଟରେ ଦାବି କରାଯାଇଛି ଯେ ଏହି ସୋ’ର ଏକ ଏପିସୋଡ୍ ଆୟୋଜନ ପାଇଁ କଙ୍ଗନା ଏକ କୋଟି ଟଙ୍କା ଆଦାୟ କରୁଥିଲେ ।